ورتالىق بانكە قايتالاي بەرىلەتىن قارىز اقشانىڭ، وسىمىنە قازىنادان قوسىمشا بەرىلىپ قايتا تاراتىلاتىن قارىز اقشانىڭ ءوسىم شاماسىن تومەندەتتى
مامانداردىڭ پىكىرى: قارىز اقشانى ورنىن تاۋىپ تاراتۋ، جالپىلاما تاراتۋدان ساقتانۋ كەرەك
2020.07.01 17:08 كەلۋ قاينارى : حالىق تورابى
حالىق تورابى، 6 - ايدىڭ 30 - كۇنى، بەيجيڭ (ءتىلشى لو جىجى). ورتالىق بانكەنىڭ رەسمي ۋيچاتىنىڭ حابارىنا قاراعاندا، ورتالىق بانكە 2020 - جىلى 7 - ايدىڭ 1 - كۇنىنەن باستاپ قايتالاي بەرىلەتىن قارىز اقشانىڭ، وسىمىنە قازىنادان قوسىمشا بەرىلىپ قايتا تاراتىلاتىن قارىز اقشانىڭ ءوسىم شاماسىن تومەندەتۋدى ۇيعارعان. مۇنىڭ ىشىندە اۋىل شارۋاشىلىعىنا كومەككە بەرىلەتىن قايتالاي قارىز اقشانىڭ، شاعىن كاسىپورىنداردى قولداۋعا ارنالعان قايتالاي قارىز اقشانىڭ ءوسىم مولشەرى 0.25 پايىز تومەندەتىلگەن، رەتتەلگەننەن كەيىن 3 اي، 6 اي جانە ءبىر جىل ىشىندە اۋىل شارۋاشىلىعىنا كومەككە بەرىلەتىن قايتالاي قارىز اقشانىڭ، شاعىن كاسىپورىنداردى قولداۋعا بەرىلەتىن قايتالاي قارىز اقشانىڭ ءوسىمى جەكە - جەكە %1.95، %2.15 جانە %2.25 بولعان. وسىمىنە قازىنادان قوسىمشا بەرىلىپ قايتا تاراتىلاتىن قارىز اقشانىڭ ءوسىم شاماسى 0.25 پايىز تومەندەتىلىپ، %2 كە تۇسىرىلگەن.
بۇدان سىرت، ورتالىق بانكە تاعى فينانستى ورنىقتىرۋ قايتالاي قارىز اقشاسىنىڭ ءوسىمىن 0.5 پايىز تومەندەتىپ، %1.75 كە تۇسىرگەن، فينانستى ورنىقتىرۋ قايتالاي قارىز اقشاسىنىڭ ۇزارتىلعان مەرزىمدەگى ءوسىم شاماسى %3.77 بولعان.
دۇڭفاڭ جينچىڭ سەرىكتەستىگىنىڭ باس ماكرولىق تالداۋشىسى ۋاڭ چيڭ مىنانى ءبىلدىردى: قازىر قايتالاي قارىز بەرۋ، وسىمىنە قازىنادان قوسىمشا بەرىلەتىن قارىزدى قايتالاي تاراتۋ قۇرالى ورتالىق بانكەنىڭ قۇرىلىمدىق اقشا ساياساتىنىڭ وزەگىنە جانە نەگىزگى كۇش سالۋ تۇيىنىنە اينالدى. بۇل رەت قاتىستى ءوسىم شامالارى تومەندەتىلدى، وسى ساياساتتىق قۇرالدىڭ ساۋدا بانكەسىن باۋراۋ قۋاتى ىشكەرىلەي ارتتىرىلادى، بۇل قايتالاي قارىز بەرۋدىڭ قالدىق سوماسىن تەز ارادا جوعارىلاتۋعا پايدالى، سول ارقىلى بانكەنىڭ فينانس بايلىعىن حالىق باسقارۋىنداعى كاسىپورىندار، شاعىن، ۇساق كاسىپورىندار سياقتى ناقتى ەكونوميكا سالاسىنا ءتۇيىندى تۇردە دالمە - ءدال قارجى قوسۋعا جەتەكتەۋگە بولادى. بۇل اقشا ساياساتىنىڭ كەرى پەريودتىق رەتتەۋ ونىمدىلىگىن جوعارىلاتۋمەن بىرگە، جالپىلاما قارىز تاراتۋدىڭ زاردابىنان ساقتانۋعا دا ءتيىمدى.
«قايتالاي قارىز اقشا بەرۋ، وسىمىنە قازىنادان قوسىمشا بەرىلەتىن قارىزدى قايتالاي تاراتۋ ناقتى ەكونوميكاعا تىكە جالعاساتىن اقشا ساياساتى قۇرال ساندىعىنىڭ ماڭىزدى قۇرامداس بولەگى، اۋىل شارۋاشىلىعىن، شاعىن كاسىپورىنداردى قولداۋ تۇرعىسىنان بەرىلەتىن قارىز اقشانىڭ وسىمدەرىنىڭ تومەندەتىلۋى بانكەلەردىڭ ورتالىق بانكەدەن تاپقان قارجىسىنىڭ وزىندىك قۇنىن تومەندەتۋگە پايدالى، سول ارقىلى اۋىل شارۋاشىلىعىنىڭ، اۋىل - قىستاقتىڭ، شاعىن، ۇساق كاسىپورىندار سياقتى قاۋىمنىڭ قارجى قۇراۋ وزىندىك قۇنىن جەبەپ، اقشا ساياساتىنىڭ دالدىگى مەن ونىمدىلىگىن جوعارىلاتادى». مينشىڭ (حالىق تۇرمىسى) بانكەسىنىڭ باس زەرتتەۋشىسى ۋىن بين بىلاي دەدى: وسىدان بۇرىنعى اقشا ساياساتىنىڭ جۇرىلۋىنە كوز جىبەرسەك، قايتالاي قارىز بەرۋ ىندەتكە قارسى اتتانۋ مەن ەكونوميكانىڭ قالپىنا كەلۋىنە، دامۋىنا دەم بەرۋ جاعىندا تاعى دا ماڭىزدى رول اتقاردى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
