بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

يراننىڭ يادرو كەلىسسوزىنە قاتىستى التى ەل جاڭا كەزەكتى كەلىسسوز وتكىزۋدى ۇسىنىس ەتتى، ماماندار ناقتىلى ىلگەرىلەۋشىلىك بولۋى مۇمكىن دەپ تالداۋ جاسادى

2013.02.06 15:11     كەلۋ قاينارى : شينجياڭ حالىق راديو ستانسياسى تورابى

  ءبىر جىلدا ءبىر رەت اشىلاتىن ميۋنحەن حاۋىپسىزدىك ءماجىلىسى جەرگىلىكتى ۋاقىت بويىنشا 3-اقپاندا جابىلدى. يراننىڭ يادرو ماسەلەسى وسى رەتكى ءماجىلىستىڭ ماڭىزدى تاقىرىبى بولدى. يراننىڭ يادرو ماسەلەسىندەگى التى ەل، ياعني بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى ا ق ش، ۇلى بريتانيا، فرانسيا، رەسەي جانە جۇڭگو، گەرمانيا يرانعا جاڭا كەزەكتى كەلىسسوز وتكىزۋ ۇسىنىسن ورتاعا قويدى؛ ا ق ش-تىڭ ورىنباسار زۇڭتۇڭى بايدەن دە ا ق ش پەن يراننىڭ تىكەلەي تىلدەسۋىن ورتاعا قويدى.

  ميۋنحەن حاۋىپسىزدىك ماجىلىسىنە قاتىناسقان گەرمانيانىڭ سىرتقى ىستەر مينيسترى ۆەستۆەلەر 2-اقپاندا، يراننىڭ يادرو ماسەلەسىن ساياسي جولمەن شەشۋ مۇمكىندىگىنە قاراتا، 2013-جىل شەشۋشى جىل سانالادى دەگەن بولاتىن. وندا يراننىڭ يادرو ماسەلەسى جونىندەگى كەلىسسوزىندە جاڭا جىلدا جاڭا ىلگەرىلەۋشىلىك بولاما؟ جۇڭگو حالىقارالىق ماسەلەنى زەرتتەۋ ورنىنىڭ وڭتۇستىك ازيا، ورتا شىعىس جانە افريكا قۇرىلىعىن زەرتتەۋ كەڭسەسىنىڭ مەڭگەرۋشىسى لي گوفۋ مىرزا بىلاي دەپ قارادى: يراننىڭ يادرو ماسەلەسىندەگى نەگىزگى ەكى جاق ا ق ش پەن يراندا راقايلاسۋ تىلەگى جانە قاجەتى بولعاندىقتان، يراننىڭ يادرو ماسەلەسىنىڭ ىلگەرىلەۋشىلىككە يە بولۋ مۇمكىندىگى زور. ول: «كوپشلىك جاڭا كەزەكتى كەلىسسوزدىڭ ناقتىلى ىلگەرىلەۋشىلىككە يە بولۋ مۇمكىندىگى كۇشتى دەپ قارايدى، مۇنداعى ەڭ نەگىزگى سەبەپ، قازىر ا ق ش نەمەسە يران بولسىن، ءبارىنىڭ دە راقايلاسۋ تىلەگى جانە قاجەتى بار، ەكى جاق يراننىڭ يادرو ماسەلەسىن دەرەۋ شەشۋ مۇمكىندىگىنىڭ كۇشتى ەمەس ەكەنىن بىلدىرگەنىمەن، الايدا يراننىڭ يادرو ماسەلەسىنىڭ ءمالىم ءبىر سالاسى جونىندە بەلگىلى راقايلاسۋ سيپاتتى كەلىسىمگە كەلۋ مۇمكىندىگى دە جوق ەمەس »-دەدى.

  ا ق ش-تىڭ ورىنباسار زۇڭتۇڭى بايدەننىڭ ا ق ش پەن يراننىڭ تىكەلەي تىلدەسۋىنە بولادى دەگەن پوزيتسياسىنا قاراتا، يراننىڭ سىرتقى ىستەر مينيسترى ساليح كەڭ پەيىل پوزيتسيا ۇستاۋدان تىس، ا ق ش-تىڭ ماقساتىنا كۇمانمەن قارايتىندىعىن ءبىلدىردى. بۇعان قاراتا، لي گوفۋ مىرزا بىلاي دەپ قارادى: ا ق ش-تىڭ ەڭ جوعارى دارەجەلى ءمانساپتىسى يرانمەن تىكەلەي تىلدەسۋدى قالايتىندىعىن كوپ رەت بىلدىرگەن ەدى، الايدا قازىر يران بۇعان كۇمانمەن قاراپ وتىر، ولار: «وباما زۇڭتۇڭ بولىپ سايلانعاننان كەيىن، يرانمەن يادرو ماسەلەسى جونىندە ناقتىلى تىلدەسۋدى قالايتىندىعىن ءبىلدىردى. يران ا ق ش-تىڭ ۇندەۋىنە كەزەكتە جارتىلاي سەنۋ، جارتىلاي كۇماندانۋ پوزيتسياسىن ۇستاپ وتىر. وباما تاققا شىققاننان كەيىن اسىرەسە جىل باسىندا، يرانعا قاتاڭ جازالاۋ شاراسىن ارت-ارتىنان قولداندى، سونىمەن بىرگە تاعى يرانمەن تىلدەسەتىندىگىن ءبىلدىردى. سوندىقتان يران ەڭ الدىمەن ا ق ش-تىڭ يرانمەن تىلدەسۋ ويىن ءبىلدىرۋىنىڭ شىن-جالعانىن انىقتاپ، ونىڭ ءبىر ءتۇرلى ستراتەگيا ما جوق الدە شىن نيەتىمە ەكەنىن باقىلاماقشى. ارينە، يران جالپى العاندا ا ق ش-تىڭ بەيبىتشىلىك پوزيتسياسىن قارسى الادى»-دەدى.
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.