- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ساقشى جاق ەرەۋىلدەۋشىلەر تۇرعان الاڭدى يەلەدى
تۇركيادا جاعداي ۋشىعا ءتۇستى
زۇڭلي شەتەلدەردىڭ بۇل ىسكە كيلىككەنىن جازعىردى
حالىق گازەتىنىڭ ەگيپەتتەگى ءتىلشىسى حۋاڭ پەيجاۋ
2013.06.13 15:58 كەلۋ قاينارى : حالىق تورابى
جەرگىلىكتى ۋاقىت 11-ماۋسىم تاڭ سارىدە بۇلىكتەن قورعانۋ ساقشىلارىنان نەشە ءجۇز ادام جاساۋراتقىش گاز جانە جوعارى قىسىمدى سۋ ناسوستارىمەن ەرەۋىلشىلەردى تاراتتى، ءارى جولعا قويىلعان بوگەتتەردى بۇزىپ، ستامبولداعى تاكسيم الاڭىن كۇشپەن يەلەدى. ورتا شىعىس مەديالارى بۇل ءىستى تۇركياداعى جاعدايدىڭ ونان ارى ۇشىعا تۇسكەنىنىڭ بەينەسى دەپ حابارلاۋدا. ستامبول ولكەسىنىڭ باستىعى مۇتلۋ ساقشى جاقتىڭ الاڭعا كىرۋى تەك سول ماڭايداعى قۇرىلىستارعا جاپسىرىلعان ۇرانداردى تازالاۋ ءۇشىن ەكەنىن، الاڭداعى ەرەۋىلشىلەرگە سوقتىقپايتىنىن باسا دارىپتەگەن. ورتا شىعىس مەديالارى ەردوعان ۇكىمەتى ءدۇپ كەلگەن قىسىم، كۇردەلى جاعداي مەن سىناقتار بارعان سايىن ۇلعايۋدا دەپ قاراعان.
بۇلىكتەن قورعانۋ ساقشىلارى تاكسيم الاڭىن يەلەگەننەن كەيىن، زۇڭلي ەردوعان سول كۇنى تۇستە اشىلعان ماجىلىستە ءسوز سويلەپ، ءىشىنارا ساياساتكەرلەردىڭ الەۋمەتتىك توراپ جەلىلەرىنەن پايدالانىپ دۇربەلەڭدى ۋشىقتىرا تۇسكەنىن جازعىردى، سىرتقى كۇشتەردىڭ تۇركيانىڭ ىشكى ىستەرىنە ارالاسۋداعى ماقساتى تۇركيانىڭ ساياسي تۇراقتىلىعىن، قوعام دامۋىن جانە ەكونوميكاسىنىڭ ارتۋىن ءبۇلدىرىپ، وسى ارقىلى «جاۋىزدىقپەن ىشتەرىنە بۇككەن سۇرقيا نيەتتەرىنە» جەتۋ دەپ باسا دارىپتەدى.
اڭىسقا قاراعاندا، تۇركياداعى بىلىققان جاعدايدىڭ سەبەبى كورىنىستە جۇرتشىلىقتىڭ ۇكىمەتتىڭ تاكسيم ارالىن زورلىقپەن وزگەرتۋىنە قارسىلىق ءبىلدىرۋى سياقتى بولعانىمەن، بۇل ءىستىڭ استارىندا ەردوعاننىڭ دارا بيلەۋشى مىنەزىنە كوڭىلى تولمايتىن كوپتەگەن ادامداردىڭ قارسىلىعى جاسىرىنعان، ونان ارى تەرەڭدەي ايتساق، بۇل ءىس زايىرلى توپ مەن ەسكىشىلدەر اراسىنداعى مۇددە قاقتىعىسى.
ورتا شىعىستاعى ءىشىنارا مەديالاردىڭ ساراپتاۋىنشا، ەردوعاننىڭ ءون-بويىنان وسىزاماننىڭ لەبى ەسىپ تۇرسا دا، ءىسلام ەسكىشىلدىك يدەياسى سۇيەگىنە سىڭگەن، كەيبىر ىستەردى ءبىرجاقتىلى ەتۋ بارىسىندا ىسلامشىلدىك نىسايى بايقالىپ تۇرادى. مىسالى، تۇركيا انادولى اگەنتتىگىنىڭ 10-ماۋسىمدا حابارلاۋىنشا، ەردوعاننىڭ كۇش سالۋىنىڭ ارقاسىندا، تۇركيا زۇڭتۇڭى گۇل سول كۇنى «اراقتى شەكتەۋ» زاڭىنا قول قويعان. اتالعان زاڭعا نەگىزدەلگەندە، كەشكى ساعات 10نان ەرتەڭىندە تاڭعى ساعات 6عا دەيىن اراق ساتۋعا شەكتەۋ قويىلادى، اراققا قاتىستى بارلىق جارنامالار دا شەكتەۋ كولەمىنە كىرەدى. «اراقتى شەكتەۋ» زاڭى ازاماتتاردىڭ تۇرمىس تاسىلىنە كيلىككەندىك دەپ قارالىپ، تالاس-تارتىس تۋدىردى، ءارى وسى رەتكى ۇكىمەتكە قارسى قارسىلىق كورسەتۋ ەرەۋىلىنىڭ «بىلتەسىنىڭ» بىرىنە اينالدى. وسىنىڭ الدىندا عانا تۇركيا اۋە بيكەشتەرىنىڭ ەرىن بوياق جاعۋىن شەكتەپ، مەديالار جاعىنان «ءىسلام يدەياسىنىڭ قايتا ورالۋى» دەپ قارالعان. تۇركيانىڭ ساياسي ساراپكەرى باكير اتاجاننىڭ تىلشىگە ايتۋىنشا، تۇركيا زايىرلى توبىنىڭ قاراۋىنشا، بۇل شارالار تۇركيانىڭ قوعامدىق دامۋىنىڭ اياق الىسىن تەجەپ جانە وعان كەسىرىن تيگىزىپ، ءداۋىر دامۋىنا ىلەسىپ العا باسپاستان، تۇركياعا تۇساۋ بولادى.
ەرەۋىل وتكىزىپ، قىر كورسەتۋ قيمىلىنا قاراتا ەردوعان ايىرىقشا قاتاڭ پوزيتسيا تانىتىپ، قۇرىلىستى وزگەرتىپ سالۋ ورتا جولدا توقىراپ قالمايتىنىن ايتقان، ول 7-ماۋسىمدا سولتۇستىك افريكاداعى ءۇش ەلگە ساپارىن اياقتاتىپ تۇركياعا قايتىپ ورالعاننان كەيىن: «ەرەۋىلشىلەرگە دەموكراتيا جايلى ساباق بەرۋ كەرەك»،-دەگەن. الايدا زور قىسىمعا ءدۇپ كەلگەن ەردوعان دا جول بەرۋ نىسايىن بايقاتا باستاعان. 10-ماۋسىمدا ەردوعان اكىمشىلىك كەڭسەسىنىڭ ءماجىلىسىن باسقارىپ اشقاندا، ەرەۋىلشىلەرمەن جاۋاپتاسۋ قاتارلى شارتتارعا قوسىلاتىنىن بىلدىرگەن. الايدا، ەگيپەت «اقپارات گازەتىنىڭ» ساراپتاۋىنشا، ەردوعان جۋىرداعى جىلداردان بەرى ساياسي سالادا مول تاجىريبە توپتادى، تۇپتەپ كەلگەندە، ول قاتاڭ ستيلدەگى ساياساتكەرگە جاتادى. ەگەر ەردوعان ماندىك سيپات الاتىن جول بەرۋ شارالارىن قولدانباسا، تۇركياداعى بىلىققان جاعدايدى وڭاۋ قيىنعا سوعۋى مۇمكىن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
