بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

ا ق ش پەن ەۆروپا وداعىنىڭ رەسەيمەن قايشىلىعى ۇدەي ءتۇستى

ءارقايسى جاقتار قىرىمنىڭ الەۋمەتتىك شەشىمى جونىندە اڭىس ءبىلدىردى

2014.03.08 15:08     كەلۋ قاينارى : حالىق تورابى

  7 – ناۋرىزدا رەسەي مەملەكەتتىك دۋماسىنىڭ (پارلامەنتتىڭ تومەنگى پالاتاسى) ءتوراعاسى نالەشكين مەن رەسەي فەدەراتسياسىنىڭ (پارلامەنتتىڭ جوعارى پالاتاسى) ءتوراعاسى ماتۆيچەنكوۆ ماسكەۋدە ىلگەرىندى – كەيىنگى ۋكراينا قىرىم اۆتونوميالى رەسپۋبليكاسىنىڭ پارلامەنت ءتوراعاسى كونستانتينوۆ باستاعان پارلامەنت ۋاكىلدەر ۇيىرمەسىمەن كەزدەستى. نالەشكين مەن ماتۆيچەنكوۆ ءبىر اۋىزدان بىلاي دەدى: رەسەي قىرىم پارلامەنتىنىڭ رەسەي فەدەراتسياسىنا كىرۋ تىلەگىن ءارى بۇل جونىندە جالپى حالىقتىق الەۋمەتتىك شەشىم قارارىن قابىلداعالى وتىرعانىن تۇسىنەدى، رەسەي جاق قىرىم حالقىنىڭ تالعامىنا قۇرمەت ەتەدى ءارى ونى قولدايدى.

  ۋكراينانىڭ زۇڭتۇڭدىق مىندەتىن ۋاقىتشا اتقارىپ وتىرعان پارلامەنت ءتوراعاسى تۋركينوۆ 7 – ناۋرىزدا بۇيرىققا قول قويىپ، قىرىم اۆتونوميالى رەسپۋبليكاسى پارلامەنتىنىڭ 6 – ناۋرىزداعى جالپى حالىقتىق الەۋمەتتىك شەشىم جونىندەگى قاۋلىسىنىڭ ناتيجەسىن تەرىسكە شىعاردى. بۇيرىقتا قىرىم اۆتونوميالى رەسپۋبليكاسى پارلامەنتىنىڭ قابىلداعان شەشىمى ۋكراينانىڭ نەگىزگى زاڭىنداعى ءبىرقىدىرۋ ەرەجەگە قايشى ەكەندىگى ايتىلدى.

  ا ق ش زۇڭتۇڭى وباما 6 – ناۋرىزدا مالىمدەمە جاريالاپ، قىرىمدا وتەتىن جالپى حالىقتىق الەۋمەتتىك شەشىمنىڭ ۋكراينانىڭ نەگىزگى زاڭىنا جانە حالىقارالىق زاڭعا قايشى ەكەندىگىن، ۋكراينانىڭ بولاشاعىنا قاتىستى ءارقانداي تالقىدا ۋكراينانىڭ زاڭدى ۇكىمەتى قامتىلۋ كەرەكتىگىن ايتتى. وباما تاعى دا سول كۇنى تۇستەن كەيىن بۇيرىق ءتۇسىرىپ، قىرىمعا كيلىككەن جەكەلەر مەن ناقتى تۇلعالاردى جازالايتىندىعىن، ولارعا شەكارادان كىرۋ ۆيزاسىن اشىپ بەرمەيتىندىگىن جانە ولاردىڭ ا ق ش – تىڭ اۋماعىنداعى مال – مۇلكىن مۇزداتاتىندىعىن ايتتى.

  رەسەي زۇڭتۇڭى پۋتين 6 ـ ناۋرىزدا ۇسىنىس بويىنشا ا ق ش زۇڭتۇڭى وبامەن تەلەفوندا سويلەسىپ، ەكى جاق ءوز مايداندارىندا تاباندى تۇراتىندىعىن ءبىلدىردى. وباما سوزىندە رەسەي ۇكىمەتى ۋكراينامەن تىكەلەي كەڭەسۋى، سونىمەن بىرگە ۋكرايناعا حالىقارالىق باقىلاۋشى جىبەرىپ، حاۋىپتى جاعدايدىڭشەشىلۋىن جەبەۋى كەرەك دەگەن ۇسىنىسىن ورتاعا قويدى. پۋتين سوزىندە رەسەيدىڭ قىرىم رەسپۋبليكاسىنىڭ كومەك سۇراعان وتىنىشىمەن ساناسپاي قويۋىنا بولمايدى، سونىمەن قاتار، قىرىم جاعدايىنىڭ دامۋىنداعى رەسەيدىڭ ارەكەتى حالىقارالىق زاڭنىڭ ەرەجەسىنە ۇيلەسەدى دەدى.

  ەۆروپا وداعى 6 ـ ناۋرىزدا شۇعىل مەملەكەت باسشىلارىنىڭ كەزدەسۋىن وتكىزىپ، ۋكراينامەن بايلانىستى ەلدەر كەلىسىمىنە جالعاستى قول قويدى. ءماجىلىس اشىلاردان بۇرىنعى بىرنەشە ساعاتتا، ەۆروپا وداعى زۇڭتۇڭدىق مىندەتىنەن بوساتىلعان يانۋكوۆيچتى قامتىعان 18 ادامدى جازالاۋ تىزىمدىگىن جاريالاپ، ولاردىڭ ەۆروپا وداعىنداعى قارجىسىن مۇزداتاتىن بولدى. ەۆروپا وداعى ولار ۋكراينا ۇكىمەتىنىڭ قارجىسىن باسقاعا جۇمىسادى دەدى. ءبىراق بۇل رەتكى مەملەكەت باسشىلارىنىڭ كەزدەسۋى رەسەيدى جازالاۋ جونىندە ناقتىلى جوبا جاريالامادى. ەۆروپا القالار كەڭەسىنىڭ ءتوراعاسى ۆانرومپەي قىرىم وتكىزگەن جالپى حالىقتىق الەۋمەتتىك شەشىم ۋكراينانىڭ نەگىزگى زاڭىنا قايشى ارەكەت دەپ اتاپ كورسەتتى. (گازەتىمىزدىڭ تىلشىلەرى جاڭ شياۋدۇڭ، جاڭ جيە، جاڭ شۋەجياڭدار 7 ـ ناۋرىزدا سەۆاستوفول، بۋرۋسسەل، وتتاۋادان حابارلايدى).

  (جۇڭگو ۇلتتار اۋدارما مەكەمەسى اۋدارعان)

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.