بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

شىعىس ازيانىڭ حاۋىپسىزدىك ماسەلەسىن تۋدىرعان كىم؟

2012.07.25 10:58     كەلۋ قاينارى : شينجياڭ حالىق راديو ستانسياسى تورابى

  شىعىس ازيا رايونى حاۋىپسىزدىكتىڭ جاڭا تارتىبىنە ويىسا باستادى، ءىشىنارا رايوندارداعى سىرتقى كۇشتەردىڭ ارالاسۋى وسى بارىستاعى تۇراقسىزدىق جاعدايدى كۇشەيتتى. زوماكەرلىككە بوي ۇرۋ، قارۋلى كۇش كولەمىن كەڭەيتۋ، توپتاسىپ قارسىلاسۋ سىندى وسى ەسكى جۇلگەدەن جازباعان ەلدىڭ شىعىس ازيا حاۋىپسىزدىگىندەگى ەڭ ءىرى ماسەلەنى تۋدىرۋشىعا اينالاتىندىعى داۋسىز.

  شىعىس وڭتۇستىك ازيا وداعى تالقى مىنبەسىنىڭ جەلىلەس سىرتقى ىستەر كەڭەسى حالىقارالىق جاماعات پىكىرىن باۋراپ، نانحاي ماسەلەسىنىڭ بەتالىسى مەن جۇڭگونىڭ شىعىس ازيانىڭ حاۋىپسىزدىك جۇلگەسىندەگى اتقارعان رولى جۇرت نازارىن ەرەكشە اۋداردى. بۇل شىعىس ازيا رايونىنىڭ دۇنيە ءجۇزى ەكونوميكاسىندا يەلەگەن ماڭىزدى ورنىمەن قاتىستى، سونىمەن بىرگە ونىڭ اناعۇرلىم كۇردەلى استارى بار.

  كەزەكتەگى شىعىس ازيانىڭ حاۋىپسىزدىگىنە قالاي قاراۋ كەرەك؟ شىعىس ازيانىڭ حاۋىپسىزدىك ماسەلەسىن تۋدىرعان كىم؟ بۇل ءسوز جوق ايقىنداۋعا ءتيىستى ەكى ماسەلە بولىپ وتىر. تەك وسى نەگىزدە عانا شىعىس ازيا حاۋىپسىزدىك جاعدايىنىڭ نەگىزگى بەتالىسىن دۇرىس يگەرىپ، ءتۇرلى كەرى فاكتورلاردىڭ كەدەرگىسىن سانالىلىقپەن توسىپ، شىعىس ازيانىڭ دامۋى مەن كوركەيۋىن اناعۇرلىم تولىق سەنىممەن قورعاۋعا جانە ىلگەرلەتۋگە بولادى.

  شىعىس ازيا تاريحي سيپاتتى دامۋ مەن وزگەرۋدىڭ ماڭىزدى كەزەڭىندە تۇر. حالىقارالىق ورنى دا كورنەكتى جوعارىلادى. سونىمەن بىرگە، تاريحي جانە رەال سەبەپتەردەن، شىعىس ازيادا ءىشىنارا ماسەلەلەر مەن باسەكەدە ساقتالىپ وتىر. الايدا، شىعىس ازيانىڭ حاۋىپسىزدىك جاعدايى تۇلعالىق جاقتان بەيبىت ءارى ورنىقتى. وعان كەپىلدىك ەتىلمەگەن بولسا، شىعىس ازيا رايونىندا بۇگىنگىدەي كۇن سايىن دامىعان جاعداي بولماس ەدى. نانحاي ماسەلەسى بارعان سايىن ۋشىقسا دا، نانحاي تەڭىزىندەگى كەمەلەردىڭ ەركىن جۇرۋى، كەمە جولىنىڭ حاۋىپسىز ەكەنى جالپى جۇرت مويىنداعان شىندىق بولىپ وتىر. وسى رايونداعى ەلدەر مەن باسقا وڭىردەگى ەلدەردىڭ ءبارىن نانحاي تەڭىزىندەگى ەركىن دە حاۋىپسىز كەمە ارەكەتىنەن يگىلىكتەنۋشى دەۋگە بولادى. نانحاي تەڭىزىندەگى ءىشىنارا مارجان ارالدار جانە تەڭىز شەكارا تالاسى مەن نانحاي تەڭىزىندەگى كەمە ارەكەتىنىڭ ەركىندىگى بۇكىلدەي ۇقساماعان كولەمدەگى ەكى ماسەلە.

  جۇڭگو ەجەلدەن شىعىس ازيانىڭ حاۋىپسىزدىك ماسەلەسىن تۋدىرۋشى ەمەس. جۇڭگو ماڭىنداعى ەلدەرمەن تەريتوريا تەڭىز ۇقىعى تالاسىن ويداعىداي شەشۋدە، باستان-اياق ەكى جاقتىلى كەلىسسوز ارقىلى شەشۋگە تاباندى بولىپ كەلدى. دياۋيۇي ارالى ماسەلەسىندەگى، الدە حۋاڭيان ارالى ماسەلەسىندەگى تالاستى شەشۋ بارىسىندا بولسىن، جۇڭگو ءوزىنىڭ وزەكتى مۇددەسىن بەرىك قورعاۋمەن بىرگە، جەتكىلىكتى توزىمدىلىك بايقاتىپ، ءبىر ءىرى ەلدىڭ شىعىس ازيانىڭ بەيبىتشىلىگى مەن ورنىقتىلىعىن قورعاۋداعى ءتيىستى جاۋاپكەرلىگىن ايگىلەپ كەلەدى.

