سومالي زۇڭتۇڭى حاسسان شەيح موحاممۋد (سولدا) پەن جۇڭگو سىرتقى ىستەر مينيسترلىگىنىڭ ورىنباسار مينيسترى جاڭ ميڭ 12 – قازاندا سوماليدىڭ استاناسى موگاديشودا جۇڭگونىڭ باس ەلشىلىگىن قالپىنا كەلتىرۋ سالتىندا باس ەلشىلىكتىڭ ۋيۆەسكاسىن اشۋدا. سول كۇنى جۇڭحۋا حالىق رەسپۋبليكاسىنىڭ سومالي فەدەراتسيالىق رەسپۋبليكاسىنداعى باس ەلشىلىگىن قالپىنا كەلتىرۋ سالتى سومالي استاناسى موگاديشودا وتكىزىلدى. 1991 – جىلى سوماليدا ىشكى سوعىس تۋىلعاننان كەيىن، جۇڭگونىڭ سوماليدا تۇراتىن باس ەلشىلىگى قىزمەتىن توقتاتقان. 2012 – جىلى سوماليدىڭ بەيبىتشىلىك اياق الىسىندا بۇرىلىس بولىپ، 21 جىلدان بەرگى تۇڭعىش رەسمي ۇكىمەت پەن پارلامەنت قۇرىلدى. جۇڭگو مەن سوماليدىڭ دوستىق - سەلبەستىك قارىم – قاتىناسىن اناعۇرلىم ىلگەرىلەتۋ ءۇشىن، جۇڭگو ۇكىمەتى بيىل ماۋسىمدا سوماليداعى باس ەلشىلىكتى قالپىنا كەلتىرۋ بەكىمىنە كەلگەنىن جاريالاعان بولاتىن.
كەلۋ قاينارى: حالىق تورابى