بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

بەرلۋسكوني زۇڭليلىققا تاعى تالاستى

2012.12.12 08:55     كەلۋ قاينارى : شينجياڭ حالىق راديو ستانسياسى تورابى

  8-جەلتوقسان تۇستەن كەيىن، يتاليانىڭ زۇڭليى مونتي زۇڭتۇڭ ناپوليتانوعا كەزدەسكەننەن كەيىن، ەركىن حالىق پارتياسى قازىرگى ۇكىمەتتى قولدامايتىن بولعاندىقتان، ءوزىنىڭ پارلامەنتتە ۇكىمەتتىڭ قازىنانى ورنىقتىرۋ زاڭ جوباسى ماقۇلداعاننان كەيىن، زۇڭتۇڭعا مىندەتىنەن بوساۋدى رەسمي العا قوياتىندىعىن ايتتى. سول كۇنى يتاليانىڭ بۇرىنعى زۇڭليى بەرلۋسكوني قايتا بوي كورسەتىپ، ەركىن حالىق پارتياسىنىڭ زۇڭلي كانديداتى رەتىندە كەلەسى كەزەكتى پارلامەنت سايلاۋىنا قاتىناسۋ بەكىمىنە كەلدى.

  سوڭعى بىرنەشە كۇننەن بەرى، وسى كەزەكتى پارلامەنتتىڭ 2013-جىلى ساۋىردە تولاتىن مىندەت وتەۋ مەرزىمىنىڭ تاياپ قالۋىنا بايلانىستى، پارلامەنتتەگى ءارقايسى ساياسي پارتيالار كەلەسى كەزەكتى پارلامەنت سايلاۋىنا قاتىناسۋعا جاعداي جاساي باستادى. 6-جەلتوقساندا، كەڭەس پالاتاسىنداعى ۇكىمەتتىڭ ءار دارەجەلى الەۋمەتتىك، اكىمشىلىك شىعىمىن ازايتۋ زاڭ جوباسىن قاراپ ماقۇلداۋ جونىندەگى سەنىمدىلىك داۋىس بەرۋ قيمىلىندا، ەركىن حالىق پارتياسىنىڭ پارلامەنت مۇشەلەرى توپتىق قالىس قالدى. 7-جەلتوقساندا، وسى پارتيانىڭ شۋجيى ارافانو پارلامەنتتەگى تالقىدا، مونتي ۇكىمەتىنىڭ مىندەتىنىڭ اياقتاعاندىعىن ايقىن اتاپ كورسەتتى. جەرگىلىكتى اقپارات قۇرالدارى تالداۋ جاساپ: ەركىن حالىق پارتياسى كەڭەس پالاتاسىنداعى 315 ورىننىڭ 126 ىن، قاۋىم پالاتاسىنداعى 630 ورىننىڭ 206 ىن ۇستايدى، ەركىن حالىق پارتياسىنىڭ بەت بۇرۋى مونتي ۇكىمەتىنىڭ پارلامەنتتە باسىم كوپ قولداۋ مولشەرىنەن ايىرىلعاندىعىنان دەرەك بەرەدى، سوندىقتان مونتيدىڭ مىندەتىنەن بوساۋى توسىن جاعداي ەمەس،-دەپ قارادى.

  اقپارات قۇرالدارىنىڭ حابارىنا قاراعاندا، قازىر ەركىن حالىق پارتياسىنىڭ ىشكى جاعىندا كۇشتى الاۋىزدىق تۋىلعان، وسىنىڭ الدىندا پارتيا ىشىندە الدىمەن زۇڭلي كانديداتىن تۇراقتاندىرۋ تالقىلانعانىمەن، ءبىراق مۇنان ەشقانداي ناتيجە بولماعان. 8-جەلتوقساندا يتاليانىڭ بۇرىنعى زۇڭليى بەرلۋسكوني قايتا شىعىپ، كەلەسى كەزەكتى پارلامەنت سايلاۋىنا قاتىناسۋ بەكىمىنە كەلگەن. سوڭعى بىرنەشە كۇننەن بەرى، بەرلۋسكوني تۇرلىشە ورىندا مونتي ۇكىمەتى بيلىك جۇرگىزگەن ءبىر جىلدان ارتىق ۋاقىتتا، ەكونوميكانىڭ بۇرىنعىدان دا ناشارلاعاندىعىن ايتىپ سىندادى. ارفانو پارلامەنتتەگى تالقىدا، مونتي ۇكىمەتى بيلىك جۇرگىزگەن ءبىر جىلدان ارتىق ۋاقىتتا، يتاليانىڭ الەۋمەتتىك قارىزىنىڭ، كاسىپسىزدىك مولشەرىنىڭ، باجى كىرىسىنىڭ تۇگەل بۇرىنعىدان جوعارلاعاندىعىن اتاپ كورسەتتى. ال مونتي ۇكىمەتىن قولدايتىن دەموكراتيالىق پارتيا مەن كاتوليك ءدىنى ورتالىعى بەرلۋسكونيدى نەگىز ەتكەن ەركىن حالىق پارتياسىنىڭ ارەكەتىن «جاۋاپكەرسىزدىك» دەپ جازعىردى.

  اقپارات قۇرالدارىنان الىنعان حابارعا قاراعاندا، كۇن تارتىپكە ساي، ۇكىمەتتىڭ قازىنانى ورنىقتىرۋ زاڭ جوباسى 18-جەلتوقساننان بۇرىن پارلامەنتتەگى تالقىدان ءوتۋى كەرەك ەكەن. ول ماقۇلدانعاننان كەيىن مونتي زۇڭلي زۇڭتۇڭعا رەسمي مىندەتىنەن بوساۋدى العا قويادى. زۇڭتۇڭ ۋاقىت بەلگىلەپ پارلامەنتتى تاراتىپ، زور سايلاۋ وتكىزەدى. يتاليانىڭ نەگىزگى زاڭىنا ساي، زور سايلاۋدىڭ ۋاقىتى پارلامەنت تاراعاننان كەيىنگى 70 كۇننىڭ ىشىندە بولادى، سوندىقتان كەلەسى كەزەكتى پارلامەنت سايلاۋى اقپاندا وتكىزىلۋى مۇمكىن.

  مونتي ۇكىمەتى بيلىك جۇرگىزگەن ءبىر جىلدان ارتىق ۋاقىتتان بەرى، يتالياداعى قارىز داعدارىسىن وڭاۋعا قاتىستى ءبىرسىپىرا قۇرىلىمدى رەتتەۋ شاراسىن شىعارىپ، حالىقارادا يتالياعا سەنىمدىلىك اپەردى. دەگەنىمەن يتاليا قارىز داعدارىسىنان شىنىمەن قۇتىلا الماعاندىقتان، ءارقايسى ءىرى باعالاۋ قۇرىلىمى دا يتاليانىڭ بولاشاعىنان زور ءۇمىت كۇتىپ كەتپەدى، باعالاۋ ناتيجەسىنىڭ ونان ارى تومەندەۋ مۇمكىندىگىن جوققا شىعارۋعا بولمايدى. سوندىقتان مونتيدان كەيىنگى داۋىردە، يتاليا قارىز داعدارىسى حالىقارالىق بازار نازار اۋدارعان تولعاقتى تۇيىنگە تاعى دا اينالۋى مۇمكىن.

  كەزەكتەگى جۇرت اۋانىن تەكسەرۋ قۇرىلىمىنىڭ ساندى مالىمەتىندە، قارىز داعدارىسىن وڭاۋ بارىسىندا قولدانىلعان قازىنانى قىسىپ ۇستاۋ ساياساتى ەكونوميكانى العا باستىرماي، حالىقتىڭ ناقتى تۇرمىس دەڭگەيىن تومەندەتكەندىكتەن، بۇقارانىڭ ساياسي سەنىمدىلىگىنىڭ دە تومەندەگەندىگى كورسەتىلدى. كەزەكتەگى ساندى مالىمەتتە: ەگەر قازىر داۋىس بەرۋ قيمىلى وتكىزىلسە، دەموكراتيالىق پارتيا %30.3 داۋىسپەن ءبىرىنشى ۇلكەن پارتياعا اينالادى، كۇلدىرگى ءارتيست گليلو توراپ ارقىلى ۇيىمداستىرىپ قۇرعان بەس جۇلدىز قوزعالىس ۇيىمى %19.2 داۋىسقا يە بولۋى، ال الدىڭعى كەزەكتى زور سايلاۋداعى ءبىرىنشى ۇلكەن پارتيا ــــ ەركىن حالىق پارتياسىنىڭ %14 داۋىسقا يە بولىپ، 3-بولۋى مۇمكىن،-دەلىندى.

  تالداۋ جاساۋشى قايراتكەرلەر: قازىر يتالياداعى ساياسي داعدارىس ءىس جۇزىندە باستالىپ كەتتى،-دەپ قارادى. «كەشكى پوچتا گازەتى» شولۋ جاريالاپ: وسى رەتكى زور سايلاۋ ـــ يتالياداعى دۇنيە جۇزىلىك 2-سوعىستان كەيىنگى قيان-كەسكى جانە اۋمالى-توكپەلى جاعدايداعى ءبىر رەتكى زور سايلاۋ بولادى،-دەپ ەسەپتەدى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.