بەتتى ساقتاۋ | باس بەت قىلۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

تۇركيا عالامتورداعى الەۋمەتتىك جەلىلەردى جۇيەگە سالۋ تۋرالى زاڭ شىعارماقشى

2013.06.24 14:38     كەلۋ قاينارى : حالىق تورابى

  21-ماۋسىمدا تۇركيانىڭ ەل ءىشى جاعدايى نەگىزىنەن ورنىقتىلىققا بەت الدى، گازەتىمىز ءتىلشىسىنىڭ ستامبول قالاسىنىڭ ورتالىعىنداعى تاكسيم الاڭىنان بايقاۋىنشا، ءالى دە نەشە ونداعان ەرەۋىلشىلەر الاڭنان كەتپەگەن بولسا دا، ولاردىڭ كوڭىل-كۇيلەرى قالىپتى كورىنەدى. الاڭنىڭ ماڭىنداعى جولداردا اۆتوكولىكتەر ارلى-بەرلى اعىلۋدا، تۇركيادا 3 اپتاعا سوزىلعان ەرەۋىل بىرتىندەپ باسىلىپ، قوعام ءتارتىبى قالىپقا تۇسە باستاعان.

  تۇركيا ۇكىمەتى مەن عىلىم سالاسىنداعىلار بۇل رەتكى ەرەۋىلدىڭ تۋىلۋ سەبەبى مەن ىقپالى جونىندە مۇقيات تولعانۋدا. تۇركيانىڭ سىرتقى ىستەر مينيسترى داۋىتوعلۋ بۇل رەتكى وقيعانى تۇركيانىڭ ساياسي سالاسىنداعى ماڭىزدى بۇرىلىس ءتۇيىنى دەپ قاراعان، ول تۇركيانىڭ شەتەلدەردە تۇراتىن ەلشىلىكتەرىنەن شەتەلدىكتەردىڭ تۇركيادا تۋىلعان وسى رەتكى ەرەۋىلگە قانداي كوزقاراستا ەكەندىگى تۋرالى مالىمدەمە تاپسىرۋىن تالاپ ەتكەن. ۇكىمەت دەڭگەيىندە بۇل ماسەلەگە قايىرىلا تولعانۋدىڭ ءبىر بولەگى رەتىندە، تۇركيانىڭ ورىنباسار زۇڭليى بەكىر بوجداردىڭ 20-ماۋسىمدا ايتۋىنشا، تۇركيا الدا عالامتورداعى الەۋمەتتىك جەلىلەردى جۇيەگە سالۋ تۋرالى زاڭ شىعارىپ، كەيبىرەۋلەردىڭ تۋيتتەر، facebook قاتارلى عالامتورداعى الەۋمەتتىك جەلىلەردە ارانداتقىش سيپاتتاعى جالعان حابارلار تاراتۋىنا توسقاۋىل قويماقشى ەكەن. سونىمەن بىرگە، تۇركيا ساقشى جاعى عالامتوردا وسەك-اياڭ تاراتقان ونداعان ادامدى تۇتقىنداعان.

  تۇركياداعى 3 اپتاعا سوزىلعان ەرەۋىلدە عالامتورداعى الەۋمەتتىك جەلىلەر ۋشىقتىرۋ رولىن وينادى. كوپتەگەن ەرەۋىلشىلەر زەردەلى قولفوندارى ارقىلى ەرەۋىلگە شىعۋعا ۇندەگەن ينفورماتسيالاردى عالامتورعا شىعاردى، اۋەلى وعان جالعان سۋرەتتەر مەن مالىمەتتەردى ارالاستىرىپ جىبەردى. تۇركيا زۇڭليى ەردوعان تۋيتتەر مەن facebookتى «سويقان شىعارۋشى» دەپ ايىپتادى.

  تۇركياداعى بيلىك باسىنداعى پارتيا − ادىلەت جانە دامۋ پارتياسىنىڭ مالىمدەمەشىسى سەليكتىڭ ايتۋىنشا، عالامتورداعى الەۋمەتتىك جەلىلەردى باقىلاپ، تۇتىنۋشىلاردىڭ جالعان مالىمەتتەر تاراتۋ ارقىلى ارانداتۋى مەن قارالاۋىنان ساقتانۋ ءارى جات نيەتپەن وسەك-اياڭ تاراتۋشىلاردى جازالاۋ ءۇشىن، تۇركيا ۇكىمەتى قازىر «عالامتورداعى قىلمىستىق ىستەر جونىندەگى زاڭنىڭ» جوباسىن زەرتتەپ بەكىتۋ ۇستىندە ەكەن. ول: «ءبىز ولاردى جاۋىپ تاستاماقشى ەمەسپىز، تەك ولاردى باتىس ەلدەرى سياقتى جۇيەگە سالامىز. ادامداردىڭ الەۋمەتتىك جەلىلەر ارقىلى ءوز كەشىرمەلەرىن وزگەلەرمەن ورتاقتاسۋى جانە باسقالارمەن تانىسۋى وتە قالىپتى جاعداي، الايدا الەۋمەتتىك جەلىلەر قارالاۋ مەن جازعىرۋدىڭ قۇرالىنا اينالىپ قالماۋى كەرەك»،-دەگەن.

  عالامتوردا شىن ەسىمىن قولدانۋ ءتۇزىمىن العا ىلگەرىلەتۋ دە عالامتورداعى الەۋمەتتىك جەلىلەردى جۇيەگە سالۋداعى ماڭىزدى شارا ەسەپتەلەدى. بوجدار 20-ماۋسىمدا: «ەگەر بەلگىلى بىرەۋ الەۋمەتتىك جەلىگە تىزىمدەلسە، وندا باسقالار بۇل ادامنىڭ كىم ەكەنىن ءبىلۋى كەرەك، الايدا ءبىز جۋىردا تۋىلعان ىستەردى قايتا قاراستىرعانىمىزدا، كوپتەگەن ەسىمدەردىڭ جالعان ەكەنىن بايقادىق، جۇرتشىلىق بۇل ادامنىڭ كىم ەكەنىن بىلمەيدى، ءىشىنارا ادامدار وسى جالعان ەسىمدەر ارقىلى ارانداتۋ سيپاتىنداعى مالىمەتتەردى جولدايدى. وسى تەكتەس وقيعالاردىڭ جالعاستى تۋىلۋىنان ساقتانۋ ءۇشىن، تۇركيا الەۋمەتتىك جەلىلەردى قالاي جۇيەگە ءتۇسىرۋدى زەرتتەۋى كەرەك ءارى جاماعاتتىڭ تالقىسىنا سالۋى كەرەك. ەڭ ماڭىزدىسى تۇتىنۋشىلاردىڭ جالعان مالىمەتتەر ارقىلى تىزىمدەلۋىنىڭ الدىن الۋ قاجەت»،-دەگەن.

  تۇركيا ۇكىمەتى تاعى «الەۋمەتتىك عالامتور لاڭىنا قارسى تۇرۋ ورتالىعىن» قۇرۋ ارقىلى حاككەرلەردىڭ شابۋىلىنان ساقتانباقشى. جەرگىلىكتى مەديالاردىڭ حابارلاۋىنشا، «قىزىل حاككەر» اتتى ۇيىم مىڭنان استام جەكەنىڭ كومپيۋتەرىنە سۇعاناقتىق جاساعان ءارى تۋيتتەر ارقىلى ەرەۋىلگە شىعۋعا جەلىكتىرگەن ينفورماتسيالاردى جاريالاعان. تۇركيانىڭ قاتىناس، تەڭىز ىستەرى جانە حابارلاسۋ مينيسترى يلدىرىمنىڭ 20-ماۋسىمدا عالامتور حاۋىپسىزدىگىنە قاتىستى جيىندا ايتۋىنشا، گەزي ساياباعىندا ەرەۋىل تۋىلعان مەزگىلدە، عالامتوردا كوپتەگەن شابۋىلداۋ وقيعاسى بايقالعان، ۇكىمەت «الەۋمەتتىك عالامتور لاڭىنا قارسى تۇرۋ ورتالىعىن» قۇرۋ ارقىلى وسى ماسەلەنى شەشىم ەتپەك ەكەن.

  تۇركيا ۇكىمەتىنىڭ وسى جاقتارداعى قۇلشىنىستارىنا قاراتا، تۇركيا قوعامىندا جۋىردا ءىشىنارا قارسىلىق ءۇنى دە بايقالدى، ءىشىنارا ادامدار ۇكىمەتتىڭ بۇل شارالارى ازاماتتاردىڭ ەركىن كوزقاراس ءبىلدىرۋ ۇقىعىن بۇعاۋلايدى دەپ قاراعان. بۇل جونىندە تۇركيا زۇڭتۇڭى گۇل تۇركيا ۇكىمەتىنىڭ بۇل جاعىندا زاڭ شىعارۋدا ەۆروپا وداعىنىڭ ولشەمىن نەگىز ەتەتىنىن بىلدىرگەن.

  تۇركيا بوسپور ۋنيۆەرسيتەتىنىڭ سالىستىرمالى ساياسات عىلىمىن زەرتتەيتىن پروفەسسورى حاكان يلماز گازەتىمىز تىلشىسىنە سۇحبات بەرگەندە، دەموكراتيانى قاتاڭ زاڭ ارقىلى قورعاۋ قاجەت ەكەنىن، ەركىن كوزقاراس ءبىلدىرۋ دەگەنىمىز جالعان جانە ارانداتقىش ينفورماتسيالاردى قيسىنسىز جاريالاۋ ەمەس ەكەنىن، ۇكىمەتتىڭ عالامتورداعى الەۋمەتتىك جەلىلەردى زاڭ ارقىلى جۇيەگە سالۋعا قۇلشىنۋى قۋانارلىق ءىس ەكەنىن بىلدىرگەن.

  (گازەتىمىز ءتىلشىسىنىڭ 21-ماۋسىمدا ستامبولدان بەرگەن حابارى)

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.