- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ا ق ش - يراق سوعىسىنىڭ 10 جىلدىعىنا كوز جىبەرگەندە
2013.03.28 10:39 كەلۋ قاينارى : ءتاڭىرتاۋ تورابى
19 - ناۋرىز تۇستە ا ق ش - تىڭ اق سارايىنىڭ الدىندا ءبىر توپ قارسىلىق كورسەتۋشىلەر جينالدى، ۆاشينگتوندا كوپ تۋىلىپ تۇراتىن قىر كورسەتۋ ارەكەتىنە ۇقسامايتىنى ولار ۇران سالىپ، كەرمە تۋ كوتەرمەگەن، قايتا جينالعان توپتىڭ الدىنا كەزەگىمەن شىعىپ، مۇنداعىلارعا وتكەن 10 جىلداعى ءوز كەشىرمەلەرىن بايانداپ، 2003 - جىلى 20 - ناۋرىزدا باستالعان يراق سوعىسى جونىندە قايتا تولعاندى.
قىر كورسەتۋشىلەردىڭ سابىرلىعى ا ق ش - تىڭ يراق سوعىسىنا قاراتقان كوڭىل كۇيىن بەينەلەدى: سوعىس جونىندەگى كەك وتىنىڭ ورنىن وكىنىش باستى، سوعىس سالعان جان جاراسى ءبىزدى قايتا تولعاندىردى. ا ق ش ارمياسى الدە قاشان يراقتان شەگىنگەن بولسادا، جالعان سەبەپپەن قوزعالعان سوعىس قايتا قولعا الار ءىسى كوپ يراقتىقتار مەن جان اشىر جاقىنىننان ايرىلعان ا ق ش ارمياسىنىڭ وتباسىن قامتىعان ەكى ەل حالقىنا اسا اۋىر اپات اكەلدى.
سوعىستىڭ زاردابىنان قان توگىلدى. 10 جىلدىڭ الدىندا ا ق ش - تىڭ سول كەزدەگى زۇڭتۇڭى جورج بۋشتىڭ ءبىر اۋىز بۇيرىعىمەن باستالىپ، 2011 - جىلى 15 - جەلتوقساندا ەڭ سوڭعى ءبىر توپتاعى ا ق ش ارمياسى شەگىنگەنگە دەيىن، يراق سوعىسى 4475 ا ق ش اسكەرىنىڭ جانىن جالمادى، جارالانعانداردىڭ سانى 32 مىڭنان استى. دەگەنمەن بۇل سان سوعىستا قازا بولعان يراقتىقتارمەن سالىستىرعاندا تۇككە تۇرعىسىز. قاتىستى ساناقتاردىڭ كوبى وسى سوعىس سەبەبىنەن قازا بولعان يراقتىقتاردىڭ سانى 100 مىڭنان استى دەسەدى، ەندى ءبىر ساناقتاردا «ميلليونعا جەتتى» دەپ قارالدى.
سوعىسى جاندى تۇرشىكتىرەتىن قان توگىستەن سىرت، قيساپسىز ەكونوميكالىق زيان سالدى. اش ىشەكشە سوزىلعان سوعىس بىلىقپالىعى مەن جازالاۋ شيكى مۇناي قورى دۇنيە ءجۇزى بويىنشا الدىڭعى ورىندا تۇراتىن يراقتى ابدەن تۇرالاتتى. يراقتىڭ سوعىستا قانشالىق ەكونوميكالىق زيان تارتقانىن ەشكىمنىڭ دە بىلمەيتىنى كىسىنى ويلاندىرىپ، قاسىرەتكە سالادى. 55 ميلليارد دوللار سوعىس شىعىنى كەتەر دەپ مولشەرلەپ، سوعىس اشىپ وتىرعان ا ق ش - تىڭ جۇمساعان قاراجاتى 80 ميلليارد دوللاردان اسىپ كەتكەن. بروۆن ۋنيۆەرسيتەتىنىڭ «سوعىس شىعىنى» اتتى نىساننىڭ ەسەبىنە قاراعاندا، وسى سان - سيفرعا مەملەكەت قورعانىس شىعىنى، ەمدەلۋ قامقورلىق قاراجاتى جانە قاتىستى مەملەكەت قارىز ءوسىمىن قوسقاندا، يراق سوعىسىنىڭ جالپى شىعىمى 6 تريلليون دوللارعا جەتۋى مۇمكىن، ايتسەدە بۇعان سوعىس كەزىندەگى مۇناي باعاسىنىڭ جوعارىلاۋى مەن فينانس داعدارىسىنىڭ ەسەبى قوسىلماعان.
ەگەردە وسىنداي ناقتى قارىز كۇندەردىڭ بىرىندە قايتارىلسا دا، سوعىستىڭ ەكى ەلگە سالعان زيانىنىڭ ورنىن تولتىرۋ اسا قيىن. ا ق ش - تىڭ يراق، اۋعانستان سوعىسىنا قاتىناسقان 745 مىڭ ساقا اسكەرى زاعيپتىق قوسىمشا قاراجاتىن ءوتىنىش ەتكەن، بۇل سوعىستاعى ناقتى جارالانعاندار سانىنان الدە قايدا اسىپ كەتكەن، بۇل باسىم كوپ سانداعى زاعيپتىق قوسىمشا قاراجاتىن ءوتىنىش ەتكەندەردىڭ كەيىن قوسانجارلامالى دەرتكە شالدىققانىن تۇسىندىرەدى. مۇنداي پسيحيكالىق دەرتتىڭ جەكە ادامعا، وتباسىنا، قوعامعا جانە ەكونوميكاعا تۋدىراتىن اۋىرتپالىعى بىردەن كورىلە بەرمەيدى، ونىڭ ۇستىنە ولاردىڭ مۇنداي پسيحيكالىق كۇيدەن جۋىق ارادا ارىلا قويۋى قيىن.
ماگە مارتين 19 - ناۋرىز كۇنگى قىر كورسەتۋشىلەردىڭ ءبىرى ەدى، كەزىندە يراق سوعىسىنا قاتىناسقان. ول ءبىر قىدىرۋ اسكەري بازادا ارناۋلى رۋحاني اۋرۋلار ءبولىمىنىڭ بار ەكەنىن، مۇندا سوعىستىڭ اسەرىنەن پسيحيكالىق اۋرۋعا شالدىققان ناۋقاستاردى ەمدەيتىنىن ايتتى. سوعىس ازابى جۇرەگىنە مۇز بولىپ قاتقان اسكەرلەر ا ق ش - قا قايتقان كۇندە دە زورلىقتى كۇش سىڭايىنان وڭايلىقتا ارىلا المايدى، ءارقايسى جەرلەردە زورلىقتى كۇش ۋاقيعالارىن تۋدىرۋدان تىس، وتباسىنىڭ دا مازاسىن الا بەرەدى.
− يراقتا 11 ايدان 15 ايعا جۋىق ۋاقىت تۇرعان اسكەرلەردە وسىنداي پسيحيكالىق جاعداي تۋىلعاندا، يراقتا 10 جىل تۇرعاندار قايتىپ ءجۇر دەپ ويلاندىڭىز با؟ - دەپ ءسوزىن ساباقتاي تۇسكەن مارتين ا ق ش باسىپ العان يراق جەرىندەگى بالالار جونىندە اڭگىمە قوزعاپ: شەتەل ارمياسى جاۋلاپ العان جەردە ەرجەتۋدىڭ ءوزى قانداي قاسىرەت، - دەدى.
گاللۇپ جۇرت اۋانىن بايقاۋ ورگانى، ا ق ش سىمدى تەلەۆيزيا اقپارات تورابىنىڭ جۇرت اۋانىن تەكسەرۋ جاعدايىنان قاراعاندا، كوپ ساندى ا ق ش - تىقتار يراق سوعىسىن اشۋدىڭ قاتە بولعانىن ايتقان. وتكەن ىستەن عيبىرات العان ءجون. مەيلى 10 جىل، 20 جىل، الدە 30 جىل بولسىن، بۇل تاريح ۇمتىلمايدى، دەسەدە مۇنداي تراگەديانىڭ قايتا تۋىلۋىنان ساقتانۋ جونىندە دابىل قاعادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
