- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
دۇنيە ءجۇزى نەلىكتەن جۇڭگونىڭ شىرىكتەسۋگە قارسى تۇرۋىنا نازار اۋدارۋدا
2013.02.04 14:14 كەلۋ قاينارى : شينجياڭ حالىق راديو ستانسياسى تورابى
جۋىردا، باس شۋجي شي جينپيڭنىڭ شىرىكتەسۋگە قارسى تۇرۋ جونىندەگى ءسوزى بۇكىل دۇنيە ءجۇزىنىڭ نازارىن اۋداردى. 22-قاڭتاردا ۇلى بريتانيا راديو سەرىكتەستىگى، ۇلى بريتانيا «گۋارديان گازەتىنىڭ» توراپ بەكەتى: شي جينپيڭ شىرىكتەسۋگە قارسى تۇرۋ قوزعالىسىندا «مىقتىلارىنا دا، ادەتتەگىلەرىنە دە» سوققى بەرەتىندىگىن ءبىلدىرىپ سەرت بەردى،-دەدى. 23-قاڭتاردا سينگاپوردىڭ «بىرلەسكەن تاڭ گازەتى»: « شي جينپيڭ شىرىكتەسۋگە قارسى تۇرۋ بەكىمىن تاعى دا ءبىلدىردى» دەپ حابارلادى، ءارى تالداۋ جاساۋشى قايراتكەرلەردىڭ سوزىنەن سيتات كەلتىرىپ: اسىرەسە «ۇقىقتى ءتۇزىمنىڭ قورشاۋىنا كىرگىزۋ» دەگەندى ورتاعا قويۋى شىرىكتەسۋدىڭ ۇرىمتال جەرىنە ءتيدى،-دەدى.
بۇكىل دۇنيە ءجۇزى جۇڭگونىڭ شىرىكتەسۋگە قارسى تۇرۋىنا نەلىكتەن نازار اۋدارۋدا؟
مۇندا بىرىنشىدەن، ءار قايسى ەلدەر، وتە-موتە ءىرى ەلدەردىڭ شىرىكتەسۋگە قارسى تۇرۋ تاقىرىبىنا بۇكىل دۇنيە ءجۇزى باستان-اياق نازار اۋدارىپ كەلەدى. دۇنيە جۇزىندە شىرىكتەسۋدى تۇبىرىنەن جويا الاتىن بىردە-ءبىر ەل جوق دەۋگە بولادى، شىرىكتەسۋدىڭ الدىن تولىق الۋعا كەپىلدىك ەتەتىن ەشقانداي ءتۇزىم دە بولمايدى. جۇڭگو قازىر جۇڭگوشا سوتسياليزم جولىن اشىپ، جۇڭگوشا سوتسياليزم نازاريالىق جۇيەسىن قالىپتاستىرىپ، جۇڭگوشا سوتسياليستىك ءتۇزىمدى بەكىتتى، وسى جول، وسى نازاريا، وسى تۇزىمدەر شىرىكتەسۋدىڭ الدىن ءونىمدى الىپ، جازالاي الارما؟ كاپيتاليستىك ەلدەردىڭ ءوزى شاۋجايلاي الماعان شىرىكتەسۋ سىندى قوعامدىق الاپاتقا جۇڭگو توتەپ بەرەتىن اناعۇرلىم كەرەمەت شارا تابا الارما؟ بۇل جونىندە كەي ادامدار تەرىس كورسە، كەي ادامدار سەنىم ارتپادى، ال كەيبىرەۋلەر قول قۋسىرىپ قاراپ تۇردى، اۋەلى كوپ ساندى ادام تاعاتسىزدانا كۇتتى.
ەكىنشىدەن، دۇنيە ءجۇزى 18-قۇرىلتايدان كەيىنگى «جۇڭگونىڭ جاڭا ۇكىمەتىنە» زور ءۇمىت ارتۋدا. 18-قۇرىلتايدان كەيىن جۇڭگونىڭ « بەتالىسى كورنەكتى وزگەردى»، ءار قايسى ەلدەر جۇڭگونىڭ جاڭا بەتالىسىنا مۇقيات نازار اۋدارۋدا، ال «شىرىكتەسۋگە باتىل قارسى تۇرۋ» ـــ جاڭا بەتالىستاعى ءبىر مازمۇن بولماق. كەيبىر جالپىلىق تۇراقتاندىرۋعا يە بولا قويمايتىن ۇكىمەتتىڭ پاكتىگى قاتارىندا، جۇڭگونىڭ قاتارداعى ورنى تىم الدا ەمەس. جۇڭگونىڭ وسى رەت شىرىكتەسۋگە قارسى تۇرۋى وسىنداي جاعدايدى وزگەرتە الاما؟ «جۇرگەن جولىنا سەنۋ»، «نازارياسىنا سەنۋ»، «تۇزىمىنە سەنۋدەن» كەيىن، جۇڭگو جاڭا «شىرىكتەسۋگە قارسى تۇرۋ سەنىمىن» تۇراقتاندىرا الاما؟ مۇنىڭ جاۋابىنا جۇڭگو ءمان بەرەدى، دۇنيە ءجۇزى اسىعا كۇتەدى.
ۇشىنشىدەن، دۇنيە ءجۇزى جۇڭگونىڭ تەگەۋرىندى بەكىمىن كوردى، جۇڭگونىڭ تەگەۋرىندى ارەكەتىن ءتىپتى كۇتەدى. جۇڭگو ۋادەدەن تايماۋ قاجەت. شەتەلدەگى اقپارات قۇرالدارى باس شۋجي شي جينپيڭنىڭ ءسوزى جونىندە قىزۋ تالقى ورىستەتىپ جاتقاندا، «شىنداپ كىرىسۋ»، «ناقتى شارا قولدانۋ»، «مىقتىلارىن ۇستاۋ» سياقتى كۇشتى بەلگىلەردى قايتا-قايتا باسا دارىپتەدى.
دۇنيە ءجۇزى جۇڭگونىڭ قالاي شىنداپ كىرىسەتىنىنە نازار اۋدارۋدا. «كۇشتى تەبىنمەن مىقتى يگەرىپ، ءساتتى باستاپ، تابىستى تامامداۋ، جۇمىستى كوڭىل بولە تىڭعىلىقتى ىستەۋ، سيىر قۇيمىشاقتاپ كەتۋدىڭ الدىن الۋ، بۇكىل پارتيا تۇتاس حالىقتىڭ باقىلاۋىن قابىلداپ، حالىق بۇقاراسىنا ناقتىلى ونىمدىلىك پەن وزگەرىستى ۇزدىكسىز جەتكىزۋ قاجەت. تەك شىنداپ كىرىسكەندە عانا حالىق جۇرەگىنەن ورىن الىپ، جۇرتتىڭ نارازىلىعىن باسا الادى. جۋىقتا بۇقارا اڭىس ەتكەن شىرىكتەسۋ ماسەلەلەرىنە ونداعان ساعاتتا جەدەل اڭىس قايتارعان شارا قولدانعاندارى دا، ايلاپ كەشىكتىرىپ تەكسەرۋ ناتيجەسى جاريالانباعان اياقسىز جۇمىستار دا بار. شىنداپ كىرىسۋدە اياقسىز جۇمىستاردى سوزاقتاتپاۋ، قايتا ءسوزجوق تۇبىرىنەن وڭاعان ءجون. بۇعان جەر-جەر، تاراۋلار ءسوزسىز ىشتەي دايىندالۋى كەرەك.
دۇنيە ءجۇزى جۇڭگونىڭ قانداي ناقتى شارا قولداناتىنىنا نازار اۋدارۋدا. « ۇقىق اينالىمىن تەجەۋ مەن باقىلاۋدى كۇشەيتىپ، ۇقىقتى ءتۇزىمنىڭ تورىنان شىعارماي، شىرىكتەسۋگە باتىلى بارمايتىن جازالاۋ-ساقتاندىرۋ مەحانيزمىن، شىرىكتەسۋگە بولمايتىن ساقتىق مەحانيزمىن، وڭاي شىرىكتەسپەيتىن قامتاماسىزداندىرۋ مەحانيزمىن قالىپتاستىرۋ كەرەك. تەمىر سوعۋعا قايرات، مىقتىلاردى ۇستاۋعا تەمىر قاپاس كەرەك، بۇل قاپاس ـــ ءتۇزىم، ناقتى شارا. تەك ناقتى شارا قولدانعاندا عانا ءار دارەجەلى باسشى كادرلار مۇنى ەستە بەرىك ساقتاي الادى، ەشقانداي ادامدا زاڭنان وزگە بۇلجىماس ۇقىق جوق. بۇل ناقتى شارانى اتقارۋدا وتە-موتە ءبىرىنشى باسشىنى باقىلاۋدى كۇشەيتىپ، باسشى كادىرلاردىڭ ءوزى عانا جالعىز بيلەپ-توستەمەۋىنە، شەنىنەن پايدالانىپ باس پايداعا سالىنباۋىنا كەپىلدىك ەتۋ قاجەت.
دۇنيە جۇزى جۇڭگونىڭ «مىقتىلاردى» قالاي ۇستايتىندىعىنا نازار اۋدارۋدا. پارتيانى قاتاڭ باسقارۋ، جازالاۋ-باسقارۋ سىندى وسى شارانى بوساڭسىتپاۋ قاجەت. «مىقتىلارى» مەن «ادەتتەگىلەرىنە» بىردەي سوققى بەرۋگە تاباندى بولۋ، پارتيا ءتارتىبى، مەملەكەت زاڭى الدىندا وقشاۋ قالاتىن ادام بولماۋعا بەرىك تۇرىپ، بايلانىستى ادامدار تۇگەلدەي تۇبەگەيلى تەكسەرىلۋى، كەڭشىلىك ەتىلمەۋى كەرەك. جۋىردا ج ك پ ورتالىق كوميتەتىنىڭ لي چۇنچىڭ سياقتى ولكە-مينيستر دارەجەلى ءمانساپتىلاردى تەكسەرىپ ءبىر جايلى ەتۋى دۇنيە جۇزىنە كىم بولسىن، ءمانسابى قانشا جوعارى بولسىن، پارتيا ءتارتىبى، مەملەكەت زاڭىنا قايشىلىق جاساعان ادامدار قاتاڭ قۋزادى جانە جازالانادى، بۇل استە بوس ءسوز ەمەس دەگەندى ايگىلەدى.
ج ك پ 18-قۇرىلتايىنان كەيىن، ولكە-مينيستر دارەجەلى ءمانساپتىلاردىڭ وماقاسۋىنان تارتىپ توراپتا ىركەس-تىركەس شىرىكتەسۋگە قارسى تۇرۋ ارەكەتتەرىنىڭ ورىستەتىلۋىنە دەيىن شىرىكتەسۋگە قارسى تۇرۋدا تىڭ ارەكەتتەردەن تىس، ونىمدىلىك تە كورىندى. بۇل جۇرتقا تىڭ ءۇمىت ۇشقىنىن بايقاتتى، مۇندا ارينە شەتەلدەگى جاماعات پىكىرى دە بار، مۇندا: جۇڭگو كوممۋنيستىك پارتياسى جۇرت ۇمىتىنەن شىعاتىنداي بەكىم مەن قۋاتقا يە.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
