جاپونيانىڭ شاعىن ءارى تاڭداۋلى بولشەك ساتۋ دۇكەندەرى
گازەتىمىز ءتىلشىسى ليۋ جۇنگو
2019.04.10 16:43 كەلۋ قاينارى : حالىق تورابى
جاپونيادا «اق جەيدە دۇكەنى» دەپ اتالاتىن دارالىعى باسىم دۇكەن بار: دۇكەندە تەك اق جەيدە عانا ساتىلادى؛ دۇكەن تەك اپتاسىنا ءبىر كۇن عانا اشىلادى ءارى سول كۇنى 7 ساعات قانا الارمان قابىلدايدى. وسىلاي بولسا دا، بۇل دۇكەننىڭ ساۋداسى وتە كۇسەت بولىپ، الارمانداردى ەرەكشە باۋرايدى.
بۇل دۇكەن ماشينا توقتاتۋ ورنىنان وزگەرتىلگەن، دۇكەننىڭ كولەمى شاعىن، تەك 20 شارشى مەتر اينالاسىندا. ءتىلشى دۇكەنگە بارعان كەزدە اشاتىن ۋاقىتى ءالى بولماعان ەكەن، سوندا دا الارماندار ەسىك الدىنا وشىرەتكە ءتىزىلىپ كەتىپتى. دۇكەن وتە قاراپايىم اشەكەيلەنگەن، تەك قابىرعالارىن اكتەپ قويىپتى. دۇكەندە 60 نەشە ماركاداعى 200 ءتۇرلى اق جەيدە ساتىلادى، اپتا سايىن جاڭالانىپ وتىرادى. مۇنىڭ ىشىندە جاپونيانىڭ جەرگىلىكتى ايگىلى ماركالارى دا، ەۆروپا مەن ا ق ش – تىڭ ايگىلى ماركالارى دا تابىلادى، باعاسى 2000 يەننەن (ءبىر يەن 0.06 يۋان) 20 مىڭ يەنگە دەيىن ساتىلادى. توكيودا تۇراتىن يتو حانىم ءبىر جولدا ءتۇرلى پاسومداعى اق جەيدەدەن 3 جەيدە الدى. ول تىلشىگە: مەن اق جەيدە كيگەندى ۇناتامىن. بۇرىن كەلگەندە ۇزاق وشىرەتكە تۇرىپ، دۇكەنگە كىرە الماي كەتەتىنمىن. بۇل جولى اقىرى ىزدەگەنىمدى تاپتىم، — دەدى.
بۇل دۇكەننىڭ قۇرۋشىسى نەتسۋمە تاكۋيانىڭ ايتۋىنشا، ءاربىر الارماننىڭ زات العاندا جاقسى كوڭىل – كۇيدە بولۋى ءۇشىن، دۇكەنگە ءبىر جولدا تەك 10 ادام عانا كىرىپ زات الادى ەكەن. دۇكەندى اشۋداعى ويى جايلى توقتالعاندا، تاكۋيا ءوزىنىڭ دە اق جەيدەگە قىزىعاتىنىن، بۇرىن ارناۋلى تۇردە اق جەيدە ساتاتىن دۇكەن تابا الماعاندىقتان، ءوزى وسىنداي دۇكەن اشۋ بەكىمىنە كەلگەنىن ايتتى. ول 2016 – جىلى 4 – ايدا دۇكەنىن اشقان كەزدە، جاپونياداعى اق جەيدە اۋەسكەرلەرىنىڭ نازارىن اۋدارىپ، سول جىلدىڭ وزىندە كىرىس كىرگىزەرىن ويلاماعان بولاتىن.
توراپ ارقىلى زات الۋدىڭ جالپىلاسۋىنا ىلەسە، ناقتى دۇكەندەردىڭ تيجاراتى بارعان سايىن قىسىمعا ءدوپ كەلدى. دەگەنمەن، نەتسۋمە تاكۋيا ناقتى دۇكەندەردىڭ دە وزىنە ءتان ارتىقشىلىعى بار ەكەنىنە سەنىمدى. ول: ينتەرنەت ارقىلى زات ساتىپ الۋ جالپىلاسقاندىقتان، ناقتى دۇكەندەرگە بارىپ، ناقتى زاتتى كورۋدىڭ ارتىقشىلىعى ءتىپتى كورنەكتىلەنە ءتۇستى، — دەيدى.
جاپونيانىڭ قاتىستى سالاداعى قايراتكەرلەرىنىڭ ايتۋىنشا، ەلەكتروندىق ساۋدانىڭ ىقپالىنا ۇشىراعانىمەن، وسى اق جەيدەنى ارناۋلى ساتۋ دۇكەنى سياقتى نارىقتىڭ ناقتى تالابىنا باعىتتاي وتىرىپ، تۇتىنۋشىلاردىڭ كوڭىل – كۇيلەرىن باقىلاي بىلگەن ناقتى دۇكەندەردىڭ بولاشاعى ءالى دە جارقىن. بۇل دۇكەندەر تۇتىنۋشىلارعا ينتەرنەت ارقىلى زات ساتىپ الۋ بارىسىندا قول جەتكىزە المايتىن ءلاززات سيلايدى. ولار دۇكەندەرىن اسەم جوبالاپ، بەلگىلى ءبىر سالاداعى بۇيىمداردى تولىق ەنگىزىپ، جان – جاقتى قىزمەت كورسەتىپ، دۇكەنگە بارىپ زات الۋدى ءلاززاتتى ىسكە اينالدىرادى، وسى ارقىلى تۇتىنۋشىلاردى باۋرايدى.
تيجاراتشىلار تۇرعىسىنان كوز جىبەرگەندە، جاپونيانىڭ بولشەك ساتۋ دۇكەندەرى ۇلكەن دۇكەن اشۋعا ۇمتىلماستان، بولشەك ساتۋ دۇكەنىنىڭ تيجاراتىن ەڭ جاقسى دەڭگەيگە جەتكىزۋگە ءمان بەرەدى. مۇنداي تانىمنىڭ جەتەگىندە جاپونيادا كوپتەگەن شاعىن ءارى تاڭداۋلى بولشەك ساتۋ دۇكەندەرى جارىققا شىقتى. بۇل دۇكەندەر قىزمەت وتەۋىن بارعان سايىن كەمەلدەندىرىپ، بۇيىمدارىن جاڭالاپ، تۇتىنۋشىلارعا «كەلگەن سايىن جاڭالانىپ تۇرعانداي» اسەر سيلايدى.
جاپونيا ەكونوميكالىق ءوندىرىس مينيسترلىگىنىڭ ساناعىنا قاراعاندا، 2017 – جىلى جاپونيانىڭ بولشەك ساتۋ نارىعىنىڭ جالپى سوماسى 2 تريلليون 600 ميلليارد ا ق ش دوللارى بولعان. دەلويت بۇعالتىرلار باسقارماسى جاريالاعان «2019 – جىلعى دۇنيە جۇزىندەگى 250 ءىرى بولشەك ساتۋ سەرىكتەستىگى» اتتى مالىمدەمەگە قاراعاندا، ازيادان جيىنى 60 كاسىپورىن تىزىمدىككە ەنگەن، مۇنىڭ ىشىندە جاپونيادان 31 كاسىپورىن بار ەكەن. قاتىستى ساراپتاۋشى قايراتكەرلەردىڭ قاراۋىنشا، تەك اق جەيدە ساتاتىن ارناۋلى دۇكەن سياقتى ناقتى دۇكەننىڭ ايرىقشا ارتىقشىلىعىن مىقتى يگەرىپ، دارالىق قاجەتتى قاناعاتتاندىرۋعا تاباندى بولىپ، ارناۋلى دا تاڭداۋلى جۇمىس ىستەپ، تۇتىنۋشىلاردىڭ قارسى الۋىنا يە بولۋمەن بىرگە، تيجارات بارىسىندا تابىسقا جەتۋگە بولادى. (حالىق گازەتى توكيودان حابارلايدى)
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
