بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

پۋتين: قىرىمدى الۋ جوسپارىمىزدا جوق بولاتىن

2014.04.11 10:46     كەلۋ قاينارى : حالىق تورابى

  حالىق تورابى، 10 – ءساۋىر، ماسكەۋ. رەسەي يتار – تاس اگەنتتىگىنىڭ حابارلاۋىنشا، رەسەي زۇڭتۇڭى پۋتين 10 – ساۋىردە ءبىرتۇتاس رەسەي حالىقتىق شەبىنىڭ ۋاكىلىن قابىلداعان كەزدە: قىرىمدى قوسىپ الۋ رەسەيدىڭ جوسپارىندا جوق بولاتىن، بۇل تالعامدى ءبىز قىرىم تۇرعىندارىنىڭ تالابىنا ساي جاسادىق، - دەدى.

  كەزدەسۋ بارىسىندا پۋتين قىرىمدى رەسەيگە قوسىپ الۋ تۋرالى بەكىمدى قىرىم تۇرعىندارىنىڭ تالابىنا ساي جاساعانىن ايتا كەلىپ، رەسەيدىڭ ءىستىڭ بۇلاي بولارىن الدىن – الا ويلاسپاعانىن ايتتى.

  پۋتين قىرىمدا جۇرگىزىلگەن جاسىرىن ساناق ناتيجەسىندە جەرگىلىكتى تۇرعىنداردىڭ تالابىن انىق ۇعىنعانىن جەتكىزدى. ونىڭ ايتۋىنشا، قىرىمداعى قوعامدىق تەكسەرۋ ناتيجەسىنە قاراعاندا، مولشەرمەن %80 قىرىم تۇرعىندارى رەسەيگە قوسىلۋدى قۋاتتاعان، ال سەۋاستوپولدا بۇل كورسەتكىش ءتىپتى جوعارى. ول قىرىم مەن سەۋاستوپول تۇرعىندارىنىڭ مايدانىنا راحىمەتىن ايتتى.

  پۋتين قىرىمنىڭ ەكونوميكالىق دامۋ كومەسكى قۋاتىنىڭ زور ەكەنىن تىلگە تيەك ەتىپ، الداعى جىلداردا قىرىمنىڭ قارايلاسۋدى قاجەت ەتەتىن وڭىردەن سىرتقا قارجى قۇياتىن وڭىرگە اينالاتىنىنا سەنىم ءبىلدىردى.

  ەستەرىڭىزگە سالا كەتسەك، ناۋرىزدىڭ 16 – جۇلدىزىندا قىرىمدا رەسەيگە قوسىلۋ – قوسىلماۋ تۋرالى جالپى حالىقتىق داۋىس بەرۋ وتكىزىلىپ، داۋىس بەرۋگە قاتىناسقانداردىڭ %96.77ى رەسەيگە قوسىلۋدى قۋاتتاعان بولاتىن.

  18 – ناۋرىزدا رەسەي زۇڭتۇڭى پۋتين قىرىم جانە سەۋاستوپولدىڭ ۋاكىلدەرىمەن كرەمل سارايىندا رەسەيگە قوسىلۋ تۋرالى كەلىسىمگە قول قويدى.

  بۇل كەلىسىمشارت 21 – ناۋرىزدا رەسەي اتا زاڭ سوتى، رەسەي فەدەراتسياسىنىڭ مەملەكەتتىك دۋماسى جانە رەسەي فەدەراتسيالىق كوميتەتىنىڭ ماقۇلداۋىنان ءوتىپ، رەسەي زۇڭتۇڭى پۋتين قىرىم مەن سەۋاستوپولدى رەسەيگە قوسىپ الۋعا قاتىستى ەلارالىق شارتتار تۋرالى زاڭ مەن جاڭا فەدەراتسيالىق سۋبيەكتىنىڭ رەسەيگە قوسىلۋ باسقىشتارىنا قاتىستى رەسەي فەدەراتسياسىنىڭ اتا زاڭ جوباسىنا قول قويدى، سونىمەن قىرىم مەن سەۋاستوپولدىڭ رەسەيگە قوسىلۋىنا قاتىستى بارلىق زاڭدىق بارىستاردى ورىندادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.