بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

پۋتين: قيتىعىمىزعا تيمەڭدەر

2014.09.02 07:53     كەلۋ قاينارى : حالىق تورابى


  26 – تامىز، بەلورۋسسيانىڭ استاناسى مينيسكى، رەسەي زۇڭتۇڭى پۋتين (سولدا)، بەلورۋسسيا زۇڭتۇڭى لۋكاشەنكو (ورتادا)، ۋكراينا زۇڭتۇڭى پوروشەنكو قاتارلىلار جينالىس الدىندا سۋرەتكە ءتۇستى.

  رەسەي زۇڭتۇڭى ۆلاديمير پۋتين 29 – تامىز كۇنى سويلەگەن سوزىندە: رەسەي الدىڭعى قاتارداعى يادرولىق قارۋعا يە مەملەكەتتەردىڭ ءبىرى، ەڭ جاقسىسى ءبىزدىڭ قيتىعىمىزعا تيمەڭدەر»، - دەپ ايتىپ سالدى.

  سول كۇنى پۋتين ماسكەۋدىڭ ماڭىنداعى جاستارعا ارنالعان جازعى لاگەردە ءسوز سويلەپ، «رەسەي ۋكراينانىڭ شىعىسىنا اسكەر كىرگىزىپ، ۋكرايناداعى حالىقتىق قارۋلى كۇشتەرگە قولداۋ كورسەتتى» دەگەن ايتىلىمعا تويتارىس بەردى. ول: «رەسەي ەشقانداي كولەمدى قاقتىعىسقا ارالاسقان جوق، ولاي ىستەمەيمىز، ولاي ىستەۋ ويىمىز دا جوق. الايدا، ءبىز رەسەيگە جاسالعان ءارقانداي شاپقىنشىلىقتىڭ بەتىن قايتارۋعا ءسات – ساعات سايىن دايىن بولۋىمىز كەرەك»، - دەدى.

  ول تاعى رەسەيدىڭ «سەرىكتەرى» وسىنى ۇعىنۋى كەرەك دەي كەلىپ: «ەڭ جاقسىسى ءبىزدىڭ قيتىعىمىزعا تيمەڭدەر... سەندەرگە ەسكەرتەرىم، رەسەي الەمدەگى ەڭ ءىرى يادرولىق قارۋعا يە ەلدەردىڭ ءبىرى»، - دەپ كەسەتتى.

  الايدا، ول تاعى: «مەنشە ەشقانداي مەملەكەت تە رەسەيمەن قاقتىعىسۋدى ويلاپ وتىرعان جوق»، - دەپ جايماشۋاقتادى.

  پۋتين ۋكراينا ارمياسىنىڭ شىعىس بولەكتەگى حالىقتىق قارۋلى ەلەمەنتتەرگە قاراتقان اسكەري ارەكەتىن دۇنيە جۇزىلىك ەكىنشى سوعىس كەزىندەگى ناتسيستىك گەرمانيا ارمياسىنىڭ لەنينگراد قاتارلى سوۆەت قالالارىنا قورشاپ شابۋىلداۋىنا تەڭەپ، ۋكراينا ۇكىمەتىن حالىقتىق قارۋلى كۇشتەرمەن كەلىسىمگە كەلۋگە ۇندەدى.

  رەسەي مەن ۋكراينا جانە باتىس ەلدەرى اراسىنداعى جاعداي جۋىردان بەرى بارعان سايىن شيەلەنىستى. ۋكراينا جاق رەسەي ۋكرايناعا اسكەر كىرگىزىپ، شىعىس بولەكتەگى قارۋلى ەلەمەنتتەردى كوپ مولشەردە قارۋ – جاراقپەن قامدادى دەپ جازعىردى، ال رەسەي مۇنى تەرىسكە شىعاردى.

  ۋكراينا زۇڭليى ارسەني ياتسەنۋيك 29 – تامىزدا «ۋكراينا ناتوعا قوسىلۋعا ارەكەت جاسايدى» دەپ جاريالاپ، پارلامەنتكە جوبا ۇسىنىپ، ۋكراينانىڭ وداقتاسپاۋ ساياساتىن اقىرلاستىردى.

  ناتوعا مۇشە ەلدەر سول كۇنى شۇعىل ءماجىلىس اشىپ، ۋكرايناداعى جاعدايدى تالقىلادى. ناتونىڭ باس حاتشىسى اندەرس فوگ راسموسسەن ناتونىڭ ەسىگى ۋكرايناعا قاشاندا اشىق دەگەن ەمەۋرىن ءبىلدىردى. ۋكراينانىڭ ناتوداعى تۇراقتى ۋاكىلى جيىندا ناتودان ۋكراينانى قارۋ – جاراقپەن قامداۋدى ءوتىندى، ءدال قازىرگى ساتتە ناتودان اسكەر شىعارۋدى وتىنبەيتىنىن ءبىلدىردى.

  ناتو جاق ۋكراينا داعدارىسىنا قارۋلى جولمەن كيلىگۋدى ويلاستىرماعانىن وسىنىڭ الدىندا نەشە رەت مالىمدەگەن بولاتىن. ا ق ش زۇڭتۇڭى باراك وباما 28 – تامىزدا سويلەگەن سوزىندە ماسەلەنى قارۋمەن شەشۋگە بولمايتىنىن ايتىپ: «بۇل وڭىردە ا ق ش پەن رەسەي اراسىندا اسكەري قاقتىعىس بولۋى مۇمكىن ەمەس» دەگەن.

  الايدا، ناتو قازىر شىعىس بولەكتەگى مۇشە ەلدەردە اسكەري قۋاتىن ارتتىرىپ، رەسەيدەن ساقتانۋعا ءوتتى. ناتونىڭ اسكەري جاتتىعۋىنا جاۋاپتى ادامنىڭ ايتۋىنشا، ناتو قازىرگى كەزدە ەكى كۇن سايىن ءبىر رەت اسكەري مانەۆر وتكىزۋدە، مۇنداعى ماقسات قوسىننىڭ قۋاتىن ساقتاۋ، الداعى بىرنەشە جىلدا شىعىس بولەكتەگى مۇشە ەلدەردە اسكەي مانەۆر جالعاستى كوپ وتكىزىلەتىن بولادى.

  قىركۇيەكتىڭ باسىندا وتكىزىلگەن ناتوعا مۇشە ەلدەردىڭ باسشىلار ماجىلىسىندە قوسىنداردىڭ سوعىسقا دايىندالۋ قۋاتىن كۇشەيتۋ تۋرالى تالقىلانعان. انگليا «فينانس گازەتىنىڭ» 29 – تامىزدا حابارلاۋىنشا، ناتوعا مۇشە 7 مەملەكەت رەسەيگە قاراتا شۇعىل قيمىلدايتىن بىرلەسپە اسكەري قوسىن قۇرۋدى ويلاستىرۋدا، بۇل قوسىن 10 مىڭ جاساقتان قۇرالادى، قۇرامىندا قۇرلىق، تەڭىز جانە اۋە ارمياسىنىڭ اسكەرلەرى بولادى. بۇل قوسىنعا انگليا جەتەكشىلىك ەتىپ، دانيا، لاتوۆيا، ەستونيا، ليتۆان، نورۆەگيا جانە گوللانديا قاتارلى ەلدەر قاتىناسادى. كانادا دا بۇعان قاتىناسۋعا ەمەۋرىن بىلدىرۋدە.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.