- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولى ەكونوميكالىق بەلدەۋىنە ورنالاسقان كەدەندەردىڭ جۇمىستارى ءبىر تۇلعالاندىرىلادى
10 كەدەن تىعىز سايكەسىپ، «جوعارى قارقىندى جول» سالدى
2015.04.15 14:01 كەلۋ قاينارى : ءتاڭىرتاۋ تورابى
ءتىلشىمىزدىڭ ءۇرىمجى كەدەن مەكەمەسىنەن ۇعىسۋىنشا، شينجياڭدى جىبەك جولى ەكونوميكالىق بەلدەۋىنىڭ وزەكتى رايونى ەتىپ قۇرىپ شىعۋ ستراتەگياسىنا جاپپاي سايكەسۋ، شينجياڭنىڭ سىرتقى ەكونوميكاسىنىڭ دامۋ اياق الىسىن تەزدەتۋ ءۇشىن، ءۇرىمجى كەدەن مەكەمەسى 2015 - جىلى 1 - مامىردان باستاپ، جىبەك جولى ەكونوميكالىق بەلدەۋىنىڭ بويىنا ورنالاسقان چيڭداۋ، جينان، جىڭجوۋ، تاييۋان، شي - ان، يىنچۋان، لانجوۋ، شينيڭ، لحاسا قاتارلى جەرلەردىڭ كەدەن مەكەمەلەرىمەن تىعىز سايكەسىپ، وسى وڭىرلەردەگى كەدەندەردىڭ كەدەندىك جۇمىستارىنا ءبىر تۇلعالاندىرۋ رەفورماسىن جۇرگىزەدى.
ءۇرىمجى كەدەن مەكەمەسىنىڭ كەدەن ىستەرىن قاداعالاۋ - باسقارۋ باسقارماسىنىڭ باستىعى الىم ۇبۇل بىلاي دەپ تانىستىرۋ جاسادى: كەدەندىك جۇمىستاردى ءبىر تۇلعالاندىرۋ رەفورماسى باستالعاننان كەيىن، 10 كەدەن تىعىز سايكەسىپ، جىبەك جولى ەكونوميكالىق بەلدەۋىنە «جوعارى قارقىندى جول» سالادى. جىبەك جولى ەكونوميكالىق بەلدەۋىندەگى كەدەندەردىڭ كەدەندىك جۇمىستاردى ءبىر تۇتاس جۇرگىزۋى جىبەك جولى ەكونوميكالىق بەلدەۋىنىڭ بويىنا ورنالاسقان جەرلەردەگى كاسىپورىنداردىڭ وسى 10 كەدەندە زات يمپورت - ەكسپورت ەتۋىنە قولايلىلىق جاراتادى. جىبەك جولى ەكونوميكالىق بەلدەۋىنىڭ بويىنا ورنالاسقان جەرلەردەگى كاسىپورىندار جىبەك جولى ەكونوميكالىق بەلدەۋىندەگى ءارقانداي كەدەنگە بارىپ راسميات بىتىرسە، ۇقساس مامىلە جاسالىپ، بىردەي ولشەم قولدانىلادى. كاسىپورىن تيجارات ەتۋ كۋالىگىن تىزىمگە الدىرعان جەرگە، زاتىن كىرگىزىپ - شىعارعان كەدەنگە نەمەسە ءوزى تۇرعان جەردىڭ قاراستىلىعىنداعى كەدەنگە بارىپ ءوتىنىش ەتۋىنە، باجى تاپسىرۋىنا جانە كەدەننەن ءوتۋ راسمياتتارىن تەكسەرۋىنە بولادى.
ۇعىسۋعا قاراعاندا، جىبەك جولى ەكونوميكالىق بەلدەۋىندەگى كەدەندەردىڭ كەدەندىك جۇمىستارىن ءبىر تۇلعالاندىرۋ رەفورماسى باستالعاننان كەيىن، 10 كەدەن تىعىز سايكەسىپ، جۇمىس ولشەمىن بىرلىككە كەلتىرۋ، كاسىپ ءتارتىبىن بىرلىككە كەلتىرۋ، زاڭ اتقارۋ ولشەمىن بىرلىككە كەلتىرۋ ارقىلى كاسىپورىندارعا قىزمەت كورسەتەدى. بۇل رەفورما جىبەك جولى ەكونوميكالىق بەلدەۋىندەگى كەدەندەردىڭ كاسىپ ولشەمىن بىرلىككە كەلتىرۋىن جەبەۋمەن بىرگە، كەدەندىك راسمياتتاردى ىقشامداۋدا، قايتالاما بۋىنداردى ازايتۋدا، كەرەكسىز تەكسەرىپ بەكىتۋ ۇقىقتارىن كۇشىنەن قالدىرۋدا قول جەتكىزگەن تابىس سانالادى. كاسىپورىن جونىنەن العاندا، بۇل رەفورما كاسىپورىننىڭ كەدەننەن زات وتكىزۋىن تەزدەتەتىن، زات تاسىمالداۋدى جەدەلدەتەتىن، ەكونوميكالىق قۇندى تومەندەتەتىن «ساياساتتىق پايدا» ەسەپتەلەدى.
قازىر ءۇرىمجى كەدەن مەكەمەسىنىڭ جىبەك جولى ەكونوميكالىق بەلدەۋىندەگى كەدەندەردىڭ كەدەندىك جۇمىستارىن ءبىر تۇلعالاندىرۋ بويىنشا شۇعىل سايكەستىرۋ بولىمشە ورتالىعى قۇرىلۋ ۇستىندە، كاسىپتىك بۋىنداردىڭ دايىندىق قىزمەتى ىستەلۋدە. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
