- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ا ق ش پەن سيريا اراسىندا قارۋ-جاراق جونىندە داۋ تۋىلدى
2012.12.17 13:52 كەلۋ قاينارى : شينجياڭ حالىق راديو ستانسياسى تورابى
ا ق ش-تىڭ مەملەكەت ىستەر حاتشىسى حيللاري كلينتون 3-جەلتوقساندا «قاتاڭ ەسكەرتۋ بەرىپ»، ەگەر سيريا ۇكىمەتى قاقتىعىستا حالىق جۇرتشىلىعىنا حيميالىق قارۋ-جاراق قولداناتىن بولسا، ا ق ش-تىڭ «ارەكەت قولداناتىندىعىن» ايتتى.
باتىس اقپارات قۇرالدارىنىڭ سيريا حيميالىق قارۋ-جاراق پايدالانۋعا دايىندىق كورۋى مۇمكىن دەگەن حابارىنا قاراتا، سيريا ۇكىمەتىنىڭ ءمانساپتىسى، حالىق جۇرتشىلىعىنا ءار كەز حيميالىق قارۋ-جاراق قولدانبايتىندىعىن قايتالاي دارىپتەدى.
چەحتا ساپاردا جۇرگەن حيللاري كلينتون 3-جەلتوقساندا چەحتىڭ سىرتقى ىستەر مينيسترى كارەل شۆاتسەنبەرگپەن كەڭەس وتكىزگەننەن كەيىن سيريانىڭ جاعدايى جونىندە شولۋ جاريالاپ: سيريا ۇكىمەتى حيميالىق قارۋ-جاراق ىستەتسە ا ق ش-تىڭ «ەسكەرتۋ كولەمىنەن اسىپ كەتەدى»،-دەدى.
حيللاري كلينتون: حيميالىق قارۋ-جاراق ارقىلى سەس كورسەتۋ مەن ناعىز حيميالىق قارۋ-جاراق پايدالانۋ اراسىندا كورنەكتى پارىق جاتىر. «ءبىز اساد اكمياتىنا تاعى ءبىر رەت قاتاڭ ەسكەرتۋ بەرەمىز، ولاردىڭ ارەكەتىن قاتاڭ جازعىرامىز، ولاردىڭ ءوز حالقىنا قاراتقان ارەكەتى اۋىر تراگەديا»،-دەدى.
حيللاري: «مەن ناقتىلى مازمۇنىن ايتپايمىن، الايدا سەنىمدى فاكىتتەر اساد اكىمياتىنىڭ وسى ەلدىڭ حالىق جۇرتشىلىعىنا حيميالىق قارۋ-جاراق ىستەتكەنىن انىقتايتىن بولسا، ءبىز قايتۋىمىز كەرەك؟»، «الايدا، ءبىزدىڭ وسى مۇمكىندىك تۋىلعاننان كەيىن ارەكەتكە كەلەتىندىگىمىز ءشۇباسىز»،-دەدى.
ا ق ش اق سارايىنىڭ مالىمدەمەشىسى جەي كارنەي جەرگىلىكتى ۋاقىت بويىنشا 3-جەلتوقسان استانا ۆاشينگتوندا: ا ق ش سيريانىڭ «سيريا حالقىنا حيميالىق قارۋ-جاراق قولدانۋدى ويلاستىرۋ مۇمكىندىگىنەن» الاڭدايدى، سوندىقتان شۇعىل جاعدايعا توتەپ بەرۋ جوباسىن دايىنداپ بولدى،-دەدى.
ا ق ش-تىڭ زۇڭتۇڭى وبامانىڭ وسى اقپارات حاتشىسى شۇعىل جاعدايعا توتەپ بەرۋ جوباسىنىڭ مازمۇنىن جاريالامادى.
ا ق ش «نيۋيورك ۋاقىت گازەتى» 3-جەلتوقساندا ا ق ش-تىڭ ءبىر ءمانساپتىسىنىڭ سوزىنەن سيتات كەلتىرىپ، مالىمەت توپتاۋشى قىزمەتكەرلەر سوڭعى بىرنەشە كۇننەن بەرى سيريا ۇكىمەت ارمياسىنىڭ حيميالىق قارۋ-جاراق قويماسىندا كۇماندى وزگەرىستەردىڭ بولعانىن بايقاعاندىقتان، ا ق ش پەن ەۆروپا قۇرىلىعىنداعى ەلدەر «راقايلاستىرۋشىلار » ارقىلى سيريا ۇكىمەتىنە ەسكەرتۋ بەرگەن،-دەدى.
ا ق ش-تىڭ وسى ءمانساپتىسى، ا ق ش وسى بايقالعان وزگەرىستەن «حيميالىق قارۋ-جاراققا جاسىرىن ازىرلىك جاساپ جاتقانى» ايقىندالسا، ا ق ش جانە ونىڭ باسقا باتىستاعى وداقتاس ەلدەر اراسىنداعى تاياۋدا عانا ورىستەتكەن جەلىلەس شۇعىل بارىس-كەلىسىن ونان ارى كۇشەيتەتىن بولادى-دەدى.
اق سارايدىڭ تاعى ءبىر ءمانساپتىسى ا ق ش سىمدى تەلەۆيزياسى اقپارات تورابىنا: «وتكەن بىرنەشە كۇندە» سيريا جاقتىڭ قيمىلىنان «ادامدى الاڭداتاتىن بەينەلەردى» بايقادىق-دەدى.
وسى ءمانساپتى، «سيريا ۇكىمەتى حيميالىق قارۋ-جاراق ىستەتۋدى ويلاستىرۋ مۇمكىن دەگەن الاڭداۋلار بولىپ جاتقانىن»، ا ق ش ۇكىمەتىنىڭ سيريا ۇكىمەتىنىڭ ماقساتى جونىندە ەڭ سوڭعى تالداۋ جاساپ قورتىندى شىعارماعانىن باسا دارىپتەدى.
سىمدى تەلەۆيزيا ستانسياسى اقپارات تورابىنىڭ حابارىنا قاراعاندا، ا ق ش جانە ورتا شىعىس وڭىرىندەگى ەلدەردىڭ مالىمەت توپتاۋ ورگاندارى نەشە ايدان بەرى مەڭگەرۋسىز قالعان سيريا ۇكىمەت ارمياسىنىڭ حيميالىق قارۋ-جاراقتان پايدالانىپ ءوش الۋىنان الاڭداپ، سيريانىڭ حيميالىق قارۋ-جاراعىنىڭ ورنالاسۋى جونىندەگى ءارقانداي وزگەرستى قالىت جىبەرمەي باقىلاپ كەلگەن.
باتىس اقپارات قۇرالدارىنىڭ حابارى مەن ا ق ش-تىڭ ەسكەرتۋىنە قاراتا، سيريا ۇكىمەتى 3-جەلتوقسان جاۋاپ قايتارىپ، سيريا ۇكىمەت ارمياسى ءوز حالقىنا ءار كەز حيميالىق قارۋ-جاراق ىستەتپەيدى-دەگەن.
سيريا مەملەكەتتىك تەلەۆيزياسى سىرتقى ىستەر مينيسترلىگىندەگى ءبىر ءمانساپتىنىڭ سوزىنەن سيتات كەلتىرىپ، حيللاريدىڭ ەسكەرتۋىنە جاۋاپ رەتىندە، سيريا ۇكىمەتى، «ەگەر وسىنداي قارۋ-جاراق بار بولسا، قانداي كەزدە دە، سيريا ءوز ەلىنىڭ حالقىنا مۇنداي قارۋ-جاراقتى ىستەتپەيدى»-دەپ قايتالاي دارىپتەدى-دەدى. وسى ءمانساپتى، ا ق ش حالىقارادا مۇنداي وسەك-اياڭ تاراتىپ جەلىكتىرەتىن ارەكەتىن توقتاتۋى كەرەك-دەدى.
اتى-ءجونىن ايتقىسى كەلمەگەن وسى ءمانساپتى، سيريا ۇكىمەتى «ءال-حايدا» ۇيىمىمەن قاتىسى بار لاڭكەستەرمەن كۇرەسۋدە، ال ا ق ش پەن باسقا «جۇرتقا ايان ەلدەر» وسىنداي لاڭكەستىك قيمىلدى قولداۋدا-دەدى.
باتىس ەلدەرى بۇدان بۇرىن سيريادا حيميالىق قارۋ-جاراق بار دەپ الاڭدايتىندىعىن تالاي رەت بىلدىرگەن بولاتىن. سيريانىڭ سىرتقى ىستەر مينيسترى ۆاليت مۋاليم بيىل قازاندا ا ق ش-تى سيريانىڭ قارۋ-جاراعىن سىلتاۋراتىپ وسەك-اياڭ تاراتىپ، وسى ارقىلى حالىقارالىق قوعامىنىڭ قولداۋىنا يە بولىپ، سيريا ۇكىمەتىن اۋدارىپ تاستاماقشى بولدى-دەپ جازعىرعان.
سيريانىڭ سىرتقى ىستەر مينسيترلىگى بيىل شىلدەدە، قانداي احۋال تۋىلسادا، سيريا جاي حالىققا ءار كەز حيميالىق قارۋ-جاراق ىستەتپەيدى، تەك سىرتقى كۇشتەردىڭ سۇعاناقتىق جاساۋىنا ۇشىراعاندا عانا مۇنداي قارۋ-جاراقتى ىستەتۋدى ويلاستىرادى-دەگەن بولاتىن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
