حالىقارالىق قىلمىستىق ىستەر ساقشى ۇيىمى دەرەكسىز كەتكەن جولاۋشىلار ۇشاعىنا باسقالاردىڭ پاسپورتىن مالدانىپ وتىرعان ادامداردىڭ اتى – ءجونىن مالىمدەدى

2014.03.12 17:27   كەلۋ قاينارى : حالىق تورابى

　　11 – ناۋرىزدا فرانسيانىڭ ليون قالاسىندا تۇراتىن حالىقارالىق قىلمىستىق ىستەر ساقشى ۇيىمىنىڭ باس شتابىندا، حالىقارالىق قىلمىستىق ىستەر ساقشى ۇيىمىنىڭ باس حاتشىسى نوبۋل (سولدا) احبار جاريالاۋ جينالىسىندا جاعدايدى تانىستىرىپ ءوتتى.

　　شينحۋا تورابىنىڭ تىلشىلەرى جىڭ بين، يىڭ چياڭدار 11 – ناۋرىزدا فرانسيانىڭ ليون قالاسىنان حابارلايدى. حالىقارالىق قىلمىستىق ىستەر ساقشى ۇيىمىنىڭ باس حاتشىسى نوبۋل 11 – ناۋرىزدا بىلاي دەدى: باسقالاردىڭ پاسپورتىن مالدانىپ مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىنا شىققان ەكى ادامنىڭ يراندىق ازامات ەكەنى انىقتالدى، ءبىراق ولاردى لاڭكەستىك ەلەمەنتتەر دەۋدىڭ مۇمكىندىگى ازداۋ.

　　نوبۋل سول كۇنى حالىقارالىق قىلمىستىق ىستەر ساقشى ۇيىمىنىڭ باس شتابىندا وتكىزىلگەن احبار جاريالاۋ جينالىسىندا مالايزيا اۆياتسيا سەرىكتىگىنىڭ 370MH ءنومىرلى جولاۋشىلار ۇشاعىنىڭ قاتىستى جاعدايىن تانىستىردى. ول باسقالاردىڭ پاسپورتىن مالدانىپ جۇرگەن ەكى يراندىق ازاماتتىڭ ءبىرى 19 جاستا، ەندى ءبىرى 29 جاستا دەدى. وسى ۇيىمنىڭ يەلەگەن ينفورماتسيالارىنا قاراعاندا، ولاردىڭ بىرەۋى گەرمانياعا بارىپ باس ساۋعالاماق ەكەن. بۇل ەكەۋى الدىمەن وزدەرىنىڭ اتىنداعى پاسپورتتارىمەن مالايزياعا بارىپ، ودان سوڭ جالعان پاسپورتپەن 370MH ءنومىرلى جولاۋشىلار ۇشاعىنا شىققان.

　　نوبۋل قازىرگە دەيىنگى قولداعى بار ينفورماتسياعا نەگىزدەلگەندە، ەكى ادامنىڭ لاڭكەستىك ەلەمەنتكە ۇقسامايتىندىعىن ايتتى. حالىقارالىق قىلمىستىق ىستەر ساقشى ۇيىمىنىڭ يەلەگەن ينفورماتسيالارىنىڭ كوبەيۋىنە بايلانىستى، مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىن لاڭكەستىك ەلەمەنتتەردىڭ بارىمتالاۋ مۇمكىندىگى ازايىپ كەلەدى.

　　ءبىراق، نوبۋل تاعى بىلاي دەدى: وسىلاي بولعانىمەن دە، جالعان پاسپورتپەن شەكارادان كىرۋ – شىعۋ جانە حالىقارالىق جولاۋشىلار ۇشاعىنا شىعۋ جاعدايى شىنىن دا ادامدى الاڭداتادى.

　　سول كۇنى ەرتەمەن مالايزيا جاق باسقالاردىڭ پاسپورتىن مالدانىپ جولاۋشىلار ۇشاعىنا شىققان ەكى ادامنىڭ سۋرەتىن جاريالادى، بۇل سۋرەتتەر اۋەجايداعى باقىلاۋ كەسكىندەرىنەن تۇسىرىلگەن ەكەن. مالايزيا ساقشى مەكەمەسىنىڭ باستىعى حاليد. ابۋ. باكار سول كۇنى تەكسەرۋشى قىزمەتكەرلەر جولاۋشىلار ۇشاعىنىڭ دەرەكسىز عايىپ بولۋىنداعى ءبىرقانشا سەبەپتەر تۋرالى تەكسەرۋ جۇرگىزۋدە دەدى.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى