- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جەر شارىنىڭ استىق حاۋىپسىزدىگى قاتاڭ سايىسقا ءدوپ كەلدى
شينحۋا اگەنتتىگىنىڭ ءتىلشىسى ۋاڭ شيڭچياۋ، گى چىن
2015.06.17 13:12
ب م ۇ استىق جانە اۋىل شارۋاشىلىق ۇيىمىنىڭ 39 – كەزەكتى ءماجىلىسى ماۋسىمنىڭ 6 – كۇنىنەن 13 – كۇنىنە دەيىن يتاليا استاناسى ريمدە وتكىزىلدى، ماجىلىستەن الىنعان حاباردا كورسەتىلۋىنشە، استىق جانە اۋىل شارۋاشىلىق ۇيىمى قىزمەتىنىڭ قىسقا مەرزىمدەگى ماڭىزدى ءتۇيىنى اشارشىلىقتى جويۋ، حورەكتىك ماسەلەسى مەن كىليمات وزگەرىسىنە توتەپ بەرۋ بولماق.
تالداۋ جاساۋشى قايراتكەرلەر بىلاي دەپ قارادى: 1996 – جىلعى دۇنيە جۇزىلىك استىق حاۋىپسىزدىگى باسشىلار ماجىلىسىندە بەلگىلەنگەن كەدەيشىلىك پەن اشارشىلىقتى جويۋ، سونداي – اق ب م ۇ – نىڭ 2000 – جىلى بەلگىلەگەن مىڭ جىلدىق دامۋ نىساناسى بويىنشا، 2015 – جىل جەر شارىندىق كەدەيشىلىكتى جويۋدىڭ ماڭىزدى ءتۇيىنى، ءبىراق اماليات جەر شارىنىڭ استىق حاۋىپسىزدىگى جاعدايىنىڭ ءالى دە قاتاڭ سايىسقا ءدوپ كەلىپ وتىرعاندىعىن دالەلدەدى.
نىسانانى جۇزەگە اسىرۋ اۋىر سايىسقا ءدوپ كەلەدى
وسى رەتكى ماجىلىستە استىق جانە اۋىل شارۋاشىلىق ۇيىمىنىڭ باس القاسى گراچيانو مىنانى ءبىلدىردى: بيىل قازاندا 70 جىلدىعى اتاپ وتىلەتىن استىق جانە اۋىل شارۋاشىلىق ۇيىمى «جەر شارى كولەمىندە استىق ءونىمىن ارتتىرۋعا زور ۇلەس قوستى»، كەلەر قادامداعى قىزمەتتىڭ نىساناسى - ۇزاق ۋاقىتقا جالعاسقان اشارشىلىق پەن حورەكتىكتىڭ ناشارلاۋ جاعدايىن تۇبىرىنەن الاستاۋ.
استىق جانە اۋىل شارۋاشىلىق ۇيىمى وسى كەزەكتى ماجىلىستە اشارشىلىق كۇيىندەگى جان سانى سالىستىرماسىن جارىمىنا دەيىن ازايتۋ مىڭ جىلدىڭ دامۋ نىساناسىن تابىستى جۇزەگە اسىرعان 72 مەملەكەتتى ماداقتادى، مۇنىڭ ىشىندە 29 مەملەكەت ءارقايسى ەل ۇكىمەتتەرى 1996 – جىلعى استىق جانە اۋىل شارۋاشىلىق ۇيىمىنىڭ باسشىلار ماجىلىسىندە بەلگىلەنگەن اشارشىلىق كۇيىندەگى جان سانى مولشەرىن جارىمىنا دەيىن ازايتۋ سىندى اناعۇرلىم قاتاڭ نىسانانى دا جۇزەگە اسىردى.
استىق جانە اۋىل شارۋاشىلىق ۇيىمى باس القاسى كەڭسە مەڭگەرمەسىنىڭ مامانى لي شۋان بىلاي دەدى: جۇڭگو «قوس نىساناعا جەتكەن» مەملەكەت، جۇڭگو جەر شارىنىڭ استىق حاۋىپسىزدىگى ءۇشىن وراسان زور ۇلەس قوستى. ول بىلاي دەپ قارادى: جەر شارىنىڭ استىق حاۋىپسىزدىگى جاعدايى ساناق سيفرلارى جاعىنان العاندا «جىلدان جىلعا جاقسارۋدا».
الايدا «جاراتىلىستىق اپات پەن الاساپىرانعا» بايلانىستى كەدەيشىلىكتى ءساتتى جويعان مەملەكەتتەردىڭ قايتادان كەدەيشىلىك قامىتىن كيۋ ءجايىتى اۋىق – اۋىق تۋىلۋدا. مىسالى، وڭىرلىك قاقتىعىس پەن ءىرى ەلدەردىڭ كيلىگۋىنە بايلانىستى يراق، اۋعانستان، ليۆيا سياقتى ەلدەردىڭ كوپ جىلدان بەرى قول جەتكىزگەن كەدەيشىلىكتى جويۋ تابىستارى لەزدە كوزدەن عايىپ بولدى. ال جەر سىلكىنىسى، كليمات وزگەرىسى، ەرنينو قۇبىلىسى سياقتى تابيعي اپاتتار دا ءبىر قىدىرۋ ەلدىڭ كەدەيشىلىكتى جويۋ تابىستارىن سەلگە كەتىردى. وسى ماعىنادان العاندا، بولاشاقتا كەدەيشىلىكتى جويۋ نىساناسىن جۇزەگە اسىرۋ اناعۇرلىم قيىنداي تۇسەدى.
لي شۋان مىنانى ءبىلدىردى: بيىل قىركۇيەكتە نيۋيوركتە وتكىزىلەتىن ب م ۇ جينالىسىندا «كەيىنگى 2015 – جىل» جەر شارىندىق استىق حاۋىپسىزدىگىن باياندى دامىتۋ جاڭا جوسپارى العا قويىلادى، مۇنان جۇزەگە اسىرىلۋدى كۇتىپ تۇرعان جاڭا نىسانالاردىڭ بولاشاقتاعى حالىقارالىق اۋىل شارۋاشىلىعىن دامىتۋ سالاسىندا ءدوپ كەلەتىن تىڭ سايىسقا اينالاتىنىن مەجەلەۋگە بولادى.
حورەكتىك قالىپسىز بولۋ ماسەلەسى كورنەكتىