ساۋدا مينيسترلىگى: جۇڭگو ءالى دە باسىم كوپ ساندى سەرىكتەستىكتىڭ قارجى قوسۋداعى نىسانالى جەرى بولىپ وتىر
2020.08.14 17:16 كەلۋ قاينارى : حالىق تورابى
حالىق تورابى، 8 - ايدىڭ 13 - كۇنى، بەيجيڭ (ءتىلشى چياۋ چۋ). «وسى جىلدىڭ باسىنان بەرى جاڭا تيپتى ايدارشا ۆيرۋس وكپە قابىنۋ ىندەتى سىرتقى ساۋدانىڭ دامۋىنا زور سوققى جاسادى، تاياۋدا كەيبىر مەملەكەتتەر ءوز كاسىپورىندارىنا كاسىپ الماستىرۋ قاراجاتىن بەرىپ، ولاردىڭ كاسىپ تىزبەگىن جوتكەۋىنە كومەكتەستى، وسىنداي جاعدايدا جۇڭگو قانداي شارالار قولدانىپ، جۇڭگوداعى شەتەل كاسىپورىندارىنىڭ قارجى قوسۋ سەنىمىن جوعارىلاتادى؟»
ناق مايداندا قويىلعان ءتىلشىنىڭ سۇراۋىنا قاراتا ساۋدا مينيسترلىگى قارجى قوسۋدى باسقارۋ تارماق مەكەمەسىنىڭ باستىعى زۇڭ چاڭچيڭ بۇگىن مەملەكەتتىك كەڭەس اقپارات كەڭسەسى وتكىزگەن مەملەكەتتىك كەڭەستىڭ ساياساتتىق حابارلاندىرۋ ماجىلىسىندە مىنانى ءبىلدىردى: وسى بىرنەشە جىلدا جۇڭگو مەن ا ق ش ـ تىڭ ەكونوميكا ـ ساۋدا قاقتىعىسىنىڭ، سونداي ـ اق فاكتورلىق وزىندىك قۇننىڭ ارتۋى سياقتى سەبەپتەردىڭ ىقپالىنا ۇشىراعاندىقتان، ەلىمىزدىڭ كەيبىر ەڭبەككۇش شوعىرلانعان كاسىپتەرى ىركەس ـ تىركەس شىعىس وڭتۇستىك ازيا سياقتى رايوندارعا قاراي ويىستى. كەيبىر كاسىپورىندار فاكتورلىق وزىندىك قۇن، ساۋدا ورتاسى، قامداۋ تىزبەگىنىڭ ورنىقتىلىعى قاتارلى جاقتاردى ويلاستىرىپ، كاسىپ ورنالاسۋى مەن دۇنيە جۇزىلىك بايلىق ورنالاستىرۋىن رەتتەدى، مۇنىڭ كوبى قالىپتى بازار ارەكەتىنە جاتادى. سونىمەن بىرگە، ءىشىنارا مەملەكەتتەر مەن رايوندار ۇكىمەتتەرىنىڭ دۇنيە جۇزىلىك كاسىپ تىزبەگى مەن قامداۋ تىزبەگىن رەتتەۋگە قالىپتان تىس ارالاسىپ وتىرعانىنا، از ساندى ساياسي الاياقتاردىڭ ءتىپتى كاسىپ تىزبەگىندەگى «جۇڭگوشالاندىرۋدى» الاستاۋدى ۋاعىزداپ وتىرعانىنا نازار اۋدارۋىمىز كەرەك.
«وسىلاي بولا تۇرسا دا، ءبىز جۇڭگونىڭ ءالى دە باسىم كوپ ساندى سەرىكتەستىكتەردىڭ نەگىزگى قارجى قوسۋ نىسانالى جەرى ەكەنىن كورە ءبىلۋىمىز كەرەك. اسىرەسە، وسى جىلدىڭ باسىنان بەرى ەلىمىزدىڭ ىندەتتەن ساقتانۋ - تىزگىندەۋدە ستراتەگيالىق تابىسقا قول جەتكىزۋى، ەكونوميكاسىنىڭ تومەندەۋدەن جوعارىلاۋعا بەت الۋى، شەتەل قارجى قوسقان كاسىپورىنداردى قامتىعان ءتۇرلى كاسىپورىنداردىڭ جۇمىستى، ءوندىرىستى قالپىنا كەلتىرۋ جاعدايىنىڭ وزگە ەلدەردىكىنەن جاقسى بولۋى شەتەل ساۋداگەرلەرىنىڭ جۇڭگوعا قارجى قوسۋ مەجەسى مەن سەنىمىن اناعۇرلىم بەكەمدەدى» دەدى زۇڭ چاڭچيڭ.
ساۋدا مينيسترلىگىنىڭ ساناعىنا قاراعاندا، بيىل 1 - ايدان 7 - ايعا دەيىن شەتەل ساۋداگەرلەرى جۇڭگودا 18 مىڭ 838 كاسىپورىن قۇرعان، مۇنىڭ ىشىندە جاپونيانىڭ 415، ا ق ش - تىڭ 860، كورەيانىڭ 849، سينگاپوردىڭ 584، ۇلى بريتانيانىڭ 296، گەرمانيانىڭ 245 كاسىپورنى بار. وسى ساندى مالىمەتتەر جۇڭگو بازارىنىڭ باۋراۋ قۋاتىن تولىق دالەلدەيدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
