مالايزيا اۆياتسيا سەرىكتىگىنىڭ دەرەكسىز كەتكەن جولاۋشىلار ۇشاعىن ىزدەۋ جونىندە: اۆستراليا ۇشاقتارىنان جارىقشاق بايقالمادى، «شۋەلۇڭ» اتتى كەمە ىزدەۋ – قۇتقارۋعا اتتاندى

2014.03.21 14:32   كەلۋ قاينارى : حالىق تورابى

　　20 – ناۋرىزدا «شۋەلۇڭ» اتتى كەمە اۆستراليانىڭ پەرت پورتىندا بۇيرىق كۇتۋدە. سول كۇنى ءتىلشىنىڭ مەملەكەتتىك تەڭىز – مۇحيت مەكەمەسىنەن ۇعىسۋىنا قاراعاندا، اۆستراليانىڭ پەرت پورتىندا توقتاپ تۇرعان ەلىمىزدىڭ «شۋەلۇڭ» اتتى ۇيەكتى عىلىم – تەحنيكالىق تەكسەرۋ كەمەسى بارلىق دايىندىق جۇمىستارىن اياقتاتىپ، بۇيرىق تۇسىسىمەن بىرىنشى ۋاقىتتا مالايزيا اۆياتسيا سەرىكتىگى دەرەكسىز كەتكەن جولاۋشىلار ۇشاعىنىڭ جارىقشاعى سەكىلدى زاتتار بايقالدى دەلىنگەن تەڭىز ايدىنىنا بارىپ ىزدەۋ – قۇتقارۋ جۇمىستارىن ەتەك الدىرۋعا ساقاداي ساي ءازىر بولىپتى. ۇعىسۋعا قاراعاندا، «شۋەلۇڭ» اتتى كەمە قازىرشە ىزدەۋ – قۇتقارۋعا اتتانۋ بۇيرىعىن الماپتى، بۇل كەمە قازىر بۇرىنعى جوسپار بويىنشا ەلىمىزدىڭ وڭتۇستىك ۇيەك جونىندەگى 30 – رەتكى عىلىم – تەحنيكالىق تەكسەرۋ مىندەتىن اتقارۋ ۇستىندە ەكەن. سونىمەن بىرگە، «شۋەلۇڭ» اتتى كەمە قاتىستى دايىندىقتارىن ويداعىداي ىستەپ، بۇيرىق تۇسىسىمەن ءبىرىنشى ۋاقىتتا جولعا شىقپاقشى ەكەن. پەرت پورتى ۇشاق جارىقشاقتارى سەكىلدى زاتتار بايقالعان تەڭىز ايدىنىنان 1000 تەڭىز ميلىنەن استام قاشىقتا بولىپ، «شۋەلۇڭ» اتتى كەمە ول اراعا بارار بولسا، 4 كۇن اينالاسىندا ۋاقىت كەتەدى ەكەن.

　　(جۇڭگو ۇلتتار اۋدارما مەكەمەسى اۋدارعان)

　　كەلۋ قاينارى: حالىق تورابى