بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

سيريانىڭ زور سايلاۋى تىڭ داعدارىستى تۋدىرۋى نەمەسە جالعىز كەيىپكەرلى تەاترعا اينالۋى مۇمكىن

2014.05.14 16:10     كەلۋ قاينارى : شينجياڭ حالىق راديو ستانسياسى تورابى

  شەتەل اقپارات قۇرالدارىنىڭ سيريا ۇكىمەتىنىڭ حابار قاينارىنان سيتات كەلتىرۋىنە قاراعاندا، سيريا حالىقتىق پارلامەنتىنىڭ باستىعى ءبىر پارلامەنت مۇشەسىنىڭ 22-ساۋىردە زۇڭتۇڭ كانديداتتىعىنا ءوتىنش بەرۋگە تىزىمدەلگەنىن جاريالادى. ول سيريا زۇڭتۇڭ كانديداتتىعىنا تىزىمدەۋ قىزمەتى باستالعاننان بەرگى تۇڭعىش ءوتىنىش بەرۋشى. سيريا پارلامەنتىنىڭ باستىعى ال-لاحام، ماشير حاگال اتتى پارلامەنت مۇشەسىنىڭ 22-ساۋىردە سيريانىڭ ەڭ جوعارى نەگىزگى زاڭ سوت مەكەمەسىنە ءوتىنىشىن تاپسىرعانىن، ءارى زۇڭتۇڭ كانديداتتىعىنا قاجەتتى بارلىق حۇجاتتاردى تىزىمدەتكەنىن، ءارى ونىڭ قابىلدانعانىن ايتتى. سيريا ەڭ جوعارى نەگىزگى زاڭ سوت مەكەمەسىنىڭ اقپارات مالىمدەمەشىسى قادىرا وسى حاباردى راستاپ، حاگالدىڭ 22-ساۋىردە زۇڭتۇڭ كانديداتتىعىنا تىزىمدەۋ قىزمەتى باستالعاننان بەرگى بىردەن-ءبىر ءوتىنىش بەرۋشى ەكەنىن، وزگە ءوتىنىش بەرۋشىلەردىڭ اۋەلگىدەي 1-مامىردان بۇرىن ەڭ جوعارى نەگىزگى زاڭ سوت مەكەمەسىنە ءوتىنىشىن تاپسىرۋىنا بولاتىندىعىن ايتتى. سيريانىڭ سايلاۋ زاڭىنا نەگىزدەلگەندە، زۇڭتۇڭ كانديداتىنىڭ تولىمدىلىعىنا ءوتىنىش بەرۋشى ءسوزجوق كەم دەگەندە 35 پارلامەنت مۇشەسىنىڭ قولداۋىنا يە بولعاندا عانا رەسمي كانديداتقا اينالادى ەكەن، سونداي-اق نەگىزگى زاڭ سوت مەكەمەسى مويىنداعان كەم دەگەندە ەكى زۇڭتۇڭ كانديداتى بولعاندا عانا زۇڭتۇڭ سايلاۋىن وتكىزۋگە بولادى ەكەن، ايتپەگەندە پارلامەنت باستىعى كانديدات سانى بەلگىلەنگەن سانعا جەتكەنگە دەيىن ءوتىنىش بەرۋشىلەردى تىزىمدەۋ جۇمىسىن قايتا باستاۋعا ۇقىقتى. سيريانىڭ ەڭ جوعارى نەگىزگى زاڭ سوت مەكەمەسى بارلىق ءوتىنىش بەرۋشىلەردىڭ تولىمدىلىعىن تەكسەرەدى، ءارى تىزىمدەۋ قىزمەتى اياقتاپ 5 كۇننەن كەيىن رەسمي كانديداتتار ەسىمدىگىن جاريالايدى. سيرياداعى داۋىس بەرۋ 3-ماۋسىمدا باستالادى، ال سيريانىڭ باسقا ەلدەگى ازاماتتارىنىڭ داۋىس بەرۋى 28-مامىردا الدىمەن وتكىزىلەدى. ەگەر وسى رەتكى سايلاۋ ءساتتى وتكىزىلسە، بۇل سيريانىڭ تۇڭعىش رەت كوپ كانديدات قاتىناسقان تۇڭعىش زور سايلاۋ بولماق. ءساۋىردىڭ باسىنان باستاپ، سيريا ۇكىمەتىنىڭ نەگىزگى باسشىلارى كوپ رەت، ۇكىمەتتىڭ بيىل ۋاعىندا زور سايلاۋ وتكىزەتىندىگىن، وسىدان بۇرىنعى كەيبىر قاۋەسەتتەردەگىدەي زۇڭتۇڭنىڭ مىندەت مەرزىمىن ۇزارتپايتىندىعىن ايتتى. سيريانىڭ اقپارات مينيسترى زۋابي 8-ساۋىردە، ۇكىمەتتىڭ بەلگىلى ۋاقىت ىشىندە نەگىزگى زاڭدا بەلگىلەنگەن سايلاۋعا دايىندالۋ ءتارتىبىن ورىنداپ، كىمدە كىمنىڭ ءار قانداي سىلتاۋمەن زور سايلاۋدىڭ وتكىزىلۋىن بوگەۋىنە رۇحسات ەتپەيتىندىگىن ايتتى. سيريانىڭ قازىرگى زۇڭتۇڭى باشار اسادتىڭ مىندەت مەرزىمى 17-شىلدەدە اياقتايدى، ول كەزىندە، بيىلعى زۇڭتۇڭ زور سايلاۋىنا قاتىناسۋى، ءارى جالعاستى زۇڭتۇڭ بولۋعا ۇمتىلۋى مۇمكىن ەكەنىن ايتقان بولاتىن.

