بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

ەلىمىز ەكونوميكاسىنىڭ دامۋىنا باسشىلىق ەتۋ قۋاتى مەن ورەسىن جوعارىلاتايىق

— باس شۋجي شي جينپيڭنىڭ ەكونوميكا جانە قوعام سالاسىنداعى ماماندارمەن وتكىزگەن اڭگىمە ماجىلىسىندە سويلەگەن ماڭىزدى ءسوزىن ۇيرەنۋ جانە دايەكتىلەندىرۋ جونىندە

حالىق گازەتىنىڭ شولۋشىسى

2020.09.01 14:46     كەلۋ قاينارى : حالىق تورابى

  جاڭا دامۋ كەزەڭىنە قادام تاستاعان ساتتە، دۇنيە ءجۇزى ەكونوميكاسىنىڭ ايبىندى تولقىنىندا، ەلىمىز ەكونوميكاسى سىندى وسى ءبىر الىپ كەمەنى ويداعىداي جۇرگىزە الۋ - جۇرگىزە الماۋ ماسەلەسى — پارتيامىز جونىنەن ايتقاندا زور سىناق. ەكونوميكا جانە قوعام سالاسىنداعى ماماندارمەن وتكىزىلگەن اڭگىمە ماجىلىسىندە باس شۋجي شي جينپيڭ: ەلىمىز ماركسيزمدىك ساياسي – ەكونوميانىڭ ءادىسىن قولدانا وتىرىپ، ەلىمىز ەكونوميكاسىنىڭ دامۋ زاڭدىلىعىنا بولعان تانىمدى تەرەڭدەتىپ، ەلىمىز ەكونوميكاسىنىڭ دامۋىنا باسشىلىق ەتۋ قۋاتى مەن ورەسىن جوعارىلاتۋى كەرەك ەكەنىن باسا دارىپتەدى.

  نازاريا ءامالياتتان كەلەدى ءارى ءامالياتقا جەتەكشىلىك ەتەدى. رەفورما جاساپ، ەسىك اشقاننان بەرى، پارتيامىز تىڭ دا جالىندى ءامالياتتى دەر كەزىندە قورىتىندىلاپ، نازاريالىق جاقتا جاڭالىق جاراتۋدى ۇزدىكسىز ىلگەرىلەتىپ، دامۋ يدەياسى، مەنشىك ءتۇزىمى، ءبولىس ءتۇزىلىسى، ۇكىمەت فۋنكتسياسى، بازار مەحانيزمى، ماكرولىق رەتتەۋ – تەجەۋ، كاسىپ سالاسى قۇرىلىمى، كاسىپورىنداردى جونگە سالۋ قۇرىلىمى، حالىق تۇرمىسىن قامتاماسىزداندىرۋ، قوعامدىق جونگە سالۋ قاتارلى كەلەلى ماسەلەلەردە كوپتەگەن ماڭىزدى بايىمداۋلاردى ورتاعا قويدى. ەكونوميكا جانە قوعام سالاسىنداعى ماماندارمەن وتكىزىلگەن اڭگىمە ماجىلىسىندە، باس شۋجي شي جينپيڭ «سوتسياليزمنىڭ ءمانى جونىندەگى نازاريا»، «سوتسياليزمنىڭ العاشقى ساتىسىنداعى نەگىزدىك ەكونوميكالىق ءتۇزىم جونىندەگى نازاريا»، «جاڭالىق جاراتۋ، سايكەسۋ، جاسىل دامۋ، اشىق ۇستاۋ، ورتاق يگىلىكتەنۋ سىندى دامۋ نازارياسى» قاتارلى 11 جاقتاعى نازاريالىق ناتيجەلەردى ايتۋ ارقىلى نازاريالىق جاقتاعى بۇل ناتيجەلەردىڭ تەك ەلىمىز ەكونوميكاسىنىڭ دامۋ ءامالياتىنا جەتەكشىلىك ەتىپ قانا قويماي، ماركسيزمدىك ساياسي - ەكونوميكاعا جاڭا ءورىس اشاتىنىن ىشكەرىلەي اتاپ كورسەتتى.

  ءداۋىر تاقىرىبى — نازاريالىق جاقتا جاڭالىق جاراتۋدىڭ قوزعاۋشى قۋاتى. پارتيا 18 – قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى اۋقىمدى باقىلاپ، جالپى جاعدايدى جوسپارلاۋعا تاباندى بولىپ، ءاماليات نەگىزىندە نازاريالىق جاقتا جاڭالىق جاراتۋدى باتىلدىقپەن ىلگەرىلەتىپ، ءبىرقىدىرۋ كەلەلى نازاريالىق جانە ءامالياتتىق ماسەلەلەرگە عىلىمي تۇردە جاۋاپ بەرىپ، ەلىمىز ەكونوميكاسىن دامىتۋ جالپى جاعدايىن ءساتتى مەڭگەرىپ، شي جينپيڭ جاڭا ءداۋىر جۇڭگوشا سوتسياليستىك ەكونوميكا يدەياسىن قالىپتاستىرىپ، جۇڭگو ەكونوميكاسى كەمەسىنىڭ دۇرىس باعىتتى بويلاپ العا باسۋىنا پارمەندى جەتەكشىلىك ەتتى. شي جينپيڭ جاڭا ءداۋىر جۇڭگوشا سوتسياليستىك ەكونوميكا يدەياسى — ەلىمىز ەكونوميكاسىن دامىتۋ ءامالياتىنىڭ نازاريالىق جاۋھارى، جۇڭگوشا سوتسياليستىك ساياسي – ەكونوميانىڭ ەڭ جاڭا ناتيجەسى. ءاماليات: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ەكونوميكا قىزمەتى جونىندەگى ءبىرقىدىرۋ ساياساتتىق شەشىمدەرى مەن ورنالاستىرۋلارى بۇكىلدەي دۇرىس ەكەنىن، پارتيامىز كۇردەلى دە قۇبىلمالى جاعدايدا سوتسياليستىك بازار ەكونوميكاسىن مەڭگەرە الاتىن اسا جوعارى پاراساتقا جانە قۋاتقا يە ەكەنىن تولىق ايگىلەدى.

  ەل ءىشى مەن حالىقاراداعى كۇردەلى ەكونوميكالىق جاعدايعا ءدوپ كەلگەن، ءتۇرلى ەكونوميكالىق قۇبىلىستارعا ءدوپ كەلگەن ساتتە، ماركسيزمدىك ساياسي – ەكونوميانىڭ نەگىزدىك قاعيدالارى مەن ءادىسىن ۇيرەنۋ جانە مەڭگەرۋ ەكونوميكانىڭ اينالىم بارىسىن عىلىمي تانىپ جەتۋىمىزگە، ەكونوميكانىڭ دامۋ زاڭدىلىعىن مەڭگەرىپ، سوتسياليستىك بازار ەكونوميكاسىن مەڭگەرۋ قۋاتىن جوعارىلاتۋىمىزعا، ەلىمىز ەكونوميكاسىن دامىتۋدىڭ نازاريالىق جانە ءامالياتتىق جاقتارداعى ماسەلەلەرىنە دۇرىس جاۋاپ تابۋىمىزعا ءتيىمدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار