- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
اۋعانستان زور سايلاۋىنىڭ ەكىنشى كەزەكتەگى داۋىس بەرۋىنىڭ وتكىزىلەتىندىگى نەگىزىنەن تۇراقتاندى
2014.05.14 16:09 كەلۋ قاينارى : شينجياڭ حالىق راديو ستانسياسى تورابى
اۋعانستان دەربەس سايلاۋ كوميتەتى 26-ءساۋىر كەشتە اۋعانستان زۇڭتۇڭ زور سايلاۋىنىڭ تۇڭعىش كەزەكتى داۋىس بەرۋىنىڭ العاشقى ناتيجەسىن جاريالادى. 3 اپتاداعى ساناققا قاراعاندا، مۇندا تەڭ جارىمنان ارتىق داۋىسقا يە بولعان كانديدات بولماي، اۋعانستانداعى قارسى توپتىڭ باسشىسى ابدوللا %44.9 داۋىسقا يە بولىپ، ءبىرىنشى ورىنعا شىقتى. بۇرىنعى قازىنا مينيسترى اشراف گاني احمەتزاي %31.5 داۋىسقا يە بولىپ، ەكىنشى ورىندا تۇر، وسىدان بۇرىن قازىرگى زۇڭتۇڭ كارزايدىڭ اعاسىنىڭ قولداۋىنا يە بولعان بۇرىنعى سىرتقى ىستەر مينيسترى لاسۇر %11.5 داۋىسقا يە بولدى. سايلاۋ كوميتەتى داۋىس بەرۋ ناتيجەسىن قايتالاي تەكسەرەتىندىكتەن، ءارى قاتىستى ارىز-شاعىمدى ءبىر جايلى ەتەتىندىكتەن، تۇڭعىش كەزەكتى داۋىس بەرۋدىڭ رەسمي ناتيجەسى مامىردىڭ ورتا شەنىندە جاريالانادى.
ابدوللا 27-ءساۋىر كۇنى اقپارات جاريالاۋ ماجىلىسىندە اۋعانستاننىڭ سايلاۋ قۇرىلىمىن داۋىس بەرۋدى ەسەپتەۋگە قاتىستى ارىز-شاعىم مەن ورىن تەبۋ مۇمكىندىگى بار قارالىق ىستەۋ جاعدايىن تەكسەرۋگە قۋزادى، ول ەكىنشى كەزەكتى سايلاۋعا قاتىناسۋ-قاتىناسپاۋ ۇيعارىمىن سوڭعى ناتيجە جاريالانعاننان كەيىن جاسايتىندىعىن ايتتى. ول: ەگەر ەندىگى كەزەكتەگى داۋىس بەرۋ بارىسى زاڭدى، ءادىل بولاتىن بولسا، وندا داۋىس بەرۋ ناتيجەسىن قابىلدايمىز،-دەدى. احمەتزاي سول كۇنى، العاشقى داۋىس بەرۋ ناتيجەسىن مويىندايتىندىعىن ايتتى، ءارى: 2-كەزەكتى سايلاۋعا قاتىناسۋ دايىندىعىن جاساپ بولدىم، ــ دەدى.
اۋعانستاننىڭ زاڭداعى بەلگىلەمەسى بويىنشا، ەگەر ءبىرىنشى كەزەكتى داۋىس بەرۋدە يە بولعان داۋىس سانى تەڭ جارىمىنان اسقان كانديدات بولماسا، داۋىس سانى جوعارى بولعان ەكى كانديدات ەكىنشى كەزەكتى داۋىس بەرۋ باسەكەسىنە تۇسەدى. جەرگىلىكتى جاماعات پىكىرى بىلاي دەپ قارادى: سايلاۋ بارىسىنا بوتەن پىكىر بولسا دا، الايدا كانديداتتاردىڭ بىلدىرگەن پوزيتسياسى ولاردىڭ 2-كەزەكتى داۋىس بەرۋگە قاتىناسۋعا ىشكى جاقتا دايىندالىپ بولعانىن اڭعارتادى. سايلاۋعا قاتىناسقان كانديداتتاردىڭ ارىز بەرۋ-بەرمەۋ ۇيعارىمىنا كەلۋىنە 18 كۇن ۋاقىتى بار، ابدوللانى قامتىعان كانديداتتار، وسى رەتكى داۋىس بەرۋدىڭ جاريالىلىعىنىڭ بۇرىنعى كەزدەگىدەن جاقسى ەكەنىن ايتتى.
اقپارات قۇرالدارى شولۋ جاريالاپ بىلاي دەپ قارادى: زور سايلاۋ مامىردىڭ اياعىندا ەكىنشى كەزەگىنە وتەتىندىگى تۇراقتانىپ بولدى، ابدوللا مەن احمەتزاي 2-كەزەكتى داۋىس بەرۋدە جالعاستى باسەكەگە ءتۇسۋى مۇمكىن. كەزەكتە اۋعانستان ەلىندە ساياسي كۇشتەر كوپ، مۇددە جاقتاعى قاجەتى تۇرلىشە، سايلاۋ ناتيجەسى بەيمالىم بولعان جاعدايدا، ءىشىنارا ساياسي كۇشتەر ساياسي تىرەستى كۇشەيتۋى مۇمكىن. وسى اراداعى جاماعات پىكىرى، ءار قايسى جاقتىڭ ورتاق تانىمعا كەلىپ، اۋعانستان ۇكىمەت بيلىگىنىڭ ورنىقتى ءوتۋىن ىلگەرىلەتۋگە بەرىك نەگىز قالاۋىن ءتورت كوزبەن كۇتتى.زور سايلاۋ ەكىنشى كەزەكتى داۋىس بەرۋگە وتە قالسا، باسقا كانديداتتاردىڭ قولداۋ مولشەرى دە توتەنشە ماڭىزدى بولادى. كەزىندە جەرگىلىكتى اقپارات قۇرالدارى، ابدوللا مەن احمەتزايدىڭ بىرلەسكەن ۇكىمەت قۇرۋدى قاراستىرۋ مۇمكىندىگىن حابارلاعان بولاتىن، الايدا بۇل حاباردى ەكەۋى تەز ارادا تەرىستەدى. وسى اراداعى تالداۋ جاساۋشىلار شولۋ جاريالاپ بىلاي دەپ اتاپ كورسەتتى: داۋىسى جوعارى بولعان ەكى كانديداتتىڭ پارقى كوپ بولماعاندىقتان، ونىڭ ۇستىنە ەكەۋى سەلبەسكىسى كەلمەگەندىكتەن، باسقا كانديداتتار وسى ساتتە جاعدايدى باعىپ، ەكى كانديداتتىڭ بىرەۋىن تاڭداپ، ساياسي وداق قۇرىپ، الدىمەن ءوز ىقپالىن ساۋلەلەندىرۋ ارقىلى ونىڭ جەڭىپ شىعۋىنا كومەكتەسەدى، وسى ارقىلى اناعۇرلىم كوپ مۇددەگە كەنەلۋگە كۇش سالادى. بۇدان سىرت، ءار قايسى ساياسي كۇشتەردىڭ ءبىر-بىرىمەن راقايلاسۋى مەن سەلبەسۋى كەرەك بولىپ، ءوزارا ساياسي دارىپتەمەسى جاعىندا دا تىرەسۋى جانە ىمىراعا كەلۋى مۇمكىن.
تالداۋ جاساۋشى قايراتكەرلەر بىلاي دەپ اتاپ كورسەتتى: ابدوللا مەن احمەتزاي قازىر نەداۋىر ابزالدىلىقپەن الدا كەلە جاتقانىمەن، الايدا تۇڭعىش كەزەكتى داۋىس بەرۋدە قاتاردان قالعاندار سايلاۋ ءادىل بولمادى جانە قارالىق ىستەۋ ورىن تەپتى دەگەندى سىلتاۋ ەتىپ، سايلاۋ ناتيجەسىنە كۇدىك ارتۋى جانە ارىز بەرۋى مۇمكىن، وسى سەبەپتى زور سايلاۋدىڭ بولاشاعى ءالى دە بۇلىڭعىر. الايدا، قازىرگى داۋىس بەرۋ ناتيجەسىنەن شىققان تۇرلىشە ساياسي تالاپتىڭ كۇشتى قايشىلىقتارى سايلاۋ جاعدايىن بارىنشا كۇڭگىرت ەتكەنمەن، بۇل ءارى اۋعانستان بۇقاراسىنىڭ جۇرەك ۇنىن ءبىلدىردى.سىرتتاعىلار شولۋ جاريالاپ بىلاي دەپ اتاپ كورسەتتى: قازىر سايلاۋ جاعدايى انىق ەمەس، كىمنىڭ جەڭىپ، كىمنىڭ سۇرىنەتىنى بەيمالىم. ابدوللا مەن احمەتزايدىڭ ءوز ەرەكشەلىگى، ارتىقشىلىعى بار. ابدوللا كەزىندە اۋعانستاننىڭ سىرتقى ىستەر مينيسترى بولعان، الدىڭعى كەزەكتى زور سايلاۋدا كارزايمەن ءبىر كەزەك باسەكەگە ءتۇسىپ، سوڭىندا زور سايلاۋدىڭ ادىلسىزدىگىنە قارسىلىق ءبىلدىرىپ، سايلاۋدان شەگىنىپ شىققان. ابدوللا: ەگەر زۇڭتۇڭدىققا سايلانسام رەفورماعا ءمان بەرىپ، كاسىپتەنۋدى جەبەۋگە كۇش سالامىن، سونىمەن بىرگە، اۋعانستاننىڭ حاۋىپسىزدىك جاعدايىن جاقسارتۋعا قۇلشىنامىن،-دەدى. تالداۋ جاساۋشىلار بىلاي دەپ اتاپ كورسەتتى: ابدوللا اۋعانستاننىڭ قوعامدىق جەتەرسىزدىگىن ابدەن بىلەدى، ونىڭ بەرىك جاڭالىق جاراتۋ وبرازى بۇقارانىڭ قولداۋىنا اناعۇرلىم وڭاي يە بولادى.
كەرىسىنشە، احمەتزايدىڭ ەكونوميكا سالاسىنداعى تاكتيكاسى ونىڭ ارتىقشىلىعى. احمەتزاي ەرتەرەكتە ا ق ش-تىڭ كولومبيا ۋنيۆەرسيتەتىنەن دوكتورلىق اتاق العان، دۇنيە ءجۇزى بانكەسىندە قىزمەت ىستەگەن، ءارى اۋعانستاننىڭ قازىنا مينيسترى بولعان، كوپتەگەن ساياساتى جاقسى باعاعا يە بولعان. كەزەكتە ەكونوميكا قۇلدىراپ، شەتەلگە يەك سۇيەۋ كۇشەيدى، سوعىستان كەيىنگى قايتا قۇرۋدا ماڭىزدى تاقىرىپ بولىپ وتىر، ەگەر زۇڭتۇڭدىققا سايلانسا، احمەتزايدىڭ ەكونوميكا جاقتاعى ارتىقشىلىعىن بارىنشا ساۋلەلەندىرەتىن ءورىسى كەڭ.ەكىنشى كەزەكتى سايلاۋدىڭ وتكىزىلۋىنىڭ مۇمكىن بولۋىنا بايلانىستى، قازىر يە بولعان داۋىسى الدا بولعان ەكى كانديدات شەتەلگە قاتىستى ساياسات جونىندە پوزيتسيا بىلدىرگەندە ەرەكشە ابايلاپ، ەكەۋى دە وزدەرىنىڭ ديپلوماتيالىق شارالارىن ناقتىلى باياندامادى. كوڭىل بولۋگە تاتيتىنى، ەكەۋى دە اۋعانستان مەن ا ق ش-تىڭ قاتىناسىن جاقسارتۋ جونىندە بەلسەندى پوزيتسيا ءبىلدىردى، ءارى زۇڭتۇڭدىققا سايلانا قالسا، ا ق ش پەن جۇرت نازارىن اۋدارىپ وتىرعان اۋعانستان مەن ا ق ش-تىڭ «ەكى جاقتىلى حاۋىپسىزدىك كەلىسىمىن» تەزىرەك جاساسۋ ارقىلى، 2014-جىلعى ا ق ش-تىڭ اۋعانستاندا اسكەر ورنالاستىرۋ كولەمى مەن قاتىستى ۇقىعىن تەزىرەك تۇراقتاندىراتىندىعىن ايتتى. كارزاي وسىدان بۇرىن بۇل حاۋىپسىزدىك كەلىسىمىنە قول قويۋدان باس تارتىپ كەلگەن، ءارى شەشىم جاساۋ ۇقىعىن ءوزىنىڭ مۇراگەرىنە وتكىزىپ بەرەتىندىگىن ايتقان.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
