بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

ا ق ش پەن رەسەيدىڭ تەڭىزدەگى ارەكەتى سيرياعا قارۋ جۇمساۋدان دەرەك بەرەمە؟

2012.12.17 13:56     كەلۋ قاينارى : شينجياڭ حالىق راديو ستانسياسى تورابى

  تاياۋدا سيريانىڭ ماڭىنداعى جاعداي شيەلەنىستى. ەڭ الدىمەن ا ق ش-تىڭ «ەزەنحوۋەر»اتتى اۆياماتكا سوعىس توبى سيريا تەڭىز ايدىنىنا باردى، سوڭىنان تۇركيا سيريا مەن شەكارالاساتىن جەرىنە «وتانشىل»اتتى باسقارىلمالى بومبى ورنالاستىردى، رەسەي قارۋلى كۇشىنىڭ باس سانمۋبۋى 7-جەلتوقسان كۇنى، رەسەيدىڭ قارا تەڭىز كەمە اترەتىنىڭ تارماق اترەتىن بازاعا قايتارۋدى ۋاقىتشا توقتاتىپ، سيريا تەڭىز ايدىنىنا بارۋ مۇمكىندىگىن تەرىسكە شىعارمايتىندىعىن جاريالادى. سونىمەن باتىس ەلدەرىنىڭ سيرياعا قارۋ جۇمساۋ جورامالى ءدۇمپۋ قوزعادى.

  جاعدايعا تالداۋ جاساۋشى قايراتكەرلەر: اۆياماتكا سوعىس توبىنىڭ جاقىنداۋى، «وتانشىل»اتتى باسقارىلمالى بومبىنىڭ بۇيرىق كۇتۋى جانە اۋىزشا ەسكەرتۋلەردىڭ ەل قۇلاعىنا جەتۋى سياقتىلاردىڭ بارلىعى ا ق ش ۇلگىسىندەگى سوعىستىڭ ولشەمدەندىرىلگەن ءتارتىبى، ول قازىر سيريانىڭ ماڭىندا ءدال وسى ءادىستى قولدانىپ وتىر،-دەپ قارادى. كوپتەگەن ادام وسى تۋرالى، ا ق ش سيرياعا سوعىس جاريالاۋدىڭ دايىندىعىن الدە قاشان جاساپ بولعان دەپ مەجەلەۋدە. وسىنداي مەجەگە قاراتا، تەڭىز ارمياسى ينفورماتسيالاندىرۋ ماماندار كوميتەتىنىڭ مەڭگەرۋشىسى، تەڭىز ارمياسىنىڭ شاۋجياڭى يىن جو مىرزا بىلاي دەپ قارادى: ا ق ش-تىڭ «ەزەنحوۋەر»اتتى اۆياماتكا اترەتىنىڭ كوزدەگەن ورىنعا جەتۋى، ا ق ش-تىڭ سيرياعا سوعىس دايىندىعىن الدەقاشان جاساپ بولعاندىعىنان دەرەك بەرمەيدى، مەنىڭشە بۇل ەكەۋىن ءبىر شىبىقپەن ايداۋعا بولمايدى. ا ق ش قازىر سيرياعا قاراتا الدىن الۋ سيپاتتى ورنالاستىرۋ جاساپ، سيريا جاعدايىندا شۇعىل وزگەرىس تۋىلۋدان ساقتانۋدا دەپ ايتۋعا بولادى. بۇدان تىس، ا ق ش اۆياماتكا سوعىس توبىنىڭ سوعىسۋ قۋاتىنا قارايتىن بولساق، ادەتتە سيريا سىندى رايون سيپاتتى اسكەري ىستەردەگى كۇشتى ەلگە شىنىمەن قارۋ جۇمسايتىن بولسا، وندا ەكى اۆياماتكا سوعىس قۇراماسى بارۋى كەرەك ەدى، ادەتتەگى جاعدايدا جالعىز اۆياماتكالى سوعىس قۇراماسىنىڭ بارۋى سەس كورسەتۋگە جاتادى. بۇدان تىس باستى شەشەتىن ماسەلە جانە دە قۇرىلىقتا شەشىلەدى، الايدا ءبىز قازىر تۇركيا نەمەسە اراب ەلدەرىنىڭ سيريا شەكاراسىنا كەڭ كولەمدى اسكەر توپتاپ، سيرياعا باسىپ كىرۋ مۇمكىندىگىن بايقاعامىز جوق، سونىمەن بىرگە ا ق ش-تىڭ اۋە ارمياسى دا بۇل جەرگە كەڭ كولەمدە جينالعان جوق، ەگەر ءبىر اۆياماتكالى سوعىس قۇراماسى، اۋە قۋاتى بۇكىلدەي بەلگىلى ابزالدىلىققا يە بولاتىن بولسا، وندا سيريانىڭ اۋە ارمياسى قازىرگە دەيىن نەگە ەشقانداي سوققىعا ۇشىرامايدى، مۇنداي جاعدايلاردى كەزدەستىرگەن جوقپىز. سوندىقتان ا ق ش-تى قازىرگە دەيىن ساقتانۋ سيپاتتى ورنالاستىرۋ جاساپ وتىر دەۋگە بولادى.

  ولاي بولسا، ا ق ش-تىڭ وسى سوعىستى قوزعاي الماۋىنىڭ تەتىگى ءسىرا نەدە ؟ بۇعان قاراتا، يىن جو مىرزا بىلاي دەدى: مۇنداعى نەگىزگى ءتۇيىن ـــ ا ق ش سيريانىڭ يزرايلعا قاراتا حيميالىق قارۋ-جاراق قولداناتىن-قولدانبايتىندىعىنا، يزرايلعا شابۋىل جاساۋ نيەتىنىڭ بار-جوقتىعىنا قاراپ وتىر، ۇيتكەنى، سيريا مەن يزرايل شەكارالاسادى. ا ق ش-تىڭ ورتا شىعىس ساياساتىنىڭ وزەكتى ماقساتى ەكەۋ، مۇنىڭ ءبىرى، ەنەرگيانى مەڭگەرۋ، ەندى ءبىرى، يزرايلدىڭ حاۋىپسىزدىگىن قامتاماسىزداندىرۋ. سوندىقتان، ءارقانداي زۇڭتۇڭ دا مۇنداي تاۋەكەلگە باسپايدى. ا ق ش يزرايلدىڭ حاۋىپسىزدىگىن قورعاۋدى ەڭ الدىمەن ويلاسادى. قازىر ا ق ش-تىڭ سوعىس قوزعاۋىنا كەدەرگى بولىپ وتىرعان ماسەلەنىڭ ءبىرى قارجى كەمشىلدىگى، ويتكەنى ولاردىڭ اسكەري ىستەر مەجە ەسەبىندە ءىشىنارا سوعىس جۇرگىزۋ قاراجاتى جوق. بۇدان دا ماڭىزدىسى، سيريادا قازىرگە دەيىن ولاردىڭ ەرەكشە اسكەرىن شەكتەۋ رايونىندا نەگىزىنەن ساياسي سارالاۋ جۇرگىزەدى، قارسى توپتىڭ قارۋلى كۇشىن تەكسەرەدى، بۇدان كەيىن قانداي ادامدى سۇيەمەلدەپ بيلىك باسىنا شىعارۋى انىق بولماي وتىر، بۇل جونىندە ولاردا ءالى ىشكى ەسەپ جوق. بۇل ا ق ش-تىڭ باشاردى تاقتان قۇلاتۋعا اسىقپاۋىنداعى ەڭ ماڭىزدى تەجەۋشى فاكتور سانالادى.

  سونىمەن بىرگە، رەسەي قارا تەڭىز كەمە اترەتىن ارەكەتكە كەلتىرە باستادى، رەسەيدىڭ بۇل ارەكەتى نەدەن دەرەك بەرەدى ؟ رەسەي مەن ا ق ش سىندى ەكى مىقتى ەلدىڭ تەڭىز ارمياسى وسى رايوندا تىرەسەمە جوق پا ؟ وسى ماسەلەگە قاراتا، يىن جو مىرزار بىلاي دەدى: رەسەيدىڭ تەڭىز ارمياسى سيريانىڭ ىشكى سوعىسىنا استە ارالاسپايدى، كوپشىلىكتىڭ دۇنيە جۇزىلىك 2-سوعىس اياقتاعاننان بۇگىنگە دەيىنگى رەسەي تەڭىز ارمياسىنىڭ ءبىر رەت تە ناقتىلى سوعىس جۇرگىزىپ كورمەگەندىگىن ۇمىتپاعانى ءجون، وسى رەت رەسەيلىكتەر بۇرىنعىداي سوعىسقا قاتىناسپايدى، ولار قايدا بارىپ نە ىستەسەدە، بارلىعى ءوز مۇددەسىن قورعاۋ ءۇشىن عانا. وسى سوعىس كەمەلەرى ىشكى سوعىس تۋىلىپ ەڭ سوڭعى شەشۋشى كەزەڭگە وتكەندە عانا سول جەرگە بارىپ ادام كۇشى، قازىنا، زاتتارىن تۇگەلدەي شەگىندىرىپ اكەتىپ ءوز مۇددەسىن قورعايدى. ارينە، ولاردا ناقتىلى قۋاتىن ايگىلەۋگە كۇش سالىپ، رەسەيدىڭ سيرياداعى مۇددەسىن ويلاسادى،رەسەي باسشىلارىنىڭ: «رەسەيلىكتەر باشار اكىمياتىن قولداپ وتىرعان جوق،تەك اكىمياتتى اۋدارۋ زاڭعا ۇيلەسسە بولعانى، رەسەي باشاردى تاقتان تۇسىرۋگە قارسى تۇرمايدى، رەسەي باشار ءۇشىن سوعىسپايدى دەگەن پوزيتسياسىن ەستەن شىعارماۋىمىز كەرەك، الايدا ولار قايدا بارسا دا رەسەيدىڭ مۇددەسىن قورعايدى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.