سىرتقى ساۋدا دامۋىنىڭ سەرپىنى جانە زاپاس كۇشى بار (جۇڭگو ەكونوميكاسىن جان – جاقتى تالقىلاۋ ⑦)
ــ قازىرگى سىرتقى ساۋدا جاعدايىنا قالاي قاراۋ جونىندە
2019.07.23 15:02 كەلۋ قاينارى : حالىق تورابى
جاز ماۋسىمىندا ەلىمىزدىڭ ءىرى سىرتقى ساۋدا وتكەلدەرى دە دۋمانعا بولەندى. جەر - جەر، تاراۋلار ورتالىقتىڭ سىرتقى ساۋدانى ورنىقتىرۋ جونىندەگى ءبىرسىپىرا ورنالاستىرۋىنا ساي، سىرتقى ساۋدا قۇرىلىمىن بەلسەنە رەتتەپ، جاڭادان گۇلدەنگەن بازار اشىپ، ەكونوميكالىق ونىمدىلىكتى جوعارىلاتتى، ەلىمىزدىڭ سىرتقى ساۋدا ەكسپورتى جالپى جاقتان ورنىقتى بولىپ، ورنىقتىلىق بارىسىندا ىلگەرىلەدى.
«ساۋداداعى ءىرى ەلدەن ساۋداداعى قۋاتتى ەلگە قاراي جەدەل قادام تاستاپ، سىرتقى ساۋدانىڭ ءداستۇرلى ابزالدىعىن بەكەمدەپ، باسەكەنىڭ جاڭا ابزالدىعىن جەتىلدىرىپ، سىرتقى ساۋدانىڭ دامۋ ءورىسىن كەڭەيتىپ، يمپورتتى بەلسەنە كەڭەيتۋ كەرەك». باس شۋجي شي جينپيڭنىڭ ماڭىزدى پايىمداۋلارى سىرتقى ساۋدانىڭ ساپالى دامۋىن ىلگەرىلەتۋگە ايقىن باعدار كورسەتتى.
دۇنيە جۇزىندەگى ەكىنشى ۇلكەن ەكونوميكالىق تۇلعا، زات ساۋداسى ەكسپورتىنداعى ءبىرىنشى ۇلكەن ەل رەتىندە ەلىمىزدىڭ سىرتقى ساۋدا جاعدايى قالاي بولىپ وتىر؟ سىرتقى ورتانىڭ وزگەرىسى سىرتقى ساۋداعا قانداي ىقپال جاسايدى؟ سىرتقى ساۋدانىڭ ورنىقتى ارتۋىن جۇزەگە اسىرۋعا بولا ما؟ وسى ماسەلەلەر جونىنەن ءتىلشى سىرتقى ساۋدانىڭ ءبىرىنشى شەبىنە بارىپ تىلشىلىك ىستەدى.
ەلىمىزدىڭ سىرتقى ساۋدا كولەمى ورنىقتى، ساپاسى جاقسى، ومىرشەڭدىك كۇشى جەتكىلىكتى، ىشكى قوزعاۋشى كۇش ۇزدىكسىز نىعايۋدا
زات ساۋداسىنىڭ يمپورت - ەكسپورت جالپى قۇنى 14 تريلليون 670 ميلليارد يۋان بولىپ، وتكەن جىلدىڭ ۇقساس مەزگىلىندەگىدەن %3.9 ارتقان؛ ەكسپورت 7 تريلليون 950 ميلليارد يۋان بولىپ، وتكەن جىلدىڭ ۇقساس مەزگىلىندەگىدەن %6.1 ارتقان؛ ساۋدا وڭ بالانىسى ءبىر تريلليون 230 ميلليارد يۋان بولىپ، %41.6 كە كەڭەيگەن، الدىڭعى جارتى جىلدا ەلىمىزدىڭ سىرتقى ساۋدا ناتيجەسى كورنەكتى بولعان.
«الدىڭعى جارتى جىلداعى سىرتقى ساۋدا ساندى مالىمەتىنە تالداۋ جاساساق، قازىر ەلىمىزدىڭ سىرتقى ساۋدا كولەمى ورنىقتى، ساپاسى وزىق، ومىرشەڭدىك كۇشى جەتكىلىكتى بولىپ، سىرتقى ساۋدانىڭ ساپالى دامۋى ءتارتىپتى ىلگەرىلەگەنىن اڭعارۋعا بولادى» دەدى كەدەن باس مەكەمەسىنىڭ اقپارات مالىمدەمەشىسى لي كۇيۋىن.سىرتقى ورتانىڭ وزگەرىسىنە قاراتا ەلىمىزدىڭ سىرتقى ساۋداسى ورنىقتى بولدى
قازىر دۇنيە ءجۇزىنىڭ ەكونوميكا - ساۋدا ورتاسى اۋمالى - توكپەلى بولۋدا، حالىقارالىق ساۋدادا قورعانىمپازدىق، سىڭار جاقتىلىق باس كوتەرىپ، دۇنيە ءجۇزىنىڭ ەكونوميكا - ساۋدا حاۋىپ - قاتەرى مەن تۇراقسىزدىعى كۇشەيىپ، ءىشىنارا ادامدار ەلىمىزدىڭ سىرتقى ساۋدا بولاشاعىنان الاڭدادى...
«سىرتقى حاۋىپ - قاتەر الدىندا، ەلىمىزدىڭ سىرتقى ساۋداسى ورنىقتى ارتتىرۋ نەگىزىنە يە». شاندۇڭ قازىنا - ەكونوميكا ۋنيۆەرسيتەتىنىڭ مەكتەپ باستىعى، پروفەسسور جاۋ جۇڭشيۋ بىلاي دەپ قارادى: جالپى تۇلعالىق جاقتان قاراعاندا، ەلىمىزدىڭ سىرتقى ساۋدا كاسىپورىندارىنىڭ ءوندىرىس جۇيەسى مەن ءوندىرىس قۋاتىنىڭ يىلگىشتىگى، ءوندىرىس ونىمدىلىگى جوعارى، دۇنيە ءجۇزى بازارىنىڭ قاجەتىن قاناعاتتاندىرۋدىڭ ۇيلەسىمدىلىگى كۇشتى؛ سونىمەن بىرگە، ەكسپورت بازارىنىڭ كوپ نەگىزدەنۋى سياقتى ستراتەگيالار ۇزدىكسىز ىلگەرىلەپ، كاسىپورىنداردىڭ حاۋىپ - قاتەرگە توتەپ بەرۋ قۋاتى كورنەكتى جوعارىلادى.
نەگىزگى جاعى ورنىقتى، ساياساتتىق پايداسى كوپ، ەلىمىزدىڭ سىرتقى ساۋداسى ءالى دە ورنىقتى ارتادى
ساۋدا مينيسترلىگىنىڭ قاتىستى جاۋاپتىسى بىلاي دەپ قارادى: سىرتقى ورتا ءبىرشاما قيىن، اسا زور تۇراقسىزدىق ءومىر ءسۇرىپ وتىر، سولاي بولسا دا، ەلىمىزدىڭ سىرتقى ساۋداسىنىڭ دامۋىندا ءالى دە كوپتەگەن ءتيىمدى شارت - جاعداي بار ەكەنىن، ارتۋدى ورنىقتىرۋدىڭ ءالى دە كۇشتى تىرەگى بار ەكەنىن كورە ءبىلۋىمىز كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
