بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

اۋىل شارۋاشىلىعى، اۋىل – قىستاق مينيسترلىگى: 8 - ايدا اۋىل شارۋاشىلىعى، اۋىل – قىستاق ەكونوميكاسىنىڭ اينالىمى ورنىقتى جاقساردى

2020.09.25 14:41     كەلۋ قاينارى : حالىق تورابى

  حالىق تورابى، 9 - ايدىڭ 25 - كۇنى، بەيجيڭ. اۋىل شارۋاشىلىعى، اۋىل – قىستاق مينيسترلىگى توراپ بەكەتىنىڭ حابارىنا قاراعاندا، 8 - ايدا اۋىل شارۋاشىلىعى، اۋىل - قىستاق ەكونوميكاسى اپات كوپ تۋىلۋ، قايتا تۋىلۋ سياقتى ءتيىمسىز ىقپالداردى جەڭىپ، اۋىل شارۋاشىلىعى ءوندىرىسى ورنىقتى بولۋ، ديقانداردىڭ كاسىپتەنۋ جاعدايى جاقسارۋ، اۋىل - قىستاق ىستەرى جەدەل دامۋ تاماشا جاعدايى جارىققا شىققان.

  كۇزگى استىقتان مول ءونىم الۋ جاعدايى تۇراقتاندى. كۇزگى استىق كولەمى مەجەمەن ءبىر ميلليارد 280 ميلليون مۋدان اسىپ، وتكەن جىلداعىدان 8 ميلليون مۋ ارتتى، قازىر ءونىم قاۋىرت الىنۋدا، مول ءونىم الۋ جاعدايى تۇراقتاندى. مەجەمەن تۇتاس جىلدا استىق اۋماعى 10 ميلليون مۋ اينالاسىندا ارتادى، مۋ باسىندىق ورتاشا ءتۇسىم 2 كيلوگرامعا جۋىق ارتىپ، ءونىم مولشەرى ءۇرتىس 6 جىل ءبىر تريلليون 300 ميلليارد جىڭ دەڭگەيىندە تۇراقتانادى.

  ءتىرى شوشقا مولشەرىنىڭ قالپىنا كەلۋى ءۇرتىس جاقساردى. بازاردىڭ پارمەندى جەبەۋىندە ءتىرى شوشقا فەرمالارى ءوندىرىس قۋاتىن ۇزدىكسىز كەڭەيتتى. اۋىل شارۋاشىلىعى، اۋىل - قىستاق مينيسترلىگىنىڭ ورنالاستىرۋىنا قاراعاندا، بۇكىل ەل بويىنشا جىلىنا 500 دەن استام شوشقا ساتاتىن كولەمدەنگەن شوشقا فەرماسىنىڭ سانى جىل باسىنداعى 161 مىڭنان 171 مىڭعا جەتكەن، ءتىرى مەگەجىن مەن ءتىرى شوشقانىڭ قولداعى سانى ءۇرتىس كوبەيگەن. 8 – ايدا مەگەجىندەردىڭ قولداعى سانى ساقينا ءتارىزدى كورسەتكىش بويىنشا %3.5 ارتىپ، ءۇرتىس 11 اي ارتقان، سايكەس مەزگىلدەگىدەن %37 ارتقان. ءتىرى شوشقانىڭ قولداعى سانى ساقينا ءتارىزدى كورسەتكىش بويىنشا %4.7 ارتىپ، سايكەس مەزگىلدەگىدەن %31.3 ارتقان. ءتىرى شوشقا مولشەرىنىڭ تەز ارادا قالپىنا كەلۋىنە، قامداۋ مەن قاجەتسىنۋ قاتىناسىنىڭ بىرتىندەپ جاقسارۋىنا بايلانىستى، باعاسى ورنىقتىلىققا بەت العان. باسقا مال، قۇس، سۋ ونىمدەرى ءوندىرىسى ءۇرتىس ورنىقتى بولعان.

  چاڭجياڭ وزەنىندە بالىق اۋلاۋعا تيىم سالۋدا كەزەڭدىك ناتيجەگە قول جەتكىزىلدى. بالىقشىلىققا قوش ايتقان بالىقشىلاردى ارحيۆ ورناتىپ، كارتوچكا بەرىپ دالمە – ءدال سۇيەمەلدەۋ مىندەتى ءساتتى ورىندالىپ، بالىقشىلىق كەمەلەرىن جيناپ الۋ، ءبىر جاقتى ەتۋ جانە بالىقشىلىققا قوش ايتقان بالىقشىلاردى باسقا كاسىپكە ورنالاستىرۋ قىزمەتى ءتارتىپتى ىلگەرىلەتىلدى. 9 - ايدىڭ 18 - كۇنىنە دەيىن چاڭجياڭ وزەنىندەگى ءتۇيىندى سۋ ايدىندارىندا بالىقشىلىق كەمەلەرىن قايتارىپ الۋ شاماسى مەن ءبىر جاقتى ەتۋ شاماسى %94 تەن استى، شاڭحاي، انحۇي، جياڭشي، حۋبەي، حۋنان، گۇيجوۋ، يۇننان ولكەلەرى بالىقشىلاردى بالىقشىلىق كاسىبىنەن قول ءۇزدىرۋ مىندەتىن نەگىزىنەن ورىندادى. بالىقشىلىق كاسىبىنەن قول ۇزگەن بالىقشىلاردىڭ سانى 171 مىڭعا جەتىپ، تەكسەرىپ بەكىتۋ مولشەرىنىڭ %95 ىن ۇستادى، مۇنىڭ ىشىندە 137 مىڭ ادامنىڭ قوعامدىق قامتاماسىزداندىرۋ جۇمىسى تياناقتاندىرىلدى، 103 مىڭ ادام باسقا كاسىپكە ورنالاستىرىلدى.

  اۋىل شارۋاشىلىعىنا قارجى قوسۋدىڭ ارتۋ قارقىنى تەزدەدى. جەر - جەر جەرگىلىكتى ۇكىمەتتەردىڭ ارناۋلى قارىزىن اۋىل شارۋاشىلىعىنا، اۋىل - قىستاققا ىستەتۋ كولەمىن ۇزدىكسىز ارتتىردى. 1 – ايدان 8 - ايعا دەيىن اۋىل شارۋاشىلىعىنا، اۋىل - قىستاققا ىستەتىلەتىن ارناۋلى زايوم كولەمى 108 ميلليارد 400 ميلليون يۋانعا جەتىپ، جالپى 852 نىسان اتقارىلىپ، جوعارى ولشەمدى ەگىس اتىزى، اۋىل شارۋاشىلىق ونىمدەرىن قامبادا ساقتاۋ، جاس كۇيىندە ساقتاۋ، توڭازىتىپ جەتكىزۋ قۇرىلعىلارى سياقتىلاردىڭ جەدەل سالىنۋىن پارمەندى جەبەدى. اۋىل شارۋاشىلىعىنا قوسىلعان قارجى ۇدايى 3 اي ارتىپ، ارتۋ شاماسى ۇزدىكسىز كەڭەيدى. 1 – ايدان 8 - ايعا دەيىن ءبىرىنشى كاسىپتىڭ تۇراقتى مۇلىككە قوسقان قارجىسى ءبىر تريلليون 106 ميلليارد 300 ميلليون يۋانعا جەتىپ، سايكەس مەزگىلدەگىدەن %11.5 ارتىپ، 1 - ايدان 7 - ايعا دەيىنگى ارتۋ شاماسىنان 3.8 پايىز جوعارىلاپ، قالپىنا كەلۋ جاعدايى كورنەكتى بولدى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار