بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

ساۋدا مينيسترلىگى: ساۋدا كاسىپورىندارىن جۇمىستى، ءوندىرىستى قالپىنا كەلتىرۋگە ءتارتىپتى، پارمەندى ۇيىمداستىرۋ كەرەك

2020.02.24 16:39     كەلۋ قاينارى : حالىق تورابى

  شينحۋا اگەنتتىگى، 2 - ايدىڭ 23 - كۇنى، بەيجيڭ (تىلشىلەر چىن ۋەيۋەي، ۋاڭ يۇيشياۋ). ءتىلشىنىڭ 2 - ايدىڭ 23 - كۇنى ساۋدا مينيسترلىگىنەن ۇعىسۋىنشا، ساۋدا مينيسترلىگى «تۇرمىستىق بۇيىمدارمەن قامداۋعا، قامتاماسىز ەتۋگە قاتىستى قىزمەتتەردى ءبىر تۇتاس ويداعىداي ىستەۋ جونىندەگى ۇقتىرۋدى» باسىپ تاراتىپ، جەر – جەردەگى ساۋدا ىستەرىن باسقارۋ تاراۋلارىنان ىندەتتەن ساقتانۋ - تىزگىندەۋ حاۋىپسىزدىگىنە كەپىلدىك ەتۋ العى شارتىندا، ساۋدا كاسىپورىندارىن جۇمىستى، ءوندىرىستى قالپىنا كەلتىرۋگە ءتارتىپتى، پارمەندى ۇيىمداستىرۋدى تالاپ ەتكەن.


  ۇقتىرۋدا مىنالار ورتاعا قويىلدى: مەحانيزمدى كەمەلدەندىرىپ، ءتۇيىندى رايونداردى قامتاماسىزداندىرۋدى كۇشەيتۋ كەرەك. قاتىستى رايونداردىڭ ساۋدا ىستەرىن باسقارۋشى تاراۋلارى 9 ولكەنىڭ بىرلەسىپ قامسىزداندىرۋ، بىرلەسىپ قامداۋ سەلبەستىك مەحانيزمىن اناعۇرلىم ناقتىلاندىرۋعا، كۇشەيتۋگە كۇش سالىپ، حۋبەي ولكەسىنىڭ، ۋحان قالاسىنىڭ تۇرمىسىن قامتاماسىزداندىرۋ، قامداۋ ونىمدىلىگىن كۇشەيتۋى كەرەك. جەر - جەردەگى ساۋدا ىستەرىن باسقارۋشى تاراۋلار نازاردى كوكونىس، جۇمىرتقا، ءسۇت، ۇن، ازىقتىق ماي جانە قولايلى ازىق - تۇلىك سياقتى 8 ءتۇرلى تۇرمىستىق بۇيىمعا شوعىرلاندىرىپ، جالپى مولشەرىن مولايتۋ كەرەك. قامداۋعا كەپىلدىك ەتەتىن تىرەكتى كاسىپورىنداردىڭ ۇشتاسۋىن، سايكەسۋىن ويداعىداي مىقتى يگەرىپ، قامداۋشى مەن قاجەتسىنۋشى ەكى جاقتىڭ قاجەتكە قاراي تاسىمالداۋىن شىنايى كۇشەيتىپ، كاسىپورىنداردىڭ زات تولىقتاۋ جيىلىگى مەن تەبىنىن ارتتىرۋىنا جەتەكشىلىك ەتىپ، ءىرى، ورتا قالالاردا زات قاينارى جەتپەۋ، شوعىرلى ساتىپ الۋ، تاۋار سورەلەرى بوس قالۋ سياقتى قۇبىلىستاردىڭ تۋىلۋىنان ساقتانۋ كەرەك.


  ۇقتىرۋدا مىنالار تالاپ ەتىلدى: ءوز جەرلەرىنىڭ ىندەت جاعدايى مەن ەكونوميكالىق، قوعامدىق دامۋدىڭ ءىس جۇزىندىك قاجەتىنە ۇشتاستىرىپ، جەرگىلىكتى پارتكوم مەن ۇكىمەتتىڭ تالابى بويىنشا رايوندارعا ءبولىپ، پارىقتى ساقتانۋ، تىزگىندەۋ قىزمەتىن ويداعىداي ىستەپ، ساۋدا كاسىپورىندارىنىڭ جۇمىستى، تيجاراتتى قالپىنا كەلتىرۋىن ءتارتىپتى ورنالاستىرۋ كەرەك. حۋبەي ولكەسى مەن ۋحان قالاسى ەڭ قاتاڭ ساقتانۋ - تىزگىندەۋ شاراسىن اتقارۋ نەگىزىندە، شارت - جاعدايى بار ساۋدا كاسىپورىندارىنا جەتەكشىلىك ەتىپ، «الەۋمەتتىك اۋماقتا ۋاكىلدىك ساتىپ الۋ + شوعىرلى جەتكىزۋ»، «جەلىدە تاپسىرىس بەرۋ + جاناسپاي جەتكىزۋ» سياقتى قامتاماسىز ەتۋ جاڭا ۇلگىسىن جاسامپازدىقپەن ورىستەتۋى كەرەك. بەيجيڭ، شاڭحاي، گۋاڭدۇڭ، حىنان، جىجياڭ، حۋنان، انحۇي، جياڭشي قاتارلى ىندەتتەن ساقتانۋ - تىزگىندەۋدەگى ءتۇيىندى رايونداردا ىندەتتىڭ حاۋىپ - قاتەرىنە دۇرىس تۇجىرىم جاساپ، عىلميلىقپەن رايوندارعا ءبولىپ تىزگىندەۋ كەرەك. حاۋىپ - قاتەرى جوعارى وڭىرلەر قاتاڭ باسقارۋمەن بىرگە، تۇرمىستىق بۇيىمدار تيجارات كاسىپورىندارىن جۇمىستى قالپىنا كەلتىرۋگە الدىمەن ۇيىمداستىرۋى؛ حاۋىپ - قاتەرى ورتا، تومەنءوڭىرلەر سىرتتان ەنۋدەن ساقتانۋدى نەگىز ەتىپ، ىشكى جاقتان كەڭەيۋدەن ساقتانۋعا تەڭ ءمان بەرىپ، ساۋدا اينالىمى كاسىپورىندارىن تارتىپپەن جۇمىلدىرىپ، كاسىپ كۇيىنىڭ تيجارات كولەمىن ۇزدىكسىز كەڭەيتۋى كەرەك. ىندەتتەن ساقتانۋ - تىزگىندەۋدەگى ءتۇيىندى ەمەس رايوندار ىندەتتەن ساقتانۋ حاۋىپسىزدىگىنە شىنايى كەپىلدىك ەتۋ نەگىزىندە، ءتۇرلى ءادىس - امالدارمەن ساۋدا كاسىپورىندارىن جۇمىستى قالپىنا كەلتىرۋگە جاپپاي ۇيىمداستىرىپ، جاۋىپ تاستاۋعا، توقتاتىپ تاستاۋعا قاتاڭ تيىم سالۋى كەرەك.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار