3 – توقسانداعى ارتۋ %15.9 بولدى
ونەركاسىپ كاسىپورىندارىنىڭ پايداسى توقسان سايىن جوعارىلادى (بەدەلدى جاريالاۋ)
2020.10.28 15:56 كەلۋ قاينارى : حالىق تورابى
«حالىق گازەتى»، 10 - ايدىڭ 27 - كۇنى، بەيجيڭ (ءتىلشى ليۋ جىچياڭ). مەملەكەتتىك ساناق مەكەمەسى 10 - ايدىڭ 27 - كۇنى جاريالاعان ساندى مالىمەتتە كورسەتىلۋىنشە، الدىڭعى 3 توقساندا ەلىمىزدىڭ ونەركاسىپ كاسىپورىندارىنىڭ ءوندىرىسى مەن ساتۋى تەز قالپىنا كەلىپ، ورنىقتى ارتىپ، قامداۋ مەن قاجەتسىنۋ قاتىناسى ۇزدىكسىز جاقسارعان. 3 – توقساندا ونەركاسىپتىڭ ارتقان قۇنى سايكەس مەزگىلدەگىدەن %5.8، تيجارات كىرىسى %4.8 ارتىپ، توقسان سايىن ارتۋ جاعدايى جارىققا شىققان. كىرىستىڭ قايتا ارتۋىنىڭ جەبەۋىندە ونەركاسىپ كاسىپورىندارىنىڭ پايداسىنىڭ ارتۋ قارقىنى 1 - توقساندا %36.7 تومەندەپ، 2 - توقساندا %4.8 ارتقان، ونان 3 - توقسانعا بارعاندا تەز ارادا %15.9 كە كوتەرىلىپ، «تومەندەۋدەن جوعارىلاۋ، ارتۋ تەزدەۋ» اۋقىمى جارىققا شىققان. 1 - ايدان 9 - ايعا دەيىن مەملەكەت بويىنشا كولەم قالىپتاستىرعان ونەركاسىپ كاسىپورىندارىنىڭ جالپى پايدا سوماسى 4 تريلليون 366 ميلليارد 500 ميلليون يۋان بولىپ، سايكەس مەزگىلدەگىدەن %2.4 تومەندەگەن، تومەندەۋ مولشەرى 1 – ايدان 8 - ايعا دەيىن 2.0 پايىز تارايعان.
ءتۇيىندى سالالاردىڭ جەبەۋى كورنەكتى بولدى. 3 - توقساندا 41 ءىرى ونەركاسىپ سالاسىنىڭ ىشىندە 31 سالانىڭ پايداسى سايكەس مەزگىلدەگىدەن ارتىپ، 2 - توقسانداعىدان التاۋى ارتقان. مۇنىڭ ىشىندە 24 كاسىپتىڭ پايداسىنىڭ ارتۋ قارقىنى ەكى ورىندى ساننان اسقان. جاڭادان ارتقان پايداسى ەڭ كوپ كاسىپتەر اۆتوموبيل جاساۋ كاسىبى، ءتۇستى مەتال جانە پرەستەۋ، قارا مەتال جانە پرەستەۋ، ۋنيۆەرسال جابدىق جاساۋ كاسىبى، سونداي - اق ەلەكتر قۋاتى، جىلۋ ءوندىرىسى جانە قامداۋ كاسىبى قاتارلىلاردى قامتىعان.
بىرلىك وزىندىك قۇنى تومەندەپ، پايدا تابۋ قۋاتى كۇشەيدى. 3 - توقساندا كولەم قالىپتاستىرعان ونەركاسىپ كاسىپورىندارىنىڭ ءار 100 يۋاندىق تيجارات كىرىسىندەگى وزىندىك قۇنى 2 - توقسانداعىدان 0.71 يۋان، بىلتىرعى سول تۇستاعىدان 0.53 يۋان تومەندەگەن؛ ونەركاسىپ كاسىپورىندارىنىڭ تيجارات كىرىسىنىڭ پايدا مولشەرى سايكەس مەزگىلدەگىدەن 0.64 پايىز جوعارىلاعان، 2 - توقسانداعى سايكەس مەزگىلدەگىمەن سالىستىرعاندا تومەندەۋدەن ورلەۋگە بۇرىلىس جاساۋ نەگىزىندە ارتۋ مولشەرى اناعۇرلىم جوعارىلاعان.
كاسىپورىنداردىڭ زيان سوماسى زور مولشەردە تومەندەپ، زيان كولەمى تارايدى. 3 – توقساندا ونەركاسىپتە زيان تارتقان كاسىپورىنداردىڭ زيان سوماسى سايكەس مەزگىلدەگىدەن %4 تومەندەگەن. 9 - ايدىڭ سوڭىندا كاسىپورىنداردىڭ زيان تارتۋ كولەمى 6 - ايدىڭ سوڭىنداعىدان 3.9 پايىز تومەندەگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
