- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ماليداعى سوعىس ليۆياعا شوقپار بولىپ ءتيۋى مۇمكىن
2013.02.05 16:33 كەلۋ قاينارى : شينجياڭ حالىق راديو ستانسياسى تورابى
بىرلەسكەن مەملەكەتتەر ۇيىمىنىڭ ليۆيا ماسەلەسى جونىندەگى ەرەكشە ەلشىسى تاريك مايتري 29-قاڭتاردا: فرانسيانىڭ ماليدىڭ اۋمالى-توكپەلى جاعدايىنا اسكەري جاقتان كيلىگىپ، ءدىني ۇشقارى ۇيىمدارعا سوققى بەرۋى ليۆيانىڭ حاۋىپسىزدىك جاعدايىن شيەلەنىستىرۋى مۇمكىن،-دەدى.
ءىشىنارا ماماندار: ماليداعى ءدىني ۇشقارى قارۋلىلار ماڭىنداعى ەلدەرگە بىتىراۋدا، ولار قالىپسىز سوعىس قوزعاماقشى،-دەدى.
مايتري بىرلەسكەن مەملەكەتتەر ۇيىمى حاۋىپسىزدىك القالار كەڭەسىنە: ليۆيانىڭ حاۋىپسىزدىك جاعدايى زور سىنعا ءدوپ كەلدى، «ۇشقارى ۇيىمداردىڭ يدەولوگياسى، تايپالاردىڭ قاتىناسى جانە ليۆانىڭ بوساڭسىعان شەكاراسىن ويلاسۋ كەرەك، جاعداي شيلەنىسۋى مۇمكىن»،-دەدى.
مايتري: ليۆيا ۇكىمەتى شەكارا حاۋىپسىزدىگىنە نازار اۋدارادى، الايدا «كۇشى شەكتى»، ونىڭ حاۋىپسىزدىك جاعدايى ماليداعى جاعدايدىڭ ىقپالىنا ۇشىراۋى مۇمكىن، «ۇكىمەتتىڭ ورنىقتىلىقتى قامتاماسىزداندىرۋ قۇلشىنستارىنا حاۋىپ ءتوندى»،-دەدى.
ءىشىنارا وڭىرلەردىڭ حاۋىپسىزدىككە جاۋاپتى ماماندارى رەيتر اگەنتتىگىنىڭ تىلشىسىنە: ماليدىڭ سولتۇستىك بولەگىندەگى ۇشقارى ۇيىمداردىڭ كوپتەگەن مۇشەسى كەزىندە ليۆيانىڭ بۇرىنعى باسشىسى مۋامەر كاددافيدىڭ مايلاپ ىستەتكەن ارمياسى بولاتىن. كاددافي اكمياتى اۋدارىلعاننان كەيىن، كوپتەگەن قارۋلى قارۋىن الىپ ماليعا قايتىپ، سولتۇستىك بولەكتەگى بولشەكتەۋشىلەر مەن ۇشقارى ۇيىمدارعا كىرىپ، ماليداعى داعدارىستى تۋدىردى،-دەدى.
ليۆيا ۇكىمەتى، فرانسيا ارمياسى مەن مالي ۇكىمەت ارمياسىنىڭ سولتۇستىككە قاراي شەرۋ تارتۋىنا بايلانىستى، ءىشىنارا قارۋ-جاراق جانە قارۋلىلاردىڭ الجيريا ارقىلى ليۆياعا قايتۋىنان الاڭدادى.
ليۆيانىڭ كوپتەگەن ءمانساپتىلارى جۋىقتا بىرلەسكەن مەملەكەتتەر ۇيىمىنىڭ بەيبىتىشىلىكتى قورعاۋ اسكەري بولىمىنە ماليعا كىرىپ، بىتىراعان قارۋلىلاردىڭ كورشى ەلدەردىڭ تىنىشتىعىن بۇزۋىنىڭ الدىن الۋعا ۇندەدى.
مايتري فرانسيا اقپارات اگەنتتىگىنىڭ تىلشىسىنە، ليۆيانىڭ ءىشىنارا جوعارى دارەجەلى ءمانساپتىلارى وزىمەن كەزدەسكەندە، شىعىس بولەكتەگى قالا بەنگازيدىڭ حاۋىپسىزدىك جاعدايىنان الاڭدايتىندىقتارىن بىلدىرگەندىگىن ايتتى.
وتكەن جىلى 11-قىركۇيەكتە، ا ق ش-تىڭ بەنگازيدەگى كونسۋلحاناسى شابۋىلعا ۇشىراپ، ا ق ش-تىڭ ليۆياداعى باس ەلشىسى كريستوۆ ستەۆان سياقتى 4 ا ق ش-تىق ءولدى، بيىل قاڭتاردا، يتاليانىڭ بەنگازيدەگى كونسۋلى گۆيدودە-سەن كديسون تۇتقيىل شابۋىلعا ۇشىرادى، الايدا جارالانبادى.
مايتري: كاددافي اكمياتى اۋدارىلعاننان كەيىن، ۇكىمەت حالىق جاساقتارى ۇيىمىن قايتادان تولىق جيناپ الا الماي، شامامەن 200 مىڭ قارۋلىنى مەڭگەرۋگە امالسىز قالدى. وسى حالىق جاساقتارى كوپتەگەن تۇرمەلەردى مەڭگەرىپ وتىر، ول تۇرمەلەردە كاددافي ۇكىمەت ارمياسىنىڭ شامامەن 7 مىڭ مۇشەسى بار،-دەدى.
مايتري: ليۆيا ۇكىمەتى 20 مىڭنان استام حالىق جاساعىن ساقشى مىندەتىن اتقارۋعا جاتتىقتىردى، ۇكىمەتتىڭ مەڭگەرۋ قۋاتى بىرتىندەپ وڭالۋدا. «ولار بۇكىل ەلدى مەڭگەرۋگە امالسىز ەكەندىگىن، بارلىق قارۋلى كۇشتەردى مەڭگەرە المايتىندىعىن بىلەدى»،-دەدى.
فرانسيا ارمياسى قارۋلىلار باسىپ العان سولتۇستىك بولەكتەگى ەڭ سوڭعى قالا كيدالدى باسىپ الۋعا قارمانۋدا. كوپتەگەن اقپارات قۇرالدارى: ۇشقارى ۇيىمداردىڭ قارۋلىلارى كيدال تاۋلى رايونىنا جاسىرىندى،-دەدى.
لاڭكەستىككە قارسى اقىلشى جان چارلز بريسار: «ولار سولتۇستىككە قاراي بىتىراۋدا، مالي جانە باسقادا ەلدەر سوعىستىڭ جاڭا كەزەڭىنە ءوتتى، ياعني قالىپسىز سوعىس باستالدى»،-دەدى.
ءىشىنارا ماماندار: مالي ۇكىمەتى بارلىق ايىرىلعان جەرلەرىن قايتارىپ السا « مىندەتتىڭ تەك تەڭ جارىمىن عانا ورىنداعان بولادى»،-دەدى.
ءدىني مامان دومينيك توماس: «باسىپ الۋ وڭاي، قورعاۋ قيىن» دەگەن ءسوز بار، مالي «تەكسەرۋ پۋنكتىن قۇرۋ، ولشەمدى باسقارۋ كەرەك، مۇندا جانكەشپەلى قوپارىلىس ۋاقيعاسىنىڭ حاۋىپىنە ۇشىراۋ مۇمكىنشىلىگى تاعى بار»-دەدى.
فرانسيا حالىقارالىق قاتىناس جانە ستراتەگيالىق زەرتتەۋ ورنىنىڭ زەرتتەۋشىسى كادر ابدوللا راحيم: «ءار قانداي ادام حاۋىپسىزدىكتەن ءسوز اشا المايدى، جاسىرىناتىن جەر جوق» دەي كەلىپ: «ايتالىق الجيرياداعى بارىمتا داعدارىسىنداعى قارۋلىلار ۇقساماعان ەلدىڭ ادامدارىنان ۇيىمداسقان»،-دەدى.
ماليدەگى ءدىني قيمىلدى زەرتتەۋشى سۇلەيمەن مانگانا: «قارۋلىلار ليۆيا، الجيريا نەمەسە تۋنيسقا قايتادان جينالادى، سەبەبى ولار حالىقارالىق توراپ»،-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
