بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

الدىڭعى 3 توقساندا ناقتى ەكونوميكاعا بەرىلگەن قارىز 14 تريلليون يۋانعا جۋىق ارتتى

فينانس جاعىنان دەم بەرىلىپ، ەكونوميكانىڭ ومىرشەڭدىك قۋاتى نىعايدى

«حالىق گازەتىنىڭ» تىلشىلەرى چۇي جىحان، وۋياڭ جيە 

2019.12.11 15:43     كەلۋ قاينارى : حالىق تورابى

  بيىل جىل باسىنان بەرى ەل ءىشى ـ سىرتىنداعى حاۋىپ ـ قاتەر، سىن ـ سايىس كوبەيگەن جاعدايدا، ەلىمىز ەكونوميكاسى قىسىمعا توتەپ بەرىپ العا باستى، فينانس جاعىنان دەم بەرۋدىڭ ۇلەسى كورنەكتى بولدى.

  − ورنىقتى اقشا ساياساتىندا تاباندى بولىنىپ، اينالمالى قارجىنىڭ ۇيلەسىمدى، تولىق بولۋىنا كەپىلدىك ەتىلىپ، ەكونوميكانىڭ ورنىقتى اينالىمىنا، سەرپىمدىلىگىنە دەم بەرىلدى.

  العاشقى ساناققا قاراعاندا، بيىل الدىڭعى ءۇش توقساندا قوعامدىق قارجى قۇراۋ كولەمىنىڭ ارتۋ مولشەرى 18 تريلليون 740ميلليارد يۋان بولىپ، وتكەن جىلدىڭ ۇقساس مەزگىلىندەگىدەن 3 تريلليون 280 ميلليارد يۋان ارتىق بولعان. مۇنىڭ ىشىندە ناقتى ەكونوميكاعا بەرىلگەن قارىز 13 تريلليون 900 ميلليارد يۋان ارتىپ، وتكەن جىلدىڭ ۇقساس مەزگىلىندەگىدەن ءبىر تريلليون 100 ميلليارد يۋان ارتقان.

  بانكە سالاسى نەگىزدىك قۇرىلعىلار نىسانى، قامتاماسىزداندىرۋ سيپاتىنداعى بەيقۇت ءۇي ينجەنەرياسى سياقتى ءتۇيىندى سالالار مەن ءالسىز بۋىندارعا قولداۋ كورسەتۋدى كۇشەيتىپ، ەكسپورت كاسىپورىندارىنىڭ تالون ارقىلى قارجى قۇراۋىنا، يگىلىك جاراتۋىنا كەپىلدىكتى قارىز اقشا بەرۋ سياقتى كاسىپتەردە جاڭالىق اشۋدى كۇش سالا ورىستەتىپ، قارجى قوسۋدىڭ ورنىعۋىنا ۇزبەي دەم بەرىپ، سىرتقى ساۋدانىڭ ورنىعۋىندا حاۋىپ - قاتەردى بوگەپ، كاسىپتەندىرۋدى ورنىقتىرۋعا ءۇرتىس قولداۋ كورسەتتى.

  − ولشەمدى تومەندەتۋ، زايوم ارقىلى قارجى قۇراۋ، قايتالاي ديسكونتتاۋ سياقتى كەشەندى شارالارعا ىركەس ـ تىركەس باعىتتامالى كۇش سالىنىپ، حالىق باسقارۋىنداعى كاسىپورىنداردىڭ، شاعىن، ۇساق كاسىپورىنداردىڭ قارجى قۇراۋى قيىن بولۋ ماسەلەلەرى شىن مانىندە شەشىلىپ، ەكونوميكانىڭ ومىرشەڭدىك قۋاتى اناعۇرلىم جانداندىرىلدى.

  3 - توقساننىڭ سوڭىنا دەيىن جەكەلەي سەنىمدىلىككە يە بولۋ جالپى سوماسى 10 ميلليون يۋان جانە ودان تومەن ادەتتەگى شاعىن، ۇساق كاسىپورىنداردىڭ ىشىندە قارىز اقشا العان كاسىپورىندار سانى 20 ميلليون 864 مىڭعا جەتىپ، جىل باسىنداعىدان 3 ميلليون 631 مىڭ 600 كاسىپورىن كوبەيىپ، قارىز اقشا ءوسىمى ءۇرتىس تومەندەدى. حالىق باسقارۋىنداعى كاسىپورىندار، شاعىن، ۇساق كاسىپورىندار قارجى قۇراۋ وتكەلىنەن كوپتەپ ءوتىپ، جۇڭگو ەكونوميكاسىنىڭ تىڭ ومىرشەڭدىك كۇشىن بايقاتتى.

  − كاپيتال بازارى رەفورماسى تەرەڭدەتىلىپ، امانات ـ قارىز بەرۋ قۇرىلىمى ساپالىلاندىرىلىپ، ەكونوميكالىق قوزعاۋشى كۇشكە بارىنشا دەم بەرىلدى.

  عىلىم ـ تەحنيكا جاسامپازدىعى تاقتاسىنىڭ تيەگى دەر كەزىندە اشىلىپ، جاسامپاز كاسىپورىنداردىڭ «التىن تۇقىمى» وسى سىناق اتىزىندا قارىشتاپ جەتىلدى. 10 - ايدىڭ سوڭىنا دەيىن عىلىم ـ تەحنيكا جاسامپازدىعى تاقتاسى بويىنشا 40 كاسىپورىن بازارعا ەنىپ، 53 ميلليارد 660 ميلليون يۋان قارجى جينالدى.

  امانات - قارىز تاراتۋدا كەپىلدىك ەتۋ، قىسىم ءتۇسىرۋ، «دالمە - ءدال تامشىلاتىپ سۋارۋ» ارقىلى شارۋاشىلىقتىڭ تيبىن وزگەرتۋگە جەتەكشىلىك ەتىلىپ، تۇتىنۋدىڭ دارەجەسىن جوعارىلاتۋ جەبەلدى. الدىڭعى جارتى جىلدا ستراتەگيالىق جاڭادان گۇلدەنگەن كاسىپتەرگە بەرىلگەن قارىز اقشا %37.6 ارتتى. زەينەتكەرلىك قارىز اقشاسى، توي - تومالاق قارىز اقشاسى... تۇتىنۋ تۇرىندەگى امانات - قارىز جاڭا ونىمدەرى ارت - ارتىنان جارىققا شىعىپ، العاشقى جارتى جىلدا تۇرعىنداردىڭ تۇتىنۋ سيپاتىنداعى قارىز اقشاسىنىڭ قالدىق سوماسى وتكەن جىلدىڭ ۇقساس مەزگىلىندەگىدەن %18.4 ارتتى.

  − حاۋىپ ـ قاتەردىڭ تومەنگى شەگى مىقتاپ يگەرىلىپ، ەكونوميكالىق نەگىزدىڭ بەكەمدەلۋى بارىنشا قامتاماسىز ەتىلدى.

  بيىل 6 ـ ايدىڭ سوڭىنا دەيىن بازارلانعان قارىزدى جارناعا اينالدىرۋ قارجىسىنىڭ تياناقتانۋ شاماسى %41.5 كە جەتىپ، كولەڭكە بانكە مەن كەستە سىرتىنداعى كاسىپ كولەمى ءۇرتىس تومەندەدى. كەيبىر حاۋىپ - قاتەر فاكتورى ءتارتىپتى، ءونىمدى شەشىلىپ، ناقتى ەكونوميكانىڭ شيراۋىنا كومەكتەستى.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار