ساۋدا مينيسترلىگى ينتەرنەتتە كەزەكتى اقپار جاريالاۋ ءماجىلىسىن اشتى
كاسىپورىندار ءوندىرىستى قالپىنا كەلتىرىپ، جۇمىستى جەدەلدەتتى، تۇرمىستىق بۇيىمدارمەن قامداۋ جەتكىلىكتى بولدى
2020.03.27 16:03 كەلۋ قاينارى : حالىق تورابى
حالىق گازەتى، 3 – ايدىڭ 26 – كۇنى، بەيجيڭ (ءتىلشى: ۋاڭ كى) ساۋدا مينيسترلىگى 3 – ايدىڭ 26 – كۇنى ينتەرنەتتە كەزەكتى اقپار جاريالاۋ ءماجىلىسىن اشىپ، ساۋدا مينيسترلىگىنىڭ قىزمەت وتەۋ جانە ساۋدا مەڭگەرمەسىنىڭ باستىعى شيان گو – ي بىلاي دەپ تانىستىردى: جۋىردان بەرى، ىندەتتەن ساقتانۋ – تىزگىندەۋ جاعدايىنىڭ ۇزدىكسىز جاقسارۋىنا بايلانىستى، كاسىپورىندار ءوندىرىستى قالپىنا كەلتىرىپ، جۇمىستى جەدەلدەتتى، بازارداعى ساتىلم مولشەرى ەڭ تومەنگى شەكتەن قايتا ورلەدى. ساۋدا مينيسترلىگىنىڭ تەكسەرۋ ناتيجەلەرىنە قاراعاندا، 3 – ايدىڭ 22 – كۇنىنە دەيىن، اۋىل شارۋاشىلىعى ونىمدەرىن تولايىم ساتاتىن كولەمدى بازارلاردىڭ جۇمىستى قايتا باستاۋ مولشەرى ورتا ەسەپپەن %97كە جەتتى، كولەمدى ەرەن بازارلاردىڭ %96ى جۇمىستى قالپىنا كەلتىردى، اۋىل شارۋاشىلىعى ونىمدەرى بازارلارىنىڭ (كوكونىس بازارىنىڭ ) %94ى جۇمىستى قالپىنا كەلتىردى، ءتۇرلى بۇيىمدار سارايلارىنىڭ (ساۋدا ورتالىقتارىنىڭ) %90ى جۇمىستى قالپىنا كەلتىردى. ساۋدا مينيسترلىگى ءتۇيىندى تۇردە تەكسەرگەن بولشەك ساتۋ كاسىپورىندارىنىڭ 2 – ايدىڭ سوڭىنداعى كۇندىك ساۋدا سوماسى 2 – ايدىڭ ورتا شەنىندەگىمەن سالىستىرعاندا %5.6 ارتقان، 3 – ايدىڭ باس شەنىندەگىمەن سالىستىرعاندا %0.5 ارتقان، 3 – ايدىڭ ورتا شەنىندەگىمەن سالىستىرعاندا %0.8 ارتقان.
ساۋدا مينيسترلىگىنىڭ تەكسەرۋ ناتيجەسىنە قاراعاندا، قازىرگە دەيىن، اس – سۋ، قونالقى، ءۇي شارۋاسىن ىستەيتىن كاسىپورىندارىنىڭ جۇمىستى قالپىنا كەلتىرۋ مولشەرى جەكە – جەكە %80، %60، %40 اينالاسىندا بولعان. اس – سۋ قاتارلى قىزمەت وتەۋ كاسىپتەرىنە قاتىستى تۇتىنۋدىڭ قالپىنا كەلۋ قارقىنى دا جەدەلدەۋدە، 3 – ايدىڭ 25 – كۇنى ساۋدا مينيسترلىگى ءتۇيىندى تۇردە بايلانىس جاساعان 3000 اس – سۋ سالاسىنىڭ تيجارات كىرىسىنىڭ بىلتىرعى وسى مەزگىلدەگىدەن ۇستايتىن سالستىرمالى مولشەرى ءبىر اپتانىڭ ىشىندە 10 پايىز اينالاسىندا قايتا جوعارىلاعان، 2 – ايداعى ەڭ تومەنگى دەڭگەيدەن 30 پايىزدان استام جوعارىلاعان.
قازىر، بۇكىل ەلىمىز بويىنشا تۇرمىستىق بۇيىمدارمەن نارىقتى قامداۋ جالپى جاقتان ايتقاندا جەتكىلىكتى، باعا ورنىقتى تۇردە تومەندەۋدە. ساۋدا مينيسترلىگىنىڭ تەكسەرۋىنشە، 3 – ايدىڭ 25 – كۇنى كولەمدى اۋىل شارۋاشىلىعى قوسىمشا ونىمدەرىن تولايىم ساتاتىن بازارلارىنان 100 بازارداعى ازىق – تۇلىكتى تولايىم ساتۋ باعاسى 2 – ايدىڭ سوڭىنداعىمەن نەگىزىنەن تەڭەسكەن، ازىقتىق مايدى تولايىم ساتۋ باعاسى %0.3 تومەندەگەن؛ سيىر ەتى مەن قوي ەتىن تولايىم ساتۋ باعاسى جەكە – جەكە %1.1 جانە %1.8 تومەندەگەن؛ دايىن تاۋىق ەتى مەن جۇمىرتقانىڭ باعاسى جەكە – جەكە %1.7 جانە %4.0 تومەندەگەن؛ 30 ءتۇرلى كوكونىستىڭ تولايىم ساتۋ باعاسى %15.6 تومەندەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
