- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
وباما زۇڭتۇڭدىققا قايتا سايلانىپ مىندەتكە وتىرا سالا كوپ وزگەرىستەر تۋىلدى
2012.11.27 16:20 كەلۋ قاينارى : شينجياڭ حالىق راديو ستانسياسى تورابى
ا ق ش-تىڭ زۇڭتۇڭى وباما مىندەتكە قايتا وتىرعاننان كەيىن دەرەۋ رەسپۋبىليكاشىلدار پارتياسىنىڭ «قازىنا حاتەرى»ماسەلەسى جونىندە اقىلداستى، ورتالىق مالىمەت توپتاۋ مەكەمەسىنىڭ باستىعى پەتراۋىستىڭ تاپسىرعان مىندەتتەن بوساۋ حاتىن دەرەۋ بەكىتتى، سونىمەن بىرگە، ازياداعى 3 ەلگە ساپارلايتىندىعىن، پالەستين مەن يزرايلدىڭ تىكەلەي كەلىسسوز وتكىزۋىن قولدايتىندىعىن جاريالادى...
تالداۋ جاساۋشى قايراتكەرلەر: وبامانىڭ 2-كەزەكتى مىندەت مەرزىمى ءتىپتى دە كوپ سىنعا ءدوپ كەلەدى، ىشكى ىستەردەگى كەدەرگى كوپ بولسا، ال سىرتقى ىستەر سالاسىنداعى سىن دا وڭايعا تۇسكەلى تۇرعان جوق. تاكتيكانى دەرەۋ رەتتەگەندە عانا، قيىن دا كۇردەلى ماسەلەلەردى ەرتەرەك شەشۋگە بولاتىن ءتۇيىندى تابۋعا بولادى، ول سوندا عانا ءونىمدى بيلىك جۇرگىزىپ، حالىقتىڭ كەڭ كولەمدى قولداۋىنا يە بولا الادى،-دەپ قارادى.
وباما قايتادان زۇڭتۇڭدىققا سايلانعاننان كەيىن، لەزدە «قازىنا حاتەرىنە» ءدوپ كەلدى. كىشى بۋش ۇكىمەتى كەزىندەگى باجىنى ازايتۋ ساياساتىنىڭ ۋاقىتى بيىل جىل سوڭىندا تولۋىمەن،قىزىل سيفىردى ازايتۋ مەحانيزىمىنىڭ كەلەر جىلدىڭ باسىندا كۇشكە يە بولۋىنىڭ قاباتتاسۋى ا ق ش ەكونوميكاسىنىڭ 2013-جىلدىڭ الدىڭعى جارىم جىلىندا قۇلدىراۋ جاعدايىن تۋدىرۋى مۇمكىن. ال وسى قيىن ماسەلەنى لايىقتى شەشە السا، وبامانىڭ بيلىك جۇرگىزۋ نەگىزى زور دارەجەدە بەكەمدەلەدى.
برۋكيڭىس عىلمي زەرتتەۋ قوعامىنىڭ ا ق ش ساياساتى مامانى توماس بىلاي دەپ اتاپ كورسەتتى: رەسپۋبىليكاشىلدار پارتياسىنىڭ ادامى 2010-جىلدىڭ ورتا شەنىندە «سكورچىد ساياساتىنان»پايدالانىپ، وباما زۇڭتۇڭ ورتاعا قويعان بارلىق زاڭ شىعارۋ كۇن تارتىبىنە قارسى تۇردى، ۇيتكەنى ولاردىڭ وسىلاي ىستەۋى «وزدەرىنە پايدالى» دەپ قارايدى. الايدا ناتيجەدە، وباما ەكونوميكانى قايتا جانداندىرۋعا شاماسى كەلمەيتىن جاعدايدا رەسپۋبىليكاشىلدار پارتياسىنداعى باسەكەلەسى رومنەيدى جەڭدى، دەموكراتياشىلدار پارتياسىنان ەشكىم دە وڭ كوزىمەن قاراماعان جاعدايدا كەڭەس پالاتاسىنىڭ كوپ سانىنان ايرىلماي، رەسپۋبىليكاشىلدار پارتياسى اۋىر جەڭىلىسكە ۇشىراپ، ىشكى جاعىندا بولشەكتەنۋ جاعدايى جارىققا شىقتى.
قازىرگى جاعدايدان قاراعاندا، رەسپۋبىليكاشىلدار پارتياسى مەن دەموكراتياشىلدار پارتياسىنىڭ ەكەۋى دە ەكونوميكانىڭ قۇلدىراۋىن قالامايدى، ال باستى الاۋىزدىق پەن تالاس-تارتىس جۇرتشىلىقتان الىناتىن باجىنى ازايتۋ كولەمى مەن ۇكىمەتتىڭ شىعىسىن قالاي رەتتەۋ ۇستىندە بولىپ وتىر. رەسپۋبىليكاشىلدار پارتياسىنىڭ قارسى تۇرۋ مايدانىنان باس تارتۋىنان ءۇمىت جوق بولعانىمەن، ءبىراق وبامانىڭ كەم دەگەندە رەسپۋبىليكاشىلدار پارتياسىنىڭ قولداۋىنا قول جەتكىزۋ ورايى بار. رەسپۋبىليكاشىلدار پارتياسىنىڭ ىشىندەگى، وتە-موتە كەڭەس پالاتاسىنداعى كوپتەگەن ادامدار دەموكراتيالىق پارتيامەن مەجە ەسەپ سياقتى ماسەلەلەر ۇستىندە كەلىسسوز وتكىزۋگە، اۋەلى سەلبەستىك جاساسۋعا قوسىلاتىندىعىن ءبىلدىردى.
وباما رەسپۋبىليكاشىلدار پارتياسىمەن قارىم-قاتىناس جاساي باستادى. ول رەسپۋبىليكاشىلدار پارتياسىنداعى كوپتەگەن ادامدارمەن تەلەفوندا سويلەستى، ءارى پارلامەنت باسشىلارىن 16-قاراشاداعى اق ساراي كەڭەسىنە قاتىناسۋعا ۇسىنىس ەتتى. ال وسى كەڭەستەن بۇرىن، وباما قىزىل سيفىردى ازايتۋ ماسەلەسى جونىندە جۇمىسشى ۇيىمى، ونەركاسىپ - ساۋدا سالاسىنداعى باسشىلارمەن كەڭەس وتكىزدى، ءارى اقپارات جاريالاۋ جينالىسىن اشتى. ا ق ش اقپارات قۇرالدارى، وبامانىڭ وسى باستاماسىندا قايتا زۇڭتۇڭ بولعاننان كەيىن «تەمىردى قىزۋىندا سوقپاقشى» بولعاندىعى انىق، ءوزىنىڭ جوباسىن اتقارۋ ءۇشىن ءتىپتى دە كوپ قولداۋعا يە بولىپ، رەسپۋبىليكاشىلدار پارتياسىنا قىسىم تۇسىرمەكشى،-دەپ قارادى.
توماس تاعى بىلاي دەپ قارادى: قايتادان زۇڭتۇڭ بولعاننان كەيىنگى وباما تاعى 4 جىل ۋاقىتتان پايدالانىپ ءوزىنىڭ ءبىرىنشى كەزەكتەگى مىندەت وتەۋ مەزگىلىندەگى كوپتەگەن تابىستارىن بەكەمدەيدى، ماسەلەن، ەمدەۋ، دەنساۋلىق ساقتاۋ رەفورماسى، فينانىستى باقىلاۋ-باسقارۋ رەفورماسى،تازا ەنەرگيانى دامىتۋ جانە وقۋ-اعارتۋ رەفورماسى سياقتىلار. وباما تاعى كوشپەندىلەر رەفورماسىن جان-جاقتىلى ىلگەرلەتۋى مۇمكىن.
ىشكى ىستەرمەن سالىسترعاندا، وبامانىڭ سىرتقى ىستەر جاعىنداعى قيىن ماسەلەلەرى ءتىپتى دە كوپ. برۋكيڭىس عىلمي زەرتتەۋ قوعامىنىڭ سىرتقى ساياسات مامانى روبەرت كاگان: الداعى 4 جىلدا، وبامانىڭ شامالاي الاتىن سىرتقى ىستەر سىناعى از ەمەس، ەگەر قىزىل سيفىردى ازايتۋ ماسەلەسىن ءبىر جايلى ەتۋى جاقسى بولماسا، وبامانىڭ ءدوپ كەلەتىن سىرتقى ىستەر ورتاسىن قىرسىق شالۋى مۇمكىن،-دەپ قارادى.
كاگان تاعى بىلاي دەپ قارادى: وبامانىڭ بۇدان كەيىنگى 4 جىلدا ءدوپ كەلەتىن ەڭ ۇلكەن سىرتقى ىستەر سىناعى مىناداي 4 ءتۇرلى بولماق، ءبىرىنشى، يراننىڭ يادرو ماسەلەسى. ەگەر يران يادرولىق قارۋ جاساۋ قۋاتىنا يە بولسا، ا ق ش بۇعان قالاي توتەپ بەرەدى؟ ەكىنشى، اۋعانستاننان اسكەر شەگىندىرۋ. وباما 2014-جىلدىڭ سوڭىنان بۇرىن اۋعانستاندا تۇراتىن قوسىندى شەگىندىرۋگە ۋادە بەرگەن بولاتىن، الايدا وسى ءبىر ءتۇيىن اۋعانستان جاعدايىنىڭ ىلگەرىندى-كەيىندى شۇعىلدىعىن وزگەرتە الاما -جوقپا ؟ءۇشىنشى، ا ق ش ستراتەگياسىنىڭ وزەگى شىعىسقا بەت الۋ، جۇڭگومەن قارىم-قاتىناستى قالاي دامىتادى ؟ ازيا- تىنىق مۇحيت رايونىنداعى ءبىرسىپىرا تالاس-تارتىسقا ارالاساما؟ءتورتىنشى، رەسپۋبىليكاشىلدار پارتياسىنداعىلار باتىس ازيا، سولتۇستىك افريكاداعى دۇربەلەڭ اكەلگەن زارداپ جونىندە وباماعا كەيىدى،ءارى ءدىني ۇشقارى كۇشتەرگە كومەكتەستى دەپ ايىپتادى،وسىنداي جاعدايدا، وباما ەگيپەت، ليۆيا سياقتى ەلدەرمەن بولعان قارىم-قاتىناستى قالاي ءبىر جايلى ەتەدى ؟ اۋىر قيىنشىلىققا تاپ بولعان ورتا شىعىستىڭ بەيبىتشىلىك كەلىسسوزىن قالاي جەبەيدى؟ وسىنداي ءبىرسىپىرا ماسەلەلەردى شەشۋدىڭ تەتىگى ەڭ الدىمەن ەل ءىشى ماسەلەسىن ويداعىداي شەشۋدە. كاگان تاعى:ەگەر قىزىل سيفىردى ازايتۋ مەحانيزىمىن باستاسا، اسكەري قاراجات زور دارەجەدە ازايادى،بۇل ا ق ش-تىڭ اسكەري ىستەر قۋاتىنا اۋىز زيان اكەلىپ، وبامانىڭ سىرتقى ىستەردى ءبىر جايلى ەتۋ قۋاتىنا تىكەلەي ىقپال جاسايدى،-دەدى.
پارلامەنتتىڭ وتكەن جىلى بەكىتكەن مەجە ەسەپ جوسپارى بويىنشا، پارلامەنتتەگى ەكى پارتيا كەلىسىم جاساسپاسا، وندا 2013-جىلدىڭ باسىنداعى قىزىل سيفىردى ازايتۋ مەحانيزىمىن باستاپ، مەملەكەت قورعانىسىنىڭ حاۋىپسىزدىك مەجە ەسەبى مەن مەملەكەت قورعانىسىنا جاتپايتىن مەجە ەسەپتىڭ ءارقايسسى ءبىر تريلليون 200ميلليارت ا ق ش دوللارى ازايتىلاتىن قىزىل سيفىر سوماسىنىڭ جارىمىن ارقالايدى. مەملەكەت قورعانىس مينيسترى پانەتتا: بۇل ا ق ش-تىڭ اسكەري ىستەر قۋاتىنا زيان كەلتىرەدى دەگەندى تالاي رەت ايتقان بولاتىن.
ول وسى ايدا تايلاند، كامبودجا جانە بيرماعا ساپارلايتىندىعىن جاريالادى، ءارى كەيبىر ەلدەردىڭ باسشىلارىمەن تەلەفوندا سويلەستى، تاعى پالەستين مەن يزرايلدىڭ تىكەلەي كەلىسسوز وتكىزۋىن قولدايتىندىعىن ايتتى.
ورتالىق مالىمەت توپتاۋ مەكەمەسىنىڭ باستىعى پەتراۋىستىڭ كوڭىلدەسى بارلىعى اشكەرەلەنىپ مىندەتىنەن بوساعاننان تىس، ا ق ش اقپارات قۇرالدارىنىڭ حابارىنا قاراعاندا، مەملەكەت قورعانىس مينيسترى پانەتتا، مەملەكەت ىستەرى حاتشىسى حيللاري جانە قازىنا مينيسترى گەيتحنەرلەردە تۇگەلدەي اۋىساتىن كورىنەدى.
حيللاريدىڭ مىندەتىنەن شەگىنەتىندىگى ءبىرشاما انىق، ۇيتكەنى ول ەندى ءبىر كەزەك مىندەت اتقارمايتىندىعىن تالاي رەت ايتقان بولاتىن. اقپارات قۇرالدارىنىڭ قاراۋىنشا، ول 2016-جىلعى زۇڭتۇڭ سايلاۋىنا دايىندالادى ەكەن. حيللاريدىڭ ورنىنا شىعۋعا ەڭ لايىق ادام قاتارىندا كەڭەس پالاتاسىنداعى جون كەرري، سونداي-اق ا ق ش-تىڭ قازىرگى بىرلەسكەن مەملەكەتتەر ۇيىمىندا تۇراتىن تۇراقتى ۋاكىلى سۋسان ريسە بار ەكەن. مۇنىڭ ىشىندە، ريسە ا ق ش-تىڭ ليۆيانىڭ بەنگازيىندە تۇراتىن كونسۋلحاناسىنىڭ شابۋىلعا ۇشىراۋىنىڭ كەسىرىنەن وسى ورىنعا شىعۋ مۇمكىندىگى از بولۋى مۇمكىن.
ونان قالسا مەملەكەت قورعانىس مينسترىنىڭ ورنى. كوپتەگەن اقپارات قۇرالدارىنىڭ حابارىندا، پانەتتا اسىلىندە بەس بۇرىشتى سارايدا مىندەت اتقارعىسى كەلمەيدى، ونىڭ وتباسىنداعىلار دا باستان-اقىر كاليفورنيادان كوشپەدى، بۇل ونىڭ باسىندا-اق ۆاشينگتوندا كوپ تۇرۋدى ويلاسپاعاندىعىن دالەلدەيدى،-دەلىنگەن. مەجە ەسەپ مامانى رەتىندەگى پانەتتا پارلەمەنت مۇشەلەرىنىڭ نازارىندا «داۋرەنى وتكەن»ادام سانالادى دا، ەرتە مە، كەش پە مىندەتىنەن بوسايتىندىعى جوسپارلانىپ بولعان. ەندىگى جەردە ەل نازارىنا كوبىرەك ءىلىنىپ تۇرعان وسى ورىنعا ەڭ لايىق ادامداردان مەملەكەت قورعانىس مينسترلىگىنىڭ ورىنباسار مينيسترى اشتون كات جانە ماملەكەت قورعانىس مينيسترلىگىنىڭ ساياساتقا جاۋاپتى بۇرىنعى ورىنباسار مينيسترى ميچەل فلونۋا بار.
تاعى الدەقاشان بارار باعىتى بەلگىلەنىپ بولعان ىشكى بيلىك كەڭسەسىنىڭ ماڭىزدى مۇشەسى گاتەنا بار. قازىرگى ونىڭ ورىنىنا ەڭ لايىق ادامداردان اق ساراي كەڭسە- سىنىڭ مەڭگەرۋشىسى جاسوپ لەۋ جانە بۇرىن كيلينتون ۇكىمەتى كەزىندە اق ساراي كەڭسەسىنىڭ مەڭگەرۋشىسى بولعان ەرسكين بوۋلەس بار.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
