الدىڭعى 3 توقساندا GDP دىڭ ارتۋى %6.2 بولدى، ءالى دە ۇيلەسىمدى ارالىقتا تۇر −
ەكونوميكانىڭ ارتۋ قارقىنى ءبىراز باياۋلاسا، قالاي قاراۋ كەرەك؟ (ەكونوميكالىق ساندى مالىمەتكە ديالەكتيكالىق تۇرعىدان قاراعاندا ①)
«حالىق گازەتىنىڭ» تىلشىلەرى لۋ يانان، جاۋ جانحۇي، ديڭ ي – تيڭ
2019.10.25 14:25 كەلۋ قاينارى : حالىق تورابى
10 – ايدىڭ 18 - كۇنى جۇڭگو ەكونوميكاسىنىڭ «3 توقسانداعى مالىمەتى» جاريالاندى، الدىڭعى 3 توقسانداعى %6.2 تىك ارتۋ قارقىنى دۇنيە جۇزىندەگى نەگىزگى ەكونوميكالىق تۇلعالاردىڭ ىشىندە الدىڭعى قاتاردا تۇردى. ءتۇرلى كورسەتكىشتەردىڭ كورسەتۋىنشە، جۇڭگو ەكونوميكاسىنىڭ اقاۋسىز، ورنىقتى دامۋىنىڭ نەگىزگى جاعدايى وزگەرمەگەن، ساپالى دامۋعا تىرەك بولاتىن ءوندىرىس فاكتورى شارت - جاعدايى وزگەرمەگەن.
باس شۋجي شي جينپيڭ اتاپ كورسەتكەندەي، «ورنىقتىلىق بارىسىندا جاقسارۋ، ۇزاق ۋاقىت جاقسارۋ − جۇڭگو ەكونوميكاسىندا وزگەرىس بولماعانىنىڭ، وزگەرىس تە بولمايتىنىنىڭ جالپىلىق اۋقىمى. بولاشاققا كوز جىبەرسەك، جۇڭگو ەكونوميكاسىنىڭ ورنىقتى، اقاۋسىز، باياندى دامۋى جەتكىلىكتى تىرەك شارتىن ازىرلەدى».
جالپى تۇلعالىق جاقتان ورنىقتى بولدى، بۇل وڭاي – وسپاق قولعا كەلگەن ەمەس
قازىرگى ەكونوميكانىڭ ارتۋ قارقىنىن قالاي باعالاۋعا بولادى؟ سۇحپاتتى قابىلداعان مامان – وقىمىستىلار نەگىزىنەن «جالپى تۇلعالىق جاقتان ورنىقتى بولدى، بۇل وڭاي – وسپاق قولعا كەلگەن ەمەس» دەگەن جاۋاپ قايتاردى.
− بۇل دۇنيە ءجۇزى بويىنشا الدىڭعى قاتارداعى ارتۋ قارقىنى سانالادى.
«ارتۋ قارقىنى ءسال باياۋلاعانىمەن، الدىڭعى 3 توقسانداعى ارتۋ قارقىنى %6.2 كە جەتكەن، بۇل دۇنيە ءجۇزى بويىنشا جوعارى ارتۋ قارقىنى سانالادى». مەملەكەتتىك ساناق مەكەمەسىنىڭ اقپارات مالىمدەمەشىسى ماۋ شىڭيۇڭ بىلاي دەدى: «العاشقى مەجەگە قاراعاندا، بۇكىل دۇنيە جۇزىندەگى ەكونوميكاسىنىڭ جالپى مولشەرى ءبىر تريلليون دوللاردان اساتىن ەكونوميكالىق تۇلعالاردىڭ ىشىندە بۇل قارقىن ەڭ تەز قارقىن سانالادى».
− بۇل ورنىقتىلىقتى نەگىز ەتكەن ارتۋ قارقىنى سانالادى.
قازىرگى ەكونوميكانىڭ ارتۋ قارقىنىندا باستى ماكرولىق كورسەتكىشتەر ءالى دە ۇيلەسىمدى ارالىقتا تۇر، ورنىقتىلىق ءالى دە جۇڭگو ەكونوميكاسى دامۋىنىڭ نەگىزگى ەرەكشەلىگى بولىپ تابىلادى.
كاسىپتەنۋ ورنىقتى بولسا، جۇرتشىلىق تۇرمىستان قامىقپايدى. 9 - ايدا بۇكىل ەل بويىنشا قالا – قالاشىقتا تەكسەرىلگەن جۇمىسسىزدىق شاماسى %5.2 بولىپ، وتكەن ايداعىمەن بارابار بولعان؛ الدىڭعى 3 توقساندا بۇكىل ەل بويىنشا قالا - قالاشىقتا تىڭنان 10 ميلليون 970 مىڭ ادام كاسىپتەنىپ، تۇتاس جىلداعى نىسانالىق مىندەتتىڭ %99.7 ى ورىندالعان.
جۇڭگو حالىق ۋنيۆەرسيتەتىنىڭ ورىنباسار مەكتەپ باستىعى ليۋ يۋانچۇن مەجە جاساپ بىلاي دەدى: قازىر جۇڭگو ەكونوميكاسى ءبىر پايىز ارتقان سايىن جاڭادان ارتقان GDP كولەمى 140 ميلليارد امەريكا دوللارى بولادى، بۇل بۇرىنعى ورەدەن الدەقايدا جوعارى. ول تاعى بىلاي دەدى: «سول سياقتى، GDPءبىر پايىز ارتسا، كاسىپتەنۋ مولشەرى بۇرىنعىدان الدەقايدا كوپ بولادى. سوندىقتان ارتۋ قارقىنى باياۋلاعانىمەن، كاسىپتەنۋ جالپى مولشەرى ءالى دە ورنىقتى بولۋدا».
كىرىس ورنىقتى بولسا، قالتا قامپيادى. الدىڭعى 3 توقساندا بۇكىل ەل بويىنشا تۇرعىنداردىڭ كىسى باسىنا تۋرا كەلەتىن يگەرىلمەلى كىرىسى ءىس جۇزىندە %6.1 ارتىپ، ادام باسىنا تۋرا كەلەتىن GDP دىڭ ارتۋ قارقىنىنان تەز بولدى. «اتامالى ارتۋ تۇرعىسىنان قاراعاندا، الدىڭعى 3 توقساندا بۇكىل ەل بويىنشا تۇرعىنداردىڭ كىسى باسىنا تۋرا كەلەتىن يگەرىلمەلى ورتاشا كىرىسى %8.8 ارتقان، بۇل ءالى دە ءبىرشاما جاقسى ارتۋ شاماسى سانالادى» دەدى ماۋ شىڭيۇڭ.
زات باعاسى ورنىعىپ، كوجە - قاتىق جەتكىلىكتى بولدى. 9 – ايدا CPI شاماسى %3 كە جەتكەنىمەن، بۇل نەگىزىنەن دوڭىز ەتى ۋاكىلدىك ەتكەن از ساندى ازىق - تۇلىك باعاسىنىڭ ءوسۋ فاكتورىنان بولدى، ازىق - تۇلىك پەن ەنەرگيانى شىعارىپ تاستاعاننان كەيىنگى وزەكتى CPI دىڭ ءوسۋ مولشەرى %1.5 بولىپ، ءالى دە شاعىن كولەمدە تومەندەگەن. الدىڭعى 9 ايدا CPI دىڭ ورتاشا ءوسۋ مولشەرى %2.5 بولدى، بۇل باياۋ ءوسۋ دەڭگەيىنە جاتادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
