بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەكونوميكا

فينانستىق عىلىم – تەحنيكانىڭ دامۋىندا ناتيجەلەر مول بولدى

حالىق گازەتىنىڭ ءتىلشىسى ۋاڭ جۇنليڭ

2020.12.09 15:55     كەلۋ قاينارى : حالىق تورابى

  12 – ايدىڭ 8 – كۇنى، جۇڭگو حالىق بانكەسىنىڭ پارتگرۋپپا شۋجيى، جۇڭگو بانكە – قامسىزداندىرۋ ىستەرىن باقىلاۋ – باسقارۋ كوميتەتىنىڭ ءتوراعاسى گو شۋچيڭ 2020 – جىلعى سينگاپۋر فينانستىق عىلىم – تەحنيكا تالقىسىندا مىنانى ءبىلدىردى: جۋىرداعى جىلداردان بەرى، فينانستىق عىلىم – تەحنيكا جۇڭگودا قاۋىرت دامىدى. فينانس قۇرىلىمدارىنىڭ سيفرلاندىرۋعا بۇرىلىس جاساۋى ۇزدىكسىز ىلگەرىلەتىلدى، ونىمدەر مەن قۇرالداردىڭ قولدانىلىمى كۇن سايىن مولايدى، فينانستىق قىزمەت وتەۋ ونىمدىلىگى مەن قامتىمدىلىعى زور مولشەردە جوعارىلادى.

  ناقتى امالياتتان الىپ قاراعاندا، فينانستىق عىلىم – تەحنيكانىڭ دامۋىندا نەگىزىنەن تومەندەگىدەي بىرنەشە جاقتاعى ناتيجەگە قول جەتكىزىلدى:

  ەلەكتروندى جولمەن تولەۋ قىزمەتىنىڭ، وتە – موتە، جىلجىمالى تەرمينال ارقىلى تولەۋ قىزمەتىنىڭ جالپىلاسۋىنا بايلانىستى، جۇڭگودا نەگىزدىك فيناستىق قىزمەت وتەۋ قالالار مەن اۋىلداردا تۇگەل جالپىلاستى. ەڭ شەتكەرى، شالعاي اۋىل – قىستاقتاردىڭ وزىندە، ءاربىر ەرەسەك ادامنىڭ وزىنە ءتان بانكە ەسەپ ءنومىرى بار. جۇڭگونىڭ جىلجىمالى تەرمينال ارقىلى اقى تولەۋ قىزمەتىن جالپىلاستىرۋ مولشەرى مەن كولەمى دۇنيە ءجۇزى بويىنشا ءبىرىنشى ورىندا تۇرادى، اقشا قويۋ، اقشا شىعارۋ جانە اقشا جوتكەۋ ىستەرىندە تۇگەلدەي سول ساتتە ەسەپ نومىرىنە قوندىرۋ ورىندالدى. ينتەرنەتتەگى تۇتىنۋ قارىشتاپ دامىپ، قالا – اۋىل تۇرعىندارىنىڭ تۇرمىسى كۇننەن – كۇنگە قولايلى بولا ءتۇستى.

  سيفرلى جولمەن سەنىمدى قارىز بەرۋ ىستەرى شاعىن، ميكرو كاسىپورىنداردىڭ، جەكەشە ونەركاسىپشىلەر مەن ساۋداگەرلەردىڭ جانە ديقانداردىڭ قارىز الۋ شارت – جاعدايىن جاقسارتتى. بانكە قاتارلى قۇرىلىمدار ىرىدەرەك ارقىلى حاۋىپ – قاتەردەن زەردەلى تۇردە ساقتانىپ، كەپىلگە قويىلعان زاتقا سۇيەنىپ قالۋ جاعدايىن ازايتىپ، قارجى قۇراۋدىڭ قولعا كەلتىرۋگە جارامدىلىق سيپاتىن زور دارەجەدە ارتتىردى. بيىل 10 – ايدىڭ سوڭىنا دەيىن، جۇڭگونىڭ بانكە سالاسى قىزمەت وتەگەن شاعىن، ميكرو كاسىپورىن امانات – قارىز تۇتىنۋشىلارىنىڭ سانى 27 ميلليونعا جەتىپ، شاعىن، ميكرو كاسىپورىندار مەن جەكەشە ونەركاسىپشىلەر جانە ساۋداگەرلەرگە بەرىلگەن تيىمدىلىك سيپاتتى قارىزدىڭ ارتۋ مولشەرى سايكەستى مەزگىلدەگىمەن سالىستىرعاندا %30 تەن اسقان، ديقان وتباسىلار العان قارىزدىڭ ارتۋ مولشەرى سايكەستى مەزگىلدەگىمەن سالىستىرعاندا %14.3 ارتقان.

  سيفرلى قامسىزداندىرۋ ىستەرىنىڭ قامتۋ كولەمىن كورنەكتى كەڭەيتتى. جۇڭگودا نەگىزدىك زەينەتكەرلىك قامسىزداندىرۋ ىستەرىنىڭ قامتۋ كولەمى ءبىر ميلليارد ادامعا جۋىقتاپ، نەگىزدىك مەديتسينالىق قامسىزداندىرۋدىڭ قامتۋ كولەمى ءبىر ميلليارد 300 ميلليون ادامنان استى ءارى ولكە اتتاپ ەسەپ جاساۋعا مۇمكىندىك بەرۋدى ورىندادى. قامسىزداندىرۋ قۇرىلىمدارى بەينە كەسكىن ارقىلى بايلانىس جاساۋ جانە الىس ارالىقتان كۋالاندىرۋ قاتارلى عىلىم – تەحنيكالىق تاسىلدەر ارقىلى قىزمەتتەگى ماڭىزدى تۇيىندەردى ينتەرنەتتەندىرۋدى ورىندادى. بيىل الدىڭعى جارىم جىلدا، ينتەرنەتتەگى اماندىق قامسىزداندىرۋى كىرىسى سايكەستى مەزگىلدەگىمەن سالىستىرعاندا %12.2 ارتقان، ينتەرنەتتەگى مال – مۇلىكتى قامسىزداندىرۋ سەرىكتەستىكتەرىنىڭ قامسىزداندىرۋ اقىسىنان كىرگىزگەن كىرىسى سايكەستى مەزگىلدەگىمەن سالىستىرعاندا %44.2 ارتقان.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار