- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
نەپالداعى كۇشتى جەر سىلكىنىسىندە 2 مىڭ 400 دەن استام ادام قازا بولدى
جۇڭگونىڭ حالىقارالىق قۇتقارۋ اترەتى اپاتتان قۇتقارۋ قىزمەتىنە كىرىستى، ەلىمىزدىڭ ەلشىحاناسى جۇڭگو ازاماتتارىن بار كۇشپەن قۇتقاردى
2015.04.27 13:49 كەلۋ قاينارى : حالىق تورابى
سۋرەتتە: جۇڭگونىڭ حالىقارالىق قۇتقارۋ اترەتىنىڭ مۇشەلەرى اپات تۋىلعان وڭىردە قۇتقارۋ جوباسىن اقىلداسۋدا. سۋرەتتى شينحۋا اگەنتتىگىنىڭ ءتىلشىسى باي ياڭ تۇسىرگەن
شينحۋا اگەنتتىگى، 26 – ءساۋىر، كاتماندۋ (ءتىلشى جوۋ شىڭپيڭ). 25 – ساۋىردە 8.1 بال جەر سىلكىنگەننەن كەيىن، بەيجيڭ ۋاقىتى بويىنشا 26 – ءساۋىر 15 ساعات 09 مينۋتتا نەپالدا تاعى 7.1 بال كۇشتى قالدىق سىلكىنىس تۋىلدى. قازىر جەر سىلكىنىسىنەن نەپالدا كەم دەگەندە 2 مىڭ 430 ادام قازا بولدى، بۇدان تىس 4 مىڭنان استام ادام جارالاندى. جۇڭگونىڭ شيزاڭى، ينديا، بەنگال، بۋتان قاتارلى جەرلەردە دە ءولىم – ءجىتىم جاعدايى بولدى. جەر سىلكىنگەن سوڭ جۇڭگو ۇكىمەتى نەپالداعى اپاتتان قۇتقارۋ قىزمەتىنە بەلسەنە قاتىناستى، قازىر اپاتتان قۇتقارۋ بۇيىمدارىن جەدەل جيناۋدا، بۇل بۇيىمدار نەپالداعى اپات تۋىلعان رايونعا جەدەل جەتكىزىلەدى.
نەپال ۇكىمەتى جۇڭگونىڭ حالىقارالىق قۇتقارۋ اترەتىنىڭ 26 – ءساۋىر تۇستەن بۇرىن نەپال استاناسى كاتماندۋداعى تريبۋان حالىقارالىق اۋەجايىنا جەتىپ، جەر سىلكىنىسى اپاتى تۋىلعان وڭىردە حالىقارالىق ادامگەرشىلىك كومەك بەرۋىن ءوتىندى. جۇڭگونىڭ حالىقارالىق قۇتقارۋ اترەتى – نەپالعا ءبىرىنشى رەت جەتكەن، ب م ۇ تانيتىن كولەمدى حالىقارالىق قۇتقارۋ اترەتى. قۇتقارۋ اترەتىنىڭ جەتەكشىسى، جۇڭگو جەر سىلكىنىسى مەكەمەسى سىلكىنىس اپاتىنان قۇتقارۋ، كومەك بەرۋ بولىمشە مەكەمەسىنىڭ باستىعى جاۋ ميڭجيە تانىستىرىپ بىلاي دەدى: قۇتقارۋ اترەتىندەگى مۇشەلەردىڭ دەنى ەل ءىشى – سىرتىنداعى كوپ رەتكى سىلكىنىستەن قۇتقارۋ، كومەك بەرۋ قىزمەتىنە قاتىناسقان، مول تاجىريبە توپتاعان.
نەپال پرەمەر – مينيسترى جانە مينيسترلەر كەڭەسى كەڭسەسىنىڭ امبەباپ حاتشىسى شانكار پراسادا كويرالا اۋەجايدا قىسقاشا ءسوز سويلەپ، جۇڭگونىڭ حالىقارالىق قۇتقارۋ اترەتىنىڭ كەلگەنىنە راقىمەت ايتىپ، بۇل كۇشتى جەر سىلكىنىسى اپاتىنا تاپ بولعان نەپالعا كورسەتىلگەن ىستىق مەيىر دەپ قارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