  سيريا زور سايلاۋى جونىندە سىرتتاعى قايراتكەرلەر جالپى بەتتىك «باشاردىڭ وڭاي عانا جەڭىسكە جەتۋ ىقتيمالدىعى كۇشتى» دەپ قارادى. ويتكەنى ناۋرىزدىڭ ورتا شەنىندە سيريا پارلامەنتى ءبىر جاڭا سايلاۋ زاڭىن بەكىتكەن. وسى زاڭ بويىنشا بىرنەشە زۇڭتۇڭ كانديداتىن كورسەتۋگە بولادى، الايدا زۇڭتۇڭ كانديداتتارى وسى ەلدە كەم دەگەندە 10 جىل تۇرعان بولۋى قاجەت ەكەن. وسى بەلگىلەمەدەن بىرنەشە ماڭىزدى قارسى توپ قايراتكەرلەرى سايلاۋعا قاتىناسۋ ورايىنان ايىرىلدى. ەگەر جاعداي شىنىندا دا وسىلايشا دامي بەرسە، وندا زۋابيدىڭ سايلاۋدى مۇكىندىگىنشە ءادىل، اشىق جۇرگىزۋ ۋادەسى فورما جاعىنداعى قۇر ءسوز بولىپ، سيريا زور سايلاۋى سيريا ۇكىمەتىنىڭ جالعىز كەيىپكەرلى تەاترىنا اينالۋ ىقتيمالدىعى كۇشەيە تۇسەدى.

  سيريا ۇكىمەتىنىڭ سايلاۋعا وسىنشاما دابىرالى دايىندالۋى 2014-جىلدان بەرى سيريا ۇكىمەت ارمياسىنىڭ سوعىس مايدانىندا ىرىقتىلىققا يە بولىپ، قايتارما شابۋىل كەزەڭىنە وتۋىمەن بايلانىسى كۇشتى. جۋىردا، باشار ۇكىمەتىنىڭ اسكەري ارەكەتتەگى ءبىر قىدىرۋ جەڭىستەرىنەن سىرتتاعىلار «ۇكىمەت ارمياسى ىشكى سوعىستا جەڭىسكە جەتەدى» دەگەن مەجەلەۋىن كۇشەيتتى. 14-ساۋىردە باشار ءسوز سويلەپ: ۇكىمەت ارمياسى جىل سوڭىنان بۇرىن نەگىزگى سوعىستاردى اياقتاتادى، سيريا داعدارىسى بۇرىلىس كەزەڭىنە جەتتى،-دەدى. قۇدايشىلدار پارتياسىنىڭ باسشىسى ناسىروللا، سيريا باسشىسىنىڭ اۋدارىلۋ قاتەرىنىڭ ەندىگارى بولمايتىندىعىن ايتتى. الايدا، سيريا ەل ءىشىنىڭ تۇتاس سوعىس جاعدايىنان قاراعاندا، سيريا ۇكىمەت ارمياسىنىڭ باسىمدىلىعى ءالى دە ورنىقتى بولا قويماعان، جەڭىسكە جەتۋدەن اۋىز اشۋعا تىم ەرتە. تالداۋ جاساۋشى قايراتكەرلەر: سيريانىڭ قازىرگى ىشكى سوعىس جاعدايى سوعىستان بۇرىنعى جاعدايدان كوپ پارىقتالىپ كەتپەيدى، سيريانىڭ سولتۇستىگى مەن شىعىس بولەگىندەگى كەڭ بايتاق رايوندى اۋەلگىدەي قارسى توپتاعىلار مەڭگەرۋدە، ايتىلمىس جەڭىس تەك باشار اكىمياتىنىڭ تابان تىرەپ تۇرۋى جونىنەن العاندا اسا ماڭىزدى باتىس بولەك رايونىن قايتارىپ الۋدى عانا مەڭزەيدى،-دەپ قارادى. بىرنەشە اپتادان بەرى، سيريانىڭ ارميا جاعى داماسكىنىڭ سولتۇستىك بولەگىندەگى كۋالامون رايونىندا ءبىر قىدىرۋ جەڭىستەرگە قول جەتكىزگەنىمەن، الايدا ولاردىڭ كەلەسى قادامداعى ارەكەتى ءالى انىق ەمەس. كەي حابارلاردا بىلاي دەلىندى: سيريانىڭ ارميا جاعى ۇزاق ۋاقىت سوعىسۋ، ءولىم-ءجىتىم جاعدايى اۋىر بولۋ جانە قاشقان اسكەر مولشەرى كوبەيۋ سىندى مۇشكىل جاعدايدا تۇر، باتىس بولەك رايوندى قايتارىپ الۋ قۇدايشىلدار پارتياسى جانە يراقتىڭ قولداۋىنىڭ ارقاسىندا ىسكە استى. وڭتۇستىك بولەكتەگى قارسى توپ مەڭگەرگەن دەلا ولكەسىن، نەمەسە قارسى توپ جانە ۇشقارى كۇشتەر مەڭگەرگەن يدليب ولكەسى مەن حالاب ولكەسىن جالعاستى سوققىلاسا، ارميانىڭ كۋالامون رايونىن جانە شىعاناق رايونىن قورعاۋعا شاماسى جەتپەي قالادى، ءارى قارسى توپتىڭ وسى رايونعا قايتا كىرۋ ىقتيمالدىعى ارتادى. سوندىقتان، مۇنداي جاعدايدا سيريا ۇكىمەتى ءوزى مەڭگەرگەن زور سايلاۋدى ىلگەرلەتۋگە اسىعۋىنىڭ ناقتى ءمانى حالىق تىلەگىنە ۇمتىلىپ، ءار جاقتىڭ الاۋىزدىقتارىن شىنايى شەشۋمەن، ءارى ءبىر اۋىزىلدىلىققا كەلەتىن العاشقى ويىمەن مۇلدە سايكەسپەۋى مۇمكىن. قازىرگە دەيىن زۇڭتۇڭ سايلاۋ باسەكەسىنە قاتىناسۋدى اشىق جاريالعان وزگە ادام بولمادى. ال سيرياداعى قارسى توپ سايلاۋدى باتىل شەكتەدى. سيريانىڭ سىرتىنداعى نەگىزگى قارسى توپ ۇيىمى ـــــ «سيرياداعى قارسى توپتار جانە توڭكەرستىك كۇش مەملەكەتتىك وداعىنىڭ» مۇشەسى بادىل جامىس 10-ساۋىردە، وسى ۇيىمنىڭ ءارقانداي جاعدايدا سيريا ۇكىمەتى ۇيىمداستىرعان وسى رەتكى سايلاۋعا كانديدات كورسەتپەيتىندىگىن، ءارى قازىرگىدەي احۋالدا سايلاۋ وتكىزۋدىڭ سوقتىعۋ ارەكەتى ەكەندىگىن ايتتى. جوعارىداعى ءتۇرلى جاعدايلار مىنانى اڭعارتادى: سيريا سايلاۋىنىڭ ساياسي نەگىزى توتەنشە ءالسىز، سيريانىڭ قازىرگى ۇكىمەتى مەن قارسى توپتىڭ زور سايلاۋداعى الاۋىزدىعى كۇن سايىن ۋشىققاندىقتان، وسى رەتكى سايلاۋدىڭ فورما جاعىنداعى ءمانى ناقتى مازمۇنىنان باسىم ورىندا تۇرۋى مۇمكىن. ەگەر باشار جەڭىسكە جەتسە، بۇل تەك قازىرگى ۇكىمەتتىڭ ساياسي تىلەگىنە عانا ۋاكىلدىك ەتەدى دە، وزگە توپتاردىڭ ساياسي تىلەگىنىڭ وسى بارىستا بەينەلەنۋى قيىنعا سوعادى. مۇنداي ناتيجە نەگىزىندە، سيريا ۇكىمەتىندەگى ءار قايسى توپتاردىڭ داعدارىستى كەڭەسىپ ءبىر جايلى ەتۋ بولاشاعى كوڭىلدەگىدەي بولمايدى، تىڭ قارۋلى قاقتىعىس داعدارىسى قاشان بولسىن قايتا تۋىلۋى مۇمكىن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.