ساۋداداعى ەلەكتروندى ساۋداداعى تىكە تاراتۋ ارقىلى زات ساتۋ بويىنشا ”ءبىر، ون، ءجۇز، مىڭىن“ قۇرىپ −
تۇتىنۋ كاسىپ كۇيىندە جاڭالىق اشىپ، تۇتىنۋدىڭ قايتا جاندانۋىنا كۇش قوستى
2020.06.12 14:04 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى شى شين 6 - ايدىڭ 10 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، بيىل رايونىمىز ەلەكتروندى ساۋداداعى تىكە تاراتۋ ارقىلى زات ساتۋ بويىنشا ”ءبىر، ون، ءجۇز، مىڭىن“ قۇرۋ ارقىلى اناعۇرلىم كوپ ەلەكتروندى ساۋدا دارىندىلارىن جەتىلدىرىپ، تۇتىنۋ ۇلگىسىندە، كاسىپ كۇيىندە جاڭالىق اشۋعا ىنتالاندىرىپ، تۇتىنۋدىڭ كومەسكى كۇشىن ۇزدىكسىز ساۋلەلەندىرگەن.
بيىل ىندەت كەزىندە، ينتەرنەت جەلىسىندەگى تۇتىنۋ، تىكە تاراتۋ ارقىلى زات ساتۋ سياقتى تۇتىنۋدىڭ جاڭا كاسىپ كۇيلەرىنىڭ، جاڭا ۇلگىلەرىنىڭ دامۋىندا قۋاتتى ومىرشەڭدىك كۇش جانە وراسان زور كومەسكى كۇش جارىققا شىقتى. اۆتونوميالى رايوندىق ساۋدا ىستەرى مەڭگەرمەسى «ەلەكتروندى ساۋدامەن تۇتىنۋدى جەبەۋگە قاتىستى قىزمەتتەردى بەلسەنە ورىستەتۋ جونىندەگى حابارلاندىرۋدى» دەر كەزىندە شىعارىپ جاريالاپ، قيمىل كولەمىن كەڭەيتۋ، قيمىل ونىمدىلىگىن جوعارىلاتۋ، ۇلگىدە، كاسىپ كۇيىندە جاڭالىق اشۋعا ىنتالاندىرۋ سياقتى 8 جاقتان ينتەرنەت جەلىسى مەن ينتەرنەت جەلىسىنەن تىس ورتانىڭ توعىسۋىن، تاۋار اينالىمىن ىركىلىسسىزدەندىرۋدى، تۇتىنۋ بازارىن جانداندىرۋدى، تۇتىنۋدىڭ قايتا تولىقتاۋىن جەبەۋدى بەلسەنە ىلگەرىلەتتى.
”ءبىر، ون، ءجۇز، مىڭ“ قۇرىلىسى دەگەنىمىز ءبىر تىكە تاراتۋ بازاسىن قۇرۋ، 10 ءتۇيىندى تىكە تاراتۋ تۇلعاسىن سۇيەمەلدەۋ، 100 ءتۇيىندى تاۋاردى شوعىرلى ۇگىتتەۋ، 1000 تىكە تاراتۋ بەلسەندىلەرىن جەتىلدىرۋ. اۆتونوميالى رايوندىق ساۋدا ىستەرى مەڭگەرمەسى ەلەكتروندى ساۋدادان ۇلگى كورسەتۋشى اۋداندار اۋدان - قالا باسشىلارىنىڭ تىكە تاراتۋ ارقىلى زات ساتۋى سياقتى ساۋدالىق قيمىلداردى ايىنا از دەگەندە ءبىر رەت ورىستەتىپ، تىكە تاراتۋ ەلەكتروندى ساۋداسىنىڭ جالپى تۇلعالىق كاسىپ قابىلەتى مەن دەڭگەيىن ءوسىرۋدى تالاپ ەتتى.
رايونىمىز تاعى ءۇرىمجى قالاسى، سانجى قالاسى، قاشقار قالاسى سياقتى 7 ءتۇيىندى قالادا ”زەردەلى ساۋدا شەڭبەرى“ قۇرىلىسىن تۇيىندە سىناق ەتۋدى ىسكە قوسىپ، تۇتىنۋدىڭ كولەمىن كەڭەيتۋدى، ساپاسىن ءوسىرۋدى جەبەپ، ەكونوميكانىڭ جوعارى ساپالى دامۋىنا دەم بەردى. سونىمەن بىرگە، مەملەكەتتىك 2 - كەزەكتى ”ماركالى تۇتىنۋ، ساپالى تۇتىنۋ بويىنشا ينتەرنەتتە زات ساتىپ الۋ مەرەكەسى“ قيمىلىمەن تىعىز بىرلەستىرىپ، ەلەكتروندى ساۋدانىڭ كەدەيلەردى سۇيەمەلدەۋ، تۇتىنۋدى جەبەۋ قيمىلىن مىقتى يگەرگەن.
العاشقى ساناق بويىنشا، بيىل جىل باسىنان بەرى، بۇكىل رايوننىڭ جەر - جەرى ءتۇرلى تىكە تاراتۋ ارقىلى زات ساتۋ جانە ەلەكتروندى ساۋدادا اۋىل شارۋاشىلىعى ەرەكشە ونىمدەرىن تانىستىرۋ قيمىلىنان 300 رەتتەن استام ۇيىمداستىرىپ، شينجياڭ اۋىل شارۋاشىلىعى ونىمدەرىنىڭ ساتىلىمىن 200 ميلليون يۋاننان اسىرۋعا جەبەدى جانە وعان جەتەكشىلىك ەتتى.
”ءبىز اۋىل - قىستاق ونىمدەرى مەن قىزمەت وتەۋدىڭ ولشەمدەنۋ، كولەمدەنۋ، ماركالانۋ ءۇردىسىن ۇزدىكسىز ىلگەرىلەتەمىز“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، مەڭگەرمەنىڭ ورىنباسار باستىعى ساۋ شياڭنىڭ ايتۋىنشا، وسىنىڭ الدىندا، ەلەكتروندى ساۋدا مارالباسىنىڭ ءتاتتى قاۋىن كاسىپ سالاسى، لوپنۇر اۋدانىنىڭ نان كاسىپ سالاسى، جەمەنەي اۋدانىنىڭ قوي شارۋاشىلىعى جانە شونجى اۋدانىنىڭ ۇنى سياقتى ءبىر توپ باسىم كاسىپ سالاسىنىڭ جەدەل دامۋىنا دەم بەرىپ، ءوندىرۋ مەن ساتۋدى ۇشتاستىرۋ قابىلەتىن ءونىمدى جوعارىلاتىپ، اۋىل شارۋاشىلىعى ونىمدەرىنىڭ ءداستۇرلى اينالىم ۇلگىسىن وزگەرتىپ، وڭىرلىك باسىم كاسىپ سالالارىنىڭ تيبىن وزگەرتۋىن، دارەجەسىنىڭ جوعارىلاۋىن زور كۇشپەن جەبەگەن.
الداعى جەردە، رايونىمىز ەلەكتروندى ساۋدانى اۋىل - قىستاققا جەتكىزۋ بويىنشا جالپىلىق ۇلگى كورسەتۋ نىسانىنىڭ قامتۋ كولەمىن ونان ارى كەڭەيتىپ، ەلەكتروندى ساۋدا تۇلعالارىن جانە دارىندىلارىن جەتىلدىرۋ ارقىلى اۋىل شارۋاشىلىعى ونىمدەرى قامداۋ تىزبەگىنىڭ ورناۋى مەن كەمەلدەنۋىن ىلگەرىلەتىپ، شينجياڭنىڭ ەرەكشە ونىمدەرىنىڭ ساتىلۋى مەن تۇتىنىلۋىن جەبەۋ ءۇشىن بەلسەندى قۇلشىنىس جاسايدى.
ۇعىسۋىمىزشا، قازىر بۇكىل رايوندا مەملەكەت بويىنشا ەلەكتروندى ساۋدادان ۇلگى كورسەتەتىن 47 اۋدان بەكىتۋدەن وتكەن، بيىل جىل ىشىندە ەلەكتروندى ساۋدادان ۇلگى كورسەتەتىن تاعى 6 اۋداننىڭ جۇمىسىن تياناقتاندىرۋعا قول جەتكىزىلمەك.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
