مەملەكەتتىك حالىق قۇرىلتايى تۇراقتى كوميتەتىنىڭ زاڭ قىزمەتى كوميتەتى تاعى دا اڭىس قايتاردى
تاۋاردى باسىپ قويۋعا، باعانى جوعارىلاتۋعا زاڭ بويىنشا سوققى بەرىلەدى
«حالىق گازەتىنىڭ» ءتىلشىسى ۋاڭ بيشۋە
2020.03.13 16:32 كەلۋ قاينارى : حالىق تورابى
جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ مەزگىلىندە ماسكى، قورعانۋ كيىمى جانە قاتىستى شيكىزاتتار تاپشى بۇيىمدارعا اينالدى. قازىر بۇكىل ەل بويىنشا زاڭسىز ەلەمەنتتەردىڭ ورايدان پايدالانىپ تاۋاردى باسىپ قويۋ، باعانى جوعارىلاتۋ، بازار ءتارتىبىن بىلىقتىرۋ ارەكەتتەرى كوپتەپ تۋىلۋدا. بۇل جونىندە ەلىمىزدىڭ زاڭىندا قانداي بەلگىلەمەلەر بار؟ مۇنداي زاڭعا قايشى ارەكەتتەرگە زاڭ بويىنشا قالاي سوققى بەرۋ كەرەك؟ ءتىلشى 3 - ايدىڭ 12 - كۇنى مەملەكەتتىك حالىق قۇرىلتايى تۇراقتى كوميتەتى زاڭ قىزمەتى كوميتەتىنىڭ مالىمدەمەشىسى زاڭ تيەۋەيمەن سۇحپاتتاستى.
زاڭ تيەۋەي بىلاي دەدى: ىندەت تۋىلعاننان كەيىن ماسكى، قورعانۋ كيىمى سياقتى ەمدەۋ ماتەريالدارى مەن قاتىستى شيكىزات - ماتەريالدارعا بولعان قاجەتى كۇرت ارتىپ، تاپشى بايلىققا اينالدى. از ساندى زاڭسىز ەلەمەنتتەر پايداكوستىك ىستەپ، تاۋاردى باسىپ قويىپ، باعانى جوعارىلاتىپ، باسقا تيجاراتشىلار مەن تۇتىنۋشىلاردىڭ زاڭدى ۇقىق - مۇددەسىنە اۋىر زيان جەتكىزىپ، بازار ءتارتىبىن اۋىر دارەجەدە بىلىقتىرىپ، حالىق بۇقاراسىنىڭ باس اماندىعى مەن دەنساۋلىعىنا زيان جەتكىزىپ، ىندەتتەن ساقتانۋ - تىزگىندەۋ جانە قوعام ورنىقتىلىعى جالپى جاعدايىنا ىقپال جاسادى، ونى زاڭ بويىنشا تەكسەرىپ ءبىر جاقتى ەتۋ كەرەك.
تانىستىرۋعا قاراعاندا، ەلىمىزدىڭ زاڭ – ەرەجەلەرىندە مۇنداي زاڭعا قايشى ارەكەتتەرگە زاڭ بويىنشا سوققى بەرۋ ايقىن بەلگىلەنگەن. ەلىمىزدىڭ باعا زاڭىنىڭ 7 - تارماعىندا بىلاي دەپ بەلگىلەنگەن: تيجاراتشىلار باعا بەلگىلەگەندە ءادىل، زاڭدى جانە ادال، سەنىمدى بولۋ پرينسيبىنە بويسۇنۋ كەرەك؛ 14 - تارماعىندا بىلاي دەپ بەلگىلەنگەن: تيجاراتشىلاردىڭ باعانىڭ جوعارىلاۋى جونىندەگى ينفورماتسيانى جالعاننان جاساۋىنا، تاراتۋىنا، باعانى دۇرمەكپەن جوعارىلاتۋىنا، باعانى قالىپسىز جوعارىلاتۋ سىندى ۇيلەسىمسىز باعا ارەكەتىن جۇرگىزۋىنە بولمايدى، سونداي - اق جاعدايعا قاراي ەسكەرتۋ بەرۋ، تۇزەتۋگە بۇيىرۋ، زاڭسىز تابىسىن ءمۇسادىرالاۋ، اقشالاي ايىپ سالۋ، كاسىبىن توقتاتىپ رەتكە سالۋ، تيجارات كۋالىگىن كۇشىنەن قالدىرۋ سياقتى اكىمشىلىك جازا شارالارى سايكەستى بەلگىلەنگەن. «باعا زاڭىنا قايشى ارەكەتتەرگە اكىمشىلىك جازا بەرۋ بەلگىلەمەسىندە» جوعارىدا ايتىلعان ورىنسىز باعا ارەكەتىنىڭ ناقتى جاعدايى، زاڭدىق جاۋاپكەرلىگى سياقتىلار جونىندە اناعۇرلىم ەگجەي - تەگجەيلى بەلگىلەمە جاسالدى. ەلىمىزدىڭ قىلمىستىق ىستەر زاڭى مەن قاتىستى ءادىليالىق تۇسىندىرمەلەرگە نەگىزدەلگەندە، ىندەتتەن ساقتانۋ - تىزگىندەۋ مەزگىلىندە مەملەكەتتىڭ بازار تيجاراتى، باعا باسقارۋ سياقتى بەلگىلەمەلەرىنە قايشىلىق جاساپ، تاۋاردى باسىپ قويۋ، ىندەتتەن ساقتانۋ - تىزگىندەۋگە شۇعىل قاجەتتى ماسكى، كوز قورعاۋ كوزىلدىرىگى، قورعانۋ كيىمى، دەزينفەكسيالاۋ سۇيىقتىعى قاتارلى قورعانۋ بۇيىمدارىنىڭ، ءدارى - دارمەكتەردىڭ نەمەسە باسقا دا حالىق تۇرمىسىنا ساياتىن بۇيىمداردىڭ باعاسىن جوعارىلاتۋ، كولدەنەڭ پايدا ءتۇسىرۋ جايتتەرى تۋىلىپ، زاڭسىز تابىسى ءبىرشاما كوپ بولسا نەمەسە باسقا دا اۋىر ىستەرى بولسا، بازار ءتارتىبىن اۋىر دارەجەدە بىلىقتىرسا، قىلمىستىق ىستەر زاڭىنىڭ 225 - تارماعىنىڭ 4 - تارماقشاسىنداعى بەلگىلەمە بويىنشا قىلمىسى تۇراقتاندىرىلىپ، اۋىر جازا بەرىلەدى. توسىن وقيعالارعا توتەپ بەرۋ زاڭىنىڭ 49 - تارماعىنداعى قاتىستى بەلگىلەمەلەرگە ساي، ىندەت تۋىلعاننان كەيىن حالىق ۇكىمەتى شۇعىل ءبىر جاقتى ەتۋ شارالارىن قولدانىپ، تاۋاردى باسىپ قويۋ، زات باعاسىن جوعارىلاتۋ، جالعان، جاراقسىز ونىمدەردى جاساۋ، ساتۋ سياقتى بازار ءتارتىبىن بىلىقتىرۋ ارەكەتتەرىن زاڭ بويىنشا قاتاڭ جازالاپ، بازار باعاسىن ورنىقتىرىپ، بازار ءتارتىبىن قورعايدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