  جۇڭگو كورشى ەلدەرمەن دوس، سەرىكتەستىك قاتىناس ورناتۋ سىندى ديپلوماتيالىق ساياساتتى اتقارىپ، ازيا ەلدەرىنىڭ ءوزارا تيىمدىلىك جاساۋ سەلبەستىگىن تەرەڭدەتۋگە كۇش سالدى. كەزەكتە، جۇڭگونىڭ ازياداعى ەلدەرمەن قاتىناسىنىڭ دامۋ بەتالىسى جاقسى، ءتۇرلى بەلسەندى فاكتورلارعا تولى. 2011-جىلى جۇڭگو ازيادا 20 ميلليارد ا ق ش دوللارىنداي قارجى قوسىپ، كوپتەگەن ەلدىڭ دامۋداعى كەدەرگىنى جويۋىنا كومەكتەسىپ، وڭىردىڭ ەكونوميكالىق سەلبەستىگىن تىڭ بەلەسكە كوتەردى.

  راسىندا، جۇڭگونىڭ شىعىس ازياداعى ىقپال كۇشى كۇن سايىن كۇشەيدى، الايدا بۇل جۇڭگونىڭ قاتەلىگى ەمەس، باسقا ەلدەرگە كورسەتكەن حاۋپى دە ەمەس. جاڭا ا ق ش قور قوعامىنىڭ مامانى پاراگ كوننور اتاپ كورسەتكەندەي: جۇڭگونىڭ ىقپال كۇشىنىڭ سۇيەنگەنى ـ-جۇمساق كۇش.

  شىعىس ازيا رايونى حاۋىپسىز جاڭا تارتىپكە بۇرىلىس جاساي باستادى، ءىشىنارا وڭىرلەرگە سىرتقى كۇشتىڭ ارالاسۋى وسى بارىستىڭ تۇراقسىزدىعىن تۋدىردى. فيليپپىننىڭ «مانيلا بۇگىنگى تۋ گازەتىنىڭ» توراپ بەكەتى تاياۋدا ماقالا جاريالاپ بىلاي دەپ اتاپ كورسەتتى: قازىرگى قىسىل-تاياڭ جاعدايدى تەريتوريا تالاسى عانا تۋدىرىپ وتىرعان جوق، ونىڭ ءتۇبىن قۋعاندا، ناعىز قاقتىعىستىڭ ساياسي ءتۇس العاندىعىندا، بۇل جۇڭگونىڭ ەڭسە كوتەرۋىنىڭ دۇنيە ءجۇزى ەكونوميكاسىنداعى ءىرى ەلگە اينالۋىمەن جانە دۇنيە جۇزىندەگى بىردەن ءبىر ەرەكشە ءىرى ەل ا ق ش-تىڭ وسى بارىستى تەجەمەك نەمەسە باياۋلاتپاق بولعانىمەن قاتىستى.

  شىعىس ازيا حاۋىپسىزدىگىنىڭ جاڭا ءتارتىبىن ورناتۋ ءۇشىن مىناداي تانىمدى كۇشەيتۋ كەرەك: جاڭا جاعدايداعى حاۋىپسىزدىك ماسەلەسىنىڭ ءمانى قىرعي قاباقتىق جاعداي كەزىندەگى تىرەسۋدىڭ ءبىر كەلكى حاۋىپسىزدىگىنەن دە، ءداستۇرلى اسكەري حاۋىپسىزدىكتەن دە اسىپ كەتتى، سونىمەن بىرگە ءبىر ەل، ءبىر ءوڭىر حاۋىپسىزدىگىنەن دە استى. ءبىر ەل ءوزىن دامىتۋ ءۇشىن، ءسوز جوق باسقا ەلدىڭ دە دامۋىنا مۇمكىندىك جاراتۋ؛ ءوزىنىڭ حاۋىپسىزدىگىن جۇزەگە اسىرۋ ءۇشىن، باسقالاردىڭ حاۋىپسىز بولۋىنا مۇمكىندىك اكەلۋ؛ ءوزى جاقسى بولۋ ءۇشىن باسقالارعا دا جاقسى جاعداي جاراتۋ كەرەك. سەلبەسەتىن پەيىل، جاڭالىق جاراتاتىن رۋح، جاۋاپكەر بولاتىن پوزيتسيا بولماسا، جاراسىمدى، ورنىقتى، حاۋىپسىز ورتا جاراتۋعا بولمايدى.

  زوماكەرلىككە بوي ۇرۋ، قارۋلى كۇش كولەمىن كەڭەيتۋ، توپتاسىپ قارسىلاسۋ سياقتى كونە سۇردەكپەن جۇرگەنمەن مۇلدە شىعار جول جوق، وسى ەسكى جۇلگەدەن جازباعان ەلدىڭ شىعىس ازيا حاۋىپسىزدىگىندەگى ەڭ ءىرى ماسەلەنى تۋدىرۋشىعا اينالاتىندىعى داۋسىز.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.