بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

داستۇرشىلەر مەن جاڭالىقشىلدار تىرەسىپ، ءدىن مەن زايىرلىلىق بەلدەستى

تۇركيا قوعامى قىرىق پىشاق بولا باستادى

2013.06.19 16:16     كەلۋ قاينارى : ءتاڭىرتاۋ تورابى

  تۇركياداعى بىلىقپالىق 17 - ماۋسىمعا دەيىن تولاستاي قويمادى، بۇلىكتەن ساقتانۋشى ساقشىلار كۇش كورسەتىپ، ەرەۋىلشىلەردى سايا باقتان قۋىپ سالعان، سولايدا تاعى ءبىر توپتاعى نارازىلىق كورسەتۋشىلەر تۇركيانىڭ ەڭ ءىرى شاھارى ستامبولدىڭ تاكسيم الاڭىنا جانە ونىڭ ماڭىنداعى گەزي ساياباعىنا جينالىپ، ساقشىلارمەن ءالسىن - ءالى قارسىلاسقان. قاقتىعىستىڭ اۋماعى ستامبولدىڭ جاراتا رايونىنا دەيىن كەڭەيدى. وتكەن اپتانىڭ سوڭىندا ساقشىلار قاتاڭ شارا قولدانىپ، تاكسيم الاڭى مەن گەزي ساياباعىندا «تازالاۋ» جۇرگىزگەن، سونىمەن تۇركياداعى 2 نەگىزگى جۇمىسشىلار وداعى ەل كولەمىندە جۇمىس تاستاعان. مۇنان تىس، تۇركياداعى شيپاگەر، ينجەنەرلەردى قامتىعان وزگە سالاداعىلار دا شەرۋگە قاتىناساتىنىن جاريالاپ، ەرەۋىلشىلەردى قولداعان ءارى ۇكىمەتكە نارازىلىق بىلدىرگەن.

  الدىڭعى ايدا ستامبول قالالىق ۇكىمەتىنىڭ تاكسيم الاڭىنىڭ قاسىنداعى گەزي ساياباعىن بۇزاتىندىعىن جاريالاۋىنا بايلانىستى تۋىلعان بۇلىكتىڭ جالعاسقانىنا 3 اپتا بولدى، قازىرگە دەيىن 4 ادام ءولىپ، 5000نان كوبىرەك ادام جارالاندى، نەشە مىڭداعان ادام تۇتقىندالدى. تۇركيا زۇڭليى ەردوعان قىر كورسەتۋشى توپتىڭ ۋاكىلىمەن كەزدەسىپ كەڭەسكەن بولسا دا، ءوزىنىڭ قاتال مايدانىنان قايتپادى، ەرەۋىلشىلەردىڭ قىزمەت ورىندارىنا قايتىپ، ەندىگارى بۇلىك تۋدىرماۋىن تالاپ ەتتى، ءىشىنارا ەرەۋىلشىلەردىڭ تۇركيانىڭ قوعام ورنىقتىلىعى مەن ەكونوميكاسىنىڭ دامۋىن بۇلدىرگەنىن جازعىردى. ەردوعاننىڭ نەشە مىڭداعان قولداۋشىلارى 16 - ماۋسىمدا ستامبول سياقتى جەرلەردە جينالىس وتكىزدى. ەردوعاندى جاقتاۋشىلاردىڭ ءبىرى يسىمار: كوبىمىزدىڭ كوكسەگەنىمىز تىنىشتىق، ىلگەرتىندەگى بۇلىكتى تۋدىرعاندار از سانداعى توپ، ولار تۇركيا حالقىنىڭ تىلەگىنە ۋاكىلدىك ەتە المايدى، جۇرتتىڭ دەنى زۇڭلي ەردوعاندى قولدايدى، - دەدى.

  «كوشەدەگى كۇن سايىن كۇشەيگەن بىلىقپالىق جاعداي تۇركيا قوعامىن تۇرالاۋعا جەتەلەپ، شىڭىراۋعا باستاپ بارادى». تۇركيا «كۇندەلىك اقپاراتىنىڭ» جوعارى دارەجەلى رەداكتورى حاسەن تىلشىگە بەرگەن سۇحپاتىندا: شىنتۋايتىندا، بىلىقپالدىق سالدارىنان تۇركيانىڭ حالىقاراداعى وبرازى قۇلدىراپ بارادى، بۇل اسا گۇلدەنىپ تۇرعان ساياحات ىستەرىنىڭ دامۋىنا تۇساۋ بولدى، قازىردە بىلايعى جۇرت ەجەلدەن بەرگى ماڭىزدى ساياحات شاھارىنا ساياحاتتاي بارۋعا تىم قىزىعىپ كەتپەيدى. ەردوعان جاعدايدى تىنىشتاندىرۋدى ويلاپ، بۇلىكتى زورلىقپەن باستىرۋ تاسىلىنە باستى، ايتسە دە مۇنىڭ كەرى ىقپالى ۇزدىكسىز كۇشەيدى. «ىستىك تە، توستىك تە كۇيمەيتىن» شارا تابۋ، سول ارقىلى تىنىشتىق ورناتۋ، ورنىقتى ءتارتىپتى قالپىنا كەلتىرۋ − ەردوعاننىڭ ساياسي پاراساتى مەن بيلىك جۇرگىزۋ قابىلەتىن سىنايتىن ۇلكەن سىناققا اينالدى، - دەدى.

  ءىشىنارا اقپارات مەديالارى جاعدايدى ساراپتاي كەلىپ، بىلاي دەپ تۇجىرىمدادى: تۇركيا قازىر ەردوعاندى قولداۋشىلار مەن وعان قارسى تۇراتىندار سىندى 2 جىككە ءبولىندى، بۇل تاكسيم الاڭى مەن گەزي ساياباعىنداعى تەكە - تىرەستەن انىق بەينەلەندى. وسىنداي تەكە - تىرەستىڭ استارىندا، تۇركيانىڭ داستۇرشىلەرى مەن جاڭالىقشىلدارى تىرەسىپ، ءدىن مەن زايىرلىلىق بەلدەسىپ وتىر. وسى 2 ءتۇرلى كۇشتىڭ يدەيالىق اعىمىنداعى «كوزقاراس جاعىنداعى بەلدەسۋى» مەن «مۇددەلىك مۇيىزدەسۋى» تۇركيا قوعامىن كۇيرەتىپ، كۇيزەلتىپ بارادى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.