- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
گەرمانيا
2014.03.21 14:59 كەلۋ قاينارى : ورتالىق حالىق راديو ستانسياسى تورابى
ءان ۇرانى: «نەمىستەردىڭ ولەڭى»
رەسمي ءتىلى: نەمىسشە
استاناسى: بەرلين
ۆاليۋتاسى: ەۋرو
اۋە كومپانياسى: Lufthansa
ينتەرنەت ۇيشىگى . de
ISO كودى DE
تەلەفون كودى: +49
ۋاقىت بەلدەۋى: +1 (+2 جازدا)
گەرمانيا فەدەراتيۆتىك رەسپۋبليكاسى (نەم. Bundesrepublik Deutschland — گەرمانيا فەدەراتسيالىق رەسپۋبليكاسى) — ورتالىق ەۋروپادا 16 جەكە نە جارتىلاي تاۋەلسىز فەدەرالدىق جەرلەردەن تۇراتىن ەل. بۇگىنگى گەرمانيا رەسپۋبليكاسىنىڭ ەلورداسى جانە مەملەكەتتىك قۇرىلىمدارى ورنالاسقان جەرى — بەرلين قالاسى بولىپ تابىلادى. 82 ميلليون حالقى بار گەرمانيا مەملەكەتى — ازىرشە ەۋروپاداعى حالقى سانىنان ەڭ ءىرى مەملەكەت. ەۋروپا وداعىنىڭ ىرگە قابىرعاسىن قالاعان مەملەكەت ەۋروپانىڭ كوشباسشى مەملەكەتى مىندەتىن اتقارىپ وتىر.
گەرمانيا-فەدەراتيۆتى مەملەكەت بولىپ تابىلادى. اكىمشىلىك-اۋماقتىق بولىنىسىنە قاراي 16 جەردەن تۇرادى. نەگىزگى زاڭى-كونستيتۋتسياسى 1949 جىلعى 23 مامىردا قابىلدانعان. ەلدىڭ فەدەرالدىق پرەزيدەنتى فەدەرالدىق جينالىستا بەس جىل مەرزىمگە سايلانادى. قازىرگى فەدەرالدىق پرەزيدەنتى كريستيان ۆۋلف، ول 2010 جىلدىڭ 2 شىلدەسىندە سايلانعان.
گەرمانيا پارلامەنتى: ەكى پالاتادان-بۋندەسرات (جوعارعى) جانە بۋندەستاگتان (تومەنگى) تۇرادى. بۋندەسراتتى جەر ۇكىمەتى وكىلدەرىنىڭ 68 مۇشەسى قۇرايدى. ەگەر فەدەرالدىق پرەزيدەنت بولماعان نەمەسە ول ءوزىنىڭ مىندەتىن اتقارۋدى مەرزىمىنەن بۇرىن توقتاتقان جاعدايدا مەملەكەت باسشىسىنىڭ مىندەتى بۋندەسرات ءتوراعاسىنا كوشەدى. ال بۋندەستاگ ءتورت جىل مەرزىمگە جاسىرىن داۋىس بەرۋ ارقىلى سايلانعان 603 دەپۋتاتتان تۇرادى. اتقارۋشى بيلىك- فەدەرالدىق ۇكىمەتتىڭ قۇرامىنا گەرماندىق بۋندەستاگتا سايلانعان فەدەرالدىق كانتسلەر مەن فەدەرالدىق مينيسترلەر كىرەدى. فەدەرالدىق كانتسلەر مەملەكەتتىڭ ىشكى جانە سىرتقى ساياساتىنىڭ نەگىزگى باعىتتارىن ايقىندايدى. المانيا قازىرگى فەدەرالدىق كانتسلەرى-انگەلا مەركەل.
ساياسي پارتيالار: گەرمانيا فەدەراتيۆتى رەسپۋبليكاسىندا ءبىرقاتار ساياسي پارتيالار قىزمەت ەتەدى. ولاردىڭ ىشىندە نەگىزگىلەرى، ياعني باسقا پارتيالارعا قاراعاندا ىقپالى كۇشتى التى پارتيانى بولە-جارا اتاعان ءجون. رەتىنە قاراي اتايتىن بولساق، 1869 جىلى قۇرىلعان گەرمانيا سوتسيال-دەموكراتيالىق پارتياسى؛ 1945 جىلى قۇرىلعان حريستيان دەموكراتيالىق وداعى. بۇل پارتيانى فەدەرالدىق كانتسلەر انگەلا مەركەل باسقارادى. نەگىزگى ماقساتى-باتىس ەلدەرىمەن ينتەگراتسيا جاساۋ جانە الەۋمەتتىك نارىقتىق ەكونوميكا. بۇدان كەيىنگىسى حريستيان الەۋمەتتىك وداعى؛ ەركىن دەموكراتيالىق پارتياسى؛ دەموكراتيالىق سوتسياليزم پارتياسى جانە 1990 جىلى قۇرىلعان ”جاسىلدار“ وداعى. 2002 جىلعى قىركۇيەكتە وتكەن بۋندەستاگ سايلاۋىندا ءتيىستى 603 ورىننىڭ 251-ءىن گەرمانيا سوتسيال-دەموكراتيالىق پارتياسى، 248-ءىن حريستيان دەموكراتيالىق وداعى مەن حريستيان الەۋمەتتىك وداعى، 55-ءىن ”جاسىلدار”، 47-ءسىن ەركىن دەموكراتيالىق پارتياسى، ال 2 ورىندى دەموكراتيالىق سوتسياليزم پارتياسى الدى.
ەكونوميكاسى: گەرمانيا ەكونوميكاسى دامىعان ەلدەردىڭ الدىڭعى قاتارىنان ورىن الادى. نەگىزگى سالالارى ماشينا جاساۋ، ەلەكتر تەحنيكاسى، مەتاللۋرگيا، حيميا جانە فارماتسيەۆتيكا ونەركاسىبى، تاعى باسقا سالالار ەل ەكونوميكاسىنىڭ وركەندەۋىنە قوماقتى ۇلەس قوسىپ كەلەدى. سونىمەن قاتار، كولىك ينفراقۇرىلىمى ەرەكشە ماڭىزعا يە. ءىرى 13 اۋەجاي، 6، 8 مىڭ شاقىرىمنان اساتىن ىشكى سۋ جولدارى كۇندىز-ءتۇنى جۇمىس ىستەيدى. بۇعان سولتۇستىك تەڭىزدەگى گامبۋرگ پەن برەمەن، بالتىق تەڭىزىندەگى كيل، ليۋبەك جانە روستوك تەڭىز پورتتارى قوسىلادى.
گەرمانيانىڭ سىرتقى ساۋداداعى ارىپتەستەرىنە كەلسەك، ەڭ الدىندا فرانسيا تۇر. ودان سوڭ يمپورت بويىنشا نيدەرلاند، يتاليا، ۇلى بريتانيا، ا ق ش، ال ەكسپورت بويىنشا ۇلى بريتانيا، يتاليا، ا ق ش جانە نيدەرلاندى كەلەدى.
گەرمانيا BWW مەن BHEW-نىڭ جۇمىستارىنا بەلسەندى تۇردە قاتىسىپ ءجۇر. ءوز تاراپتارىنان بەدەلدى بۇل حالىقارالىق ۇيىمدارعا ايتارلىقتاي قارجى جانە كادر رەسۋرستارىن ءبولىپ وتىرادى. سونداي-اق، گەرمانيانىڭ الدىنا قويعان باسىم باعىتتارىنىڭ ءبىرى-بۇۇ قاۋىپسىزدىك كەڭەسىنە مۇشە بولۋ. ال گەرمانيانىڭ ورتالىق ازيا ەلدەرىنە بايلانىستى ۇستانعان ساياساتى ايقىن، ول-ەكونوميكالىق سالالاردا مۇمكىندىگىنە قاراي ىنتىماقتاستىق جاساۋ.
كولىگى مەن ەكولوگياسى: گەرمانيا سىرتقا ونىمدەر شىعارۋ جونىنەن دۇنيە جۇزىندە 2-ورىن الادى. قازىرگى زامانعى گەرمانيانىڭ ەكونوميكالىق قۋاتى مەن بايلىعىنىڭ نەگىزىن وڭدەۋشى ونەركاسىپ قۇرايدى. ونىڭ كوپشىلىك كاسىپورىندارى ەۋروپالىق اۋىر يندۋستريا ورتالىقتارىنىڭ ءبىرى، ەلدىڭ باتىسىنداعى رۋرعا شوعىرلانعان. تۇرمىستىق تەحنيكادان باستاپ زاۋىتتىق قۇرال-جابدىقتارعا دەيىنگى ءار ءتۇرلى تاۋارلار وندىرەتىن وڭدەۋشى ونەركاسىپ سالاسىنا ەلدەگى جۇمىس كۇشىنىڭ %25-ى قامتىلعان.
گەرمانيا ونەركاسىبىنىڭ جەتەكشى سالالارىنا قارا جانە ءتۇستى مەتاللۋرگيا، ماشينا جاساۋ، ەلەكتروندىق، حيميالىق جانە مۇناي-حيميا كاسىپورىندارى جاتادى. بۇل ونەركاسىپتىك ەل قورشاعان ورتانىڭ لاستانۋىنان قاتتى زارداپ شەگەدى. مىسالى، شۆارتسۆالدتاعى بۇكىل ورمانداردىڭ جارتىسى دەرلىك قىشقىل جاۋىندارمەن زاقىمدانعان. گەرمانيا تابيعاتتى قورعاۋمەن بايىپتى تۇردە اينالىسا باستاعان العاشقى باتىس ەلدەرىنىڭ ءبىرى. قازىر "جاسىلدار" پارتياسىنىڭ وكىلدەرى گەرمان پارلامەنتى — بۋندەستاگتەگى كوپشىلىك ورىندى يەمدەنىپ وتىر. "جاسىلدار" پارتياسى مەن تابيعات قورعاۋ ۇيىمدارىنىڭ قىسىمىمەن گەرمانيا قورشاعان ورتانىڭ جاعدايىنا باقىلاۋدى قاتال قولعا الىپ، اتوم ەلەكتر ستانتسيالارىن جابا باستادى. گەرمانيا قۇرعاقتاعى، سۋ جانە اۋە كولىگىنىڭ تاماشا جۇيەسىنە يە. تاۋارلار مەن جولاۋشىلاردىڭ كوپشىلىگى اۆتوجولدار ارقىلى تاسىلادى.
گەرمانياداعى جولداردىڭ جالپى ۇزىندىگى 650000 كيلومەتردەن استام (ونىڭ ىشىندە اۆتوسترادا جولدارىنىڭ ۇزىندىعى 11 400 كيلومەتر). ەلدىڭ كوپتەگەن ءىرى قالالارى ءبىر-بىرىمەن 280 كيلومەتر جىلدامدىقپەن جۇرەتىن ICE ("ينتەرسيتي — ەكسپرەسس") پويەزدارى قاتىنايتىن ۇشقىر تەمىر جولدار ارقىلى بايلانىسقان. ءىرى قالالاردىڭ اراسىنداعى تۇراقتى اۆيارەيستەر ءبىر ساعاتتان ءسال استام ۋاقىتتى الادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
