جۇڭگو مەن ا ق ش 1 - ساتىداعى ەكونوميكا - ساۋدا كەلىسىمىنە قول قويدى
2020.01.17 16:33 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 15 - كۇنى، ۆاشينگتون (تىلشىلەر جوۋ شياۋجىڭ، سۇن ديڭ، ليۋ چىن). سول جەر ۋاقىتى بويىنشا 1 - ايدىڭ 15 - كۇنى ا ق ش - تىڭ پرەزيدەنتى ترامپ اق سارايداعى ەلليپس پىشىندەس كەڭسەدە ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى، جۇڭگو – ا ق ش جان – جاقتى ەكونوميكالىق كەڭەسىنىڭ جۇڭگو جاقتاعى جەتەكشىسى ليۋ حىمەن كەزدەستى، ەكى جاق جۇڭگو مەن ا ق ش - تىڭ ەكونوميكا - ساۋدا كەلىسىمىنە قول قويۋ سالتىنا بىرگە قاتىناستى.
ليۋ حى الدىمەن ءتوراعا شي جينپيڭنىڭ پرەزيدەنت ترامپقا جولداعان سالەمىن جەتكىزدى. شي جينپيڭ اۋىزشا سالەمىندە بىلاي دەپ اتاپ كورسەتكەن بولاتىن: مەن بىلتىر 12 - ايدىڭ 20 - كۇنى سىزبەن سويلەسكەندە بىلاي دەپ اتاپ اتاپ كورسەتكەن بولاتىنمىن، جۇڭگو مەن ا ق ش - تىڭ 1 - ساتىداعى ەكونوميكا - ساۋدا كەلىسىمىن جاساسۋى جۇڭگو مەن ا ق ش - قا ءتيىمدى، دۇنيە جۇزىنە ءتيىمدى. بۇل جۇڭگو مەن ا ق ش – تىڭ تەڭدىك جانە ءوزارا قۇرمەت ەتۋ نەگىزىندە تىلدەسۋ، كەڭەسۋ ارقىلى قاتىستى ماسەلەلەردى ۇيلەسىمدى ءبىر جاقتى ەتۋ جانە ءونىمدى شەشۋ ءادىسىن تابا الاتىنىن تۇسىندىرەدى. كەلەسى قادامدا ەكى جاق كەلىسىمدى ناقتى تياناقتاندىرىپ، بەلسەندى ونىمدىلىكتى ساۋلەلەندىرىپ، جۇڭگو مەن ا ق ش - تىڭ ەكونوميكا - ساۋدا سەلبەستىگىنىڭ اناعۇرلىم زور ىلگەرىلەۋشىلىككە قول جەتكىزۋىن ىلگەرىلەتۋى كەرەك. جۇڭگو - ا ق ش قاتىناسىنىڭ اقاۋسىز، ورنىقتى دامۋىن ساقتاۋ ەكى جاقتىڭ مۇددەسىنە ۇيلەسەدى، ەكى جاقتىڭ بىرگە قۇلشىنۋىن قاجەت ەتەدى. وسى رۋح بويىنشا، ا ق ش - تىڭ جۇڭگو كاسىپورىندارىنىڭ قالىپتى ەكونوميكا - ساۋدا جانە قارجى قوسۋ قيمىلدارىنا ءادىل مامىلە جاساۋىن، ەكى ەل كاسىپورىندارىنىڭ، عىلمي زەرتتەۋ قۇرىلىمدارىنىڭ، مەكتەپتەرىنىڭ سەلبەستىك ورىستەتۋىن قولداپ، جۇڭگو مەن ا ق ش - تىڭ ءوزارا سەنىمدىلىگى مەن سەلبەستىگىن جەبەۋىن ءۇمىت ەتەمىن. جۇڭگو ا ق ش - پەن بىرگە العا باسۋعا پەيىل. سىزبەن تىعىز بايلانىستى جالعاستىرۋدى قالايمىن، ءبىزدىڭ بىرگە جەتەكشىلىك ەتۋىمىزدە جۇڭگو - ا ق ش قاتىناسىنىڭ جاڭا ءبىر جىلدا ەكى ەل حالىقتارىنا اناعۇرلىم كوپ پايدا جانە تيىمدىلىك جەتكىزەتىنىنە سەنەمىن. بىرنەشە كۇننەن كەيىن جۇڭگونىڭ كوكتەم مەرەكەسى باستالادى. حانىمىم پىڭ لييۋان ەكەۋىمىز پرەزيدەنت مىرزانىڭ، مەلانيا حانىمنىڭ جانە پرەزيدەنتتىڭ ءۇي ىشىندەگىلەردىڭ كوكتەم مەرەكەلەرىنىڭ قۇتتى بولۋىن، بارلىق ىستەرىنىڭ ءساتتى بولۋىن تىلەيمىز.
ترامپ ءتوراعا شي جينپيڭنىڭ اۋىزشا سالەمىنە العىس ايتتى ءارى ليۋ حىعا ءوزى مەن حانىمى مەلانيانىڭ ءتوراعا شي جينپيڭگە، پىڭ لييۋان پروفەسسورعا جانە جۇڭگو حالقىنا دەگەن ىقىلاستى سالەمىن، مەرەكەلىك تىلەگىن جەتكىزىپ قويۋدى ايتتى.
كەلۋ قاينارى: حالىقت تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
