7 – ايدا شياڭگاڭنىڭ يمپورت – ەكسپورت مولشەرى ۇزدىكسىز تومەندەدى
2019.08.27 13:26 كەلۋ قاينارى : حالىق تورابى
شينحۋا اگەنتتىگى، 8 – ايدىڭ 26 – كۇنى، شياڭگاڭ (ءتىلشى: فاڭ دۇڭ) شياڭگاڭ ەرەكشە اكىمشىلىك رايونى ۇكىمەتىنىڭ ساناق باسقارماسىنىڭ 8 – ايدىڭ 26 – كۇنگى ساندى دەرەگىنە قاراعاندا، سىرتقى جاعدايدىڭ ىقپالىنا ۇشىراعاندىقتان، 7 – ايدىڭ شياڭگاڭنىڭ تاۋارلاردى يمپورت – ەكسپورت ەتۋ قۇنى بىردەي تومەندەگەن، مەجەگە قاراعاندا، يمپورت – ەكسپورت قۇنى قىسقا مەرزىم ىشىندە سەرپىلە الماۋى مۇمكىن.
ساندى دەرەكتەرگە قاراعاندا، شياڭگاڭنىڭ الدىڭعى ايداعى جالپى ەكسپورت قۇنى سايكەستى مەزگىلدەگىمەن سالىستىرعاندا %5.7 تومەندەپ، 6 – ايداعى %9تىك سايكەستى مەزگىلدەگىمەن سالىستىرعاندا كورنەكتى مولشەردە تومەندەگەن، يمپورت قۇنى سايكەستى مەزگىلدەگىمەن سالىستىرعاندا %8.7 تومەندەپ، 6 – ايداعى %7.5تىك تومەندەۋ مولشەرى ونان ارى ارتا تۇسكەن. ساۋداداعى كەرى بالانىس 32 ميلليارد 200 ميلليون شياڭگاڭ يۋانى بولىپ، يمپورت قۇنىنىڭ %8.7ىمەن قارايلاس بولعان. 2019 – جىلعى الدىڭعى 7 ايدا ەكسپورت قۇنى سايكەستى مەزگىلدەگىمەن سالىستىرعاندا %3.9 تومەندەگەن، يمپورت قۇنى سايكەستى مەزگىلدەگىمەن سالىستىرعاندا %5.1 تومەندەگەن.
ەرەكشە اكىمشىلىك رايون ۇكىمەتى مالىمدەمەشىسىنىڭ ايتۋىنشا، شياڭگاڭنىڭ 7 – ايداعى سىرتقى ساۋدا جاعىنداعى كورسەتكىشتەرى جاھاندىق ەكونوميكانىڭ ارتۋىنىڭ باياۋلاۋى مەن جۇڭگو جانە ا ق ش اراسىنداعى ساۋدا سايىسىنىڭ ىقپالىنا ۇشىراعان، مۇنداي ءتيىمسىز فاكتورلار ازياداعى وزگە ەكونوميكالىق تۇلعالاردىڭ جاساۋ كاسىبى مەن ساۋدا سالاسىنا دا شالىعىن تيگىزدى. شياڭگاڭنىڭ 7 – ايدا بىرنەشە نەگىزگى نارىققا تاۋار ەكسپورت ەتۋ مولشەرى تۇرلىشە دەڭگەيدە تومەندەگەن.
ساناققا قاراعاندا، شياڭگاڭنىڭ 7 – ايدا مالايزياعا ەكسپورت ەتكەن تاۋار مولشەرى سايكەستى مەزگىلدەگىمەن سالىستىرعاندا %14.7 تومەندەگەن، گەرمانياعا ەكسپورت ەتۋى %13 تومەندەگەن، ا ق ش – قا ەكسپورت ەتۋى %10.3 تومەندەگەن، ىشكى ولكەلەرگە ەكسپورت ەتۋى %7.1 تومەندەگەن. شياڭگاڭنىڭ مالايزيادان تاۋار يمپورت ەتۋى %30.9 تومەندەگەن، كورەيادان يمپورت ەتۋ مولشەرى %29.3 تومەندەگەن، سينگاپۋردان ەكسپورت ەتۋ مولشەرى %20.7 تومەندەگەن، ىشكى ولكەلەردەن ەكسپورت ەتۋ مولشەرى %4.0 تومەندەگەن.
بولاشاق جايلى بولجام جاساعاندا، مالىمدەمەشى مىنانى ءبىلدىردى: سىرتقى جاقتاعى كۇردەلى جاعدايعا ءدوپ كەلگەندىكتەن، شياڭگاڭنىڭ ەكسپورت كورسەتكىشتەرى قىسقا مەرزىم ىشىندە سەرپىلە قويمايدى، ءتىپتى مۇنان دا قۇلدىراۋى مۇمكىن، ۇكىمەت قاتىستى جاعدايلارعا باسا نازار اۋدارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
