تۇرعىن ءۇي جانە قالا – اۋىل قۇرىلىسى مينيسترلىگى قاتارلى 3 تاراۋ: كاسىپورىندار تۇرعىن ءۇي جيناق قورىن كەشەۋىلدەتىپ تاپسىرۋدى ءوتىنىش ەتسە بولادى

2020.02.21 16:31  

　　شينحۋا اگەنتتىگى، 2 – ايدىڭ 20 – كۇنى، بەيجيڭ (ءتىلشى: ۋاڭ يوۋليڭ، شىن چىڭ) تۇرعىن ءۇي جانە قالا – اۋىل قۇرىلىسى مينيسترلىگى مينيسترىنىڭ ورىنباسارى ني حۇڭ 2 – ايدىڭ 20 – كۇنى مىنانى ءبىلدىردى: تۇرعىن ءۇي جانە قالا – اۋىل قۇرىلىسى مينيسترلىگى قازىنا مينيسترلىگى جانە جۇڭگو حالىق بانكەسىمەن بىرلەسە وتىرىپ زەرتتەۋ جۇرگىزىپ، تۇرعىن ءۇي جيناق قورىنا قاتىستى ءۇش ءتۇرلى كەزەڭدىك قولداۋ ساياساتىن ورتاعا قويدى. كاسىپورىندار بەلگىلەمە بويىنشا 2020 – جىلى 6 – ايدىڭ 30 – كۇنىنەن بۇرىن تۇرعىن ءۇي جيناق قورىن كەشىكتىرىپ تاپسىرۋدى ءوتىنىش ەتسە بولادى. كەشىكتىرىپ تاپسىرۋ بارىسىندا تاپسىرعان ۋاقىتى ءۇزىلىسسىز ەسەپتەلەدى، ءاربىر جۇمىسشى – قىزمەتكەردىڭ تۇرعىن ءۇي جيناق قورى بانكە قارىزىن قالىپتى الۋىنا جانە ءوتىنىش بەرۋىنە ىقپال جاسامايدى.


　　ني حۇڭ مەملەكەتتىك كەڭەستىك بىرلەسىپ ساقتانۋ – تىزگىندەۋ مەحانيزمى وتكىزگەن اقپار جاريالاۋ ماجىلىسىندە بىلاي دەدى: جۇمىسشى – قىزمەتكەرلەر، وتە – موتە، ءبىرىنشى شەپتەگى ەمدەۋ قىزمەتكەرلەرى، ىندەتتەن ساقتانۋ قىزمەتكەرلەرى، ىندەتتەن ساقتانۋدىڭ تالابىنا ساي اۋاشالانعان نەمەسە ىندەتتىڭ ىقپالىنا ۋاقىتتىق ۇشىراعان جۇمىسشى – قىزمەتكەرلەر 2020 – جىلى 6 – ايدىڭ 30 – كۇنىنەن بۇرىن تۇرعىن ءۇي جيناق قورى بانكە قارىزىن قالىپتى قايتارا المايتىن بولسا، ۋاقىتىن وتكىزىپ جىبەرگەن ەسەپتەلمەيدى. سونىمەن بىرگە، ءۇيدىڭ ماي اقىسىن تاپسىرۋدا قيىنشىلىعى بار جۇمىسشى – قىزمەتكەرلەردى ويلاستىرا وتىرىپ، ءۇيدىڭ ماي اقىسىن جيناق قوردان شىعارىپ الۋ سوماسىن ۇيلەسىمدى تۇردە ارتتىرۋعا، ءارى شىعارىپ الۋ ۋاقىتىن يكەمدى ورنالاستىرۋعا بولادى.


　　مۇنان سىرت، ىندەت جاعدايى اۋىر نەمەسە ءبىرشاما اۋىر بولعان رايوندارداعى كاسىپورىندار جۇمىسشى – قىزمەتكەرلەرمەن تولىق كەڭەسۋدى العى شارت ەتە وتىرىپ، 2020 – جىلى 6 – ايدىڭ 30 – كۇنىنەن بۇرىن تۇرعىن ءۇي جيناق قورىن ءوز ەركىمەن تاپسىرسا بولادى. جالعاستى تاپسىراتىندار تاپسىرۋ سالىستىرماسىن وزدەرى كەڭەسىپ بەكىتسە بولادى؛ تاپسىرۋدى ۋاقىتشا توقتاتقاندار جونىنەن ايتقاندا، تاپسىرۋدى توقتاتقان مەزگىل ىشىندە تاپسىرۋ ۋاقىتى ءۇزىلىسسىز ەسەپتەلەدى، جۇمىسشى – قىزمەتكەرلەردىڭ تۇرعىن ءۇي جيناق قورىن الۋىنا جانە تۇرعىن ءۇي جيناق قورى بانكە قارىزىن الۋعا ءوتىنىش بەرۋىنە ىقپال ەتپەيدى.


　　كەلۋ قاينارى: حالىق تورابى