الەمدەگى 500 مىقتى سەرىكتەستىكتىڭ %98ى جۇڭگوعا قارجى قوسقان
2019.08.22 13:19 كەلۋ قاينارى : حالىق تورابى
شينحۋا اگەنتتىگى، 8 – ايدىڭ 21 – كۇنى، بەيجيڭ (ءتىلشى: يۇي جياشين) ءتىلشىنىڭ 8 – ايدىڭ 21 – كۇنى ساۋدا مينيسترلىگىنەن ۇعىسۋىنشا، قازىرگە دەيىن، الەمدەگى 500 مىقتى سەرىكتەستىكتىڭ ىشىندە شامامەن 490 سەرىكتەستىك جۇڭگوعا قارجى قوسقان، بۇل شامامەن جالپى ساننىڭ %98ىن ۇستايدى.
ساۋدا مينيسترلىگى مينيسترىنىڭ ورىنباسارى چيان كىميڭ ساۋدا مينيسترلىگى سول كۇنى وتكىزگەن مەملەكەت اتتاعان سەرىكتەستىكتەردىڭ باسشىلارىنىڭ چيڭداۋ سامميتىنىڭ اقپار جاريالاۋ جيىنىندا جوعارىداعىداي باياندادى. ول بىلاي دەدى: جۇڭگو سەرىكتەستىكتەرىنىڭ حالىقارالانۋ اياق الىسى تەزدەدى، «بايلىق» جۋرنالىنىڭ الەمدەگى 500 مىقتى سەرىكتەستىك تىزىمىنە جۇڭگودان ەنگەن سەرىكتەستىكتەردىڭ سانى ۇزدىكسىز ارتىپ، 2001 – جىلى تىزىمدىككە ەنگەن 11 سەرىكتەستىكتەن 2019 – جىلى 129 سەرىكتەستىككە ارتتى.
جۇڭگونىڭ رەفورما جاساپ، ەسىك اشۋ ۇردىسىندە، مەملەكەت اتتاعان سەرىكتەستىكتەر جۇڭگوعا قارجى، تەحنيكا جانە باسقارۋ تاجىريبەسىن الا كەلۋمەن بىرگە، جۇڭگودا كەڭ بازار اشىپ، ودان پايدا تاۋىپ، ءوزارا تيىمدىلىك جەتكىزىپ، بىرگە يگىلىكتەنۋدى ىسكە اسىردى. سونىمەن بىرگە، مەملەكەت اتتاعان سەرىكتەستىكتەر كوپ جاقتى ەكونوميكا ءتۇزىلىسىن قورعاۋ، ءادىل، ۇيلەسىمدى جاڭاشا تيپتەگى حالىقارالىق قارىم – قاتىناستى ورناتۋ جاعىندا ماڭىزدى رول اتقاردى.
ساۋدا مينيسترلىگى زەرتتەۋ مەكەمەسى شەتەلدىڭ قارجى قوسۋىن زەرتتەۋ باسقارماسى مەڭگەرۋشىسىنىڭ ورىنباسارى حاۋ حۇڭمەيدىڭ ايتۋىنشا، جۇڭگوعا كەلىپ قارجى قوساتىن شەتەل سەرىكتەستىكتەرى بارعان سايىن مولايعان، بۇل ەكونوميكانىڭ جاھاندانۋ بەتالىسىنا ۇيلەسەدى، جۇڭگونىڭ جاھاندىق ءوندىرىس تىزبەگىندەگى، قۇن تىزبەگىندەگى باسەكەگە ىشكەرىلەي ارالاسقانىن كورسەتەدى. ەسىكتى ونان ارى ايقارا اشىپ، قارجىلاندىرۋ مەن ساۋدانىڭ ەركىندەنۋ، قولايلىلانۋ ورەسىن ۇزدىكسىز جوعارىلاتۋ — جۇڭگونىڭ مەملەكەت اتتاعان سەرىكتەستىكتەردى باۋراۋىنداعى ماڭىزدى سەبەپ بولىپ تابىلادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
