الدىڭعى 10 ايدا سىرتقى ساۋدا يمپورت - ەكسپورتى %2.4 ارتتى، ورنىقتىلىق بارىسىندا جاقسارۋ اۋقىمى وزگەرگەن جوق −
سىرتقى ساۋدا اينالىمى ورنىقتى بولا الا ما؟ (ەكونوميكالىق ساندى مالىمەتكە ديالەكتيكالىق تۇرعىدان قاراۋ ⑥)
«حالىق گازەتىنىڭ» تىلشىلەرى دۋ حايتاۋ، ۋاڭ كى، كوۋ جياڭ زى، شىن شاۋتيە
2019.11.19 16:32 كەلۋ قاينارى : حالىق تورابى
الدىڭعى 10 ايدا ەلىمىزدىڭ سىرتقى ساۋدا يمپورت - ەكسپورتىنىڭ جالپى قۇنى 25 تريلليون 630 ميلليارد يۋان بولىپ، وتكەن جىلدىڭ ۇقساس مەزگىلىندەگىدەن %2.4 ارتتى، مۇنىڭ ىشىندە ەكسپورت 13 تريلليون 990 ميلليارد يۋان بولىپ، %4.9 ارتتى. دۇنيە جۇزىلىك ساۋداداعى قارجى قوسۋ تومەن بولعان جاعدايدا، باسەكە مەن تۇراقسىزدىققا تولى دامۋ ورتاسى الدىندا ەلىمىزدىڭ يمپورت - ەكسپورت كولەمى جالپى جاقتان ورنىقتى بولىپ، قۇرىلىمى ۇزدىكسىز ساپالىلانىپ، ساپاسى ورنىقتى جوعارىلادى.
«ساۋداداعى ءىرى ەلدەن ساۋداداعى قۋاتتى ەلگە قاراي جەدەل قادام تاستاپ، سىرتقى ساۋدانىڭ ءداستۇرلى ابزالدىعىن بەكەمدەپ، باسەكەنىڭ جاڭا ابزالدىعىن جەتىلدىرىپ، سىرتقى ساۋدانىڭ دامۋ ءورىسىن كەڭەيتىپ، يمپورتتى بەلسەنە كەڭەيتۋ كەرەك». باس شۋجي شي جينپيڭنىڭ ماڭىزدى بايىمداۋلارى سىرتقى ساۋدانىڭ ساپالى دامۋىن ىلگەرىلەتۋگە ايقىن باعدار كورسەتتى. جۇڭگو ەكونوميكاسىنىڭ ۇزاق ۋاقىت جاقسارۋ سىندى نەگىزگى جاعدايى وزگەرگەن جوق، سىرتقى ساۋدانىڭ ىشكى قوزعاۋشى كۇشى ۇزدىكسىز كۇشەيىپ، «سىرتقى ساۋدانى ورنىقتىرۋ» ساياساتىنىڭ ونىمدىلىگى ۇزدىكسىز كورنەكتىلەندى، جۇڭگونىڭ سىرتقى ساۋداسىنىڭ نەگىزى، شارت - جاعدايى، سەنىمى بار.
سىرتقى ساۋداداعى تابىس وڭاي – وسپاق قولعا كەلگەن جوق
سىرتقى ساۋدا جاعدايى قانداي، مۇندا نەگىزىنەن كاسىپورىنداردىڭ ايتقانى ەسەپ.
«تاياۋدا ءبىز ءۇندىستاندا مەردىگەرلىك نىسانىنا قول جەتكىزدىك، زاتتىڭ قۇنى 20 ميلليون امەريكا دوللارىنان استام بولدى! جىل سوڭىندا تاعى بىرنەشە ەكسپورت توقتامى جاسالۋى مۇمكىن». سەرىكتەستىكتىڭ بيىلعى ەكسپورت جاعدايىن اۋىزعا العاندا، حۋبەي شىرۇيدا اۋىر قۇرىلىس ماشينالارى شەكتى سەرىكتەستىگىنىڭ باس جوراسى چىن يىڭجيە ايرىقشا اسەرلەنىپ: «تاپسىرىستىڭ ارتۋى، كىرىستىڭ ارتۋى مۇنشالىق تەز بولارىن ويلاماعان ەكەنبىز» دەدى.
چىن يىڭجيەنىڭ قاراۋىنشا، كاسىپورىننىڭ جاقسى اۋقىمى ۇزاق جىل بويى زەرتتەۋمەن شۇعىلدانۋدىڭ ارقاسى ەكەن. وتكەن جىلى شىرۇيدا دەربەس زەرتتەپ جاساعان ينجەنەريالىق ماشينا جابدىقتارى ءۇندىستان بازارىنا كىردى، بيىل تاعى بىرنەشە ايگىلى ەل ارالىق سەرىكتەستىكپەن باسەكەگە ءتۇسىپ، تاعى دا مەردىگەر بولعان. «دەربەس زەرتتەۋ - اشۋ سىندى وسى جولدى دۇرىس باسساق بولعانى، ءبىز ونىمدەرىمىزدى دۇنيە جۇزىنە ايگىلەي الامىز» دەدى چىن يىڭجيە.
سىرتقى ساۋدانىڭ ءبىرىنشى شەبىن ارالاپ كورسەك، شىرۇيدا سياقتى كاسىپورىندار از ەمەس. ولار تەحنيكادا جاڭالىق جاراتۋدى، تۇزىمدە جاڭالىق جاراتۋدى جانە باسقارۋدا جاڭالىق جاراتۋدى بەلسەنە ورىستەتىپ، جاڭالىق جاراتۋ ابزالدىعىن ەكسپورت باسەكەسىنىڭ جاڭا ابزالدىعىنا اينالدىردى. بيىل الدىڭعى 3 توقساندا ەلىمىزدىڭ يمپورت - ەكسپورت كولەمى جەكە - جەكە 7 تريلليون 10 ميلليارد يۋان، 7 تريلليون 660 ميلليارد يۋان جانە 8 تريلليون 240 ميلليارد يۋان بولىپ، توقسان سايىن ارتۋ جاعدايى جارىققا شىقتى. (تولىق مازمۇنىن حالىق تورابىنىڭ حانزۋشا ارناسىنان وقي الاسىزدار)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
