فينانس قۇرىلىمدارى تۇلعالىق شارۋاشىلىققا شامامەن ءبىر تريلليون 250 ميلليارد يۋان تيىمدىلىك جەتكىزدى (بەدەلدى جاريالاۋ)
2020.11.09 14:40 كەلۋ قاينارى : حالىق تورابى
11 – ايدىڭ 6 – كۇنى مەملەكەتتىك كەڭەستىڭ اقپارات كەڭسەسى ساياساتتىق حابارلاندىرۋ ءماجىلىسىن اشىپ، فينانس قۇرىلىمدارىنىڭ ۇيلەسىمدى تيىمدىلىك جاساپ، تياناقتاندىرۋ اياق الىسىنا قاتىستى جاعدايلاردى تانىستىردى. جۇڭگو حالىق بانكەسىنىڭ ورىنباسار باستىعى ليۋ گوچياڭ تانىستىرىپ بىلاي دەدى: بيىل الدىڭعى 10 ايدا فينانس جۇيەسى ءوسىم مولشەرىن تومەندەتۋ، ورتا، شاعىن، ۇساق كاسىپورىنداردىڭ قارىز اقشاسىن كەشىكتىرىپ وسىمىمەن قايتارۋ جانە جالپىعا ءتيىمدى شاعىن، ۇساق امانات قارىز سىندى ەكى تىكە قۇرالدان بايدالانۋ، اقى الۋ مولشەرىن ازايتۋ، كاسىپورىنداردىڭ قايتا ۇيىمداسۋىن قولداۋ جانە قارىزدى جارناعا اينالدىرۋ سياقتىلار ارقىلى تۇلعالىق شارۋاشىلىققا شامامەن ءبىر تريلليون 250 ميلليارد يۋان پايدا بەردى. مەجەمەن تۇتاس جىلدا ءبىر تريلليون 500 ميلليارد يۋان پايدا بەرۋ نىساناسىن جۇزەگە اسىرۋعا بولادى.
جۇڭگو بانكە - قامسىزداندىرۋدى باقىلاۋ - باسقارۋ كوميتەتىنىڭ ورىنباسار ءتوراعاسى لياڭ تاۋ بانكە سالاسىنىڭ، قامسىزداندىرۋ سالاسىنىڭ اقىنى ازايتىپ، پايدا بەرۋ جاعدايىن تانىستىردى. الدىڭعى 3 توقساندا 21 مەملەكەتتىك بانكە قىزمەت وتەۋ اقىسىن كەمەيتىپ، 187 ميلليارد 300 ميلليون يۋان پايدا بەردى، بانكە سالاسىنىڭ بيىل تۇتاس جىلدا اقىنى كەمەيتىپ، پايدا بەرۋ مولشەرى 360 ميلليارد يۋان بولاتىنى مەجەلەنىپ وتىر. قازىر فينانس ورگاندارى 3 تريلليون 700 ميلليارد يۋاندىق كاسىپورىنداردىڭ قارىز اقشاسىنىڭ سوماسى مەن ءوسىمىن ۇزارتتى، حالىق باسقارۋىنداعى كاسىپورىندار، شاعىن، ۇساق كاسىپورىندار سياقتى ءالسىز سالالاردى قولداۋ تەبىنىن ارتتىرىپ، 21 مەملەكەتتىك بانكە شاعىن، ۇساق « ەكىگە تيىم سالۋ، ەكىنى شەكتەۋ» ساياساتىن تياناقتاندىرىپ، 21 ميلليارد 200 ميلليون يۋان كەشىرىم ەتتى. كاسىپورىنداردىڭ جۇمىستى ، ءوندىرىستى قالپىنا كەلتىرۋىنە جانە جەكەلەردىڭ ىندەتكە قارسى تۇرۋىنا قولداۋ كورسەتىپ، 23 ميلليارد 300 ميلليون كەمەيتتى جانە كەشىرىم ەتتى، بازاردىڭ رەتتەۋ باعاسى بويىنشا قىزمەت وتەۋ اقىسىنان 31 ميلليارد 600 ميلليون يۋاندى ىرىقتىلىقپەن كەمەيتتى جانە كەشىرىم ەتتى.
«بانكەنىڭ قىزمەت وتەۋ اقىسىن الۋ جاعىنداعى ۇيلەسىمدى پايدا بەرۋ شىعىسىنىڭ ءبىر ءبولىمىن بانكەنىڭ ءوزى ۇستىنە الادى، ءبىر ءبولىمىن حاۋىپ – قاتەردى مەڭگەرۋدى ساپالاندىرۋ، باسقارۋدى كۇشەيتۋ ارقىلى وزىندىك قۇندى تومەندەتەدى، بانكەنىڭ ورنىقتى اينالىمىنا ىقپال جاسامايدى.» - دەدى لياڭ تاۋ.
ەلىمىزدىڭ ەكونوميكالىق اينالىمىنىڭ ۇزدىكسىز ورنىقتى قالپىنا كەلۋىنە بايلانىستى، ساياسات قالاي رەتتەلەدى؟ ليۋ گوچياڭ بىلاي دەدى: كەلەسى كەزەڭدە، حالىق بانكەسى ورنىقتى اقشا ساياساتىنىڭ اناعۇرلىم يكەمدى، ۇيلەسىمدى، دالمە ـ ءدال بەتالىسىنا تاباندى بولىپ، فينانستىڭ تۇلعالىق شارۋاشىلىقتى قولدايتىن ءتۇزىلىس مەحانيزمىن ورناتادى، تۇلعالىق شارۋاشىلىققا فينانستىق قولداۋ ۇزدىكسىز كۇشەيتىلەدى.
جۇڭگو حالىق بانكەسى اقشا ساياساتى مەڭگەرمەسىنىڭ باستىعى سۇن گوفىڭ بىلاي دەدى: كەلەسى باسقىشتا، ورنىقتى اقشا ساياساتى جاعدايدىڭ وزگەرىسىنە جانە بازاردىڭ وزگەرىسىنىڭ تالابىنا قاراي ساياساتتىڭ تەبىنىن، ريتىمىن جانە ءتۇيىنىن دەر كەزىندە رەتتەيدى، ءبىر جاعىنان، ەرەكشە مەزگىلدە شىعارىلعان ساياساتتار دەر كەزىندە لايىقتى رەتتەلەدى. ەندى ءبىر جاعىنان، ۇزاق ۋاقىت قولداۋ قاجەت بولعان سالالاردا ساياساتتىق قولداۋ تەبىنىن ونان ارى ارتتىرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
