ازيا نەگىزدىك قۇرىلعىلاردى قارجىلاندىرۋ بانكەسى باس شتابىنىڭ عيماراتى سالىنىپ بولدى

2019.10.25 14:47   كەلۋ قاينارى : حالىق تورابى

　　حالىق گازەتى، 10 – ايدىڭ 24 – كۇنى، بەيجيڭ (ءتىلشى: حى يۇڭ) ازيا نەگىزدىك قۇرىلعىلاردى قارجىلاندىرۋ بانكەسى باس شتابىنىڭ عيماراتى 3 جىل ىشىندە سالىنعان جانە ازيا فينانس سارايى 10 – ايدىڭ 24 – كۇنى سالىنىپ بولدى، بۇل جۇڭگو ۇندەۋ تاستاعان ءارى قۇرعان تۇڭعىش كوپ جاقتى فينانس قۇرىلىمى باس شتابى قۇرىلىسىنىڭ بەيجيڭگە ورنالاسۋى بولىپ، بەيجيڭنىڭ «ءتورت ورتالىق» قۇرىلىسىنا، مەملەكەتتىڭ دامۋ ستراتەگياسىنىڭ اتقارىلۋىنا قۋاتتى تىڭ قوزعاۋشى كۇش سيلايدى.

　　ازيا قارجىلاندىرۋ بانكەسى باس شتابىنىڭ قۇرىلىسى بەيجيڭ وليمپيك باقشاسىنىڭ ورتالىق رايونىنا ورنالاسقان، «لۋبان قۇلپىسى» فورماسىندا جوبالانىپ، اۋەدەن قاراعاندا «جۇڭگو ءتۇيىنى» بولىپ كورىنەدى، «الەمدى بايلانىستىرعان جۇڭگو ءتۇيىنى» دەگەن ءماندى بىلدىرەدى. قۇرىلىستىڭ كولەمى 390 مىڭ شارشى مەتر بولىپ، 5 كەڭسە عيماراتىنان قۇرالادى، عيماراتتىڭ جەر بەتىندەگى ەڭ بيىك قۇرىلىسى 16 قابات بولىپ، جەر استىندا 3 قابات قۇرىلىس ورنالاسادى. عيماراتقا زەردەلى جارىقتاندىرۋ جۇيەسى ورنالاستىرىلىپ، بارلىق بولىكتەر مەن جارىقتاندىرۋ جۇيەسىنە تۇگەلدەي LEED اق التىن دارەجەسىندەگى كۋالاندىرۋ ولشەمى قولدانىلعان، بۇل ەلەكتردى سارىپ ەتۋ مولشەرىن %30 تومەندەتەدى.

　　كەلۋ قاينارى: حالىق تورابى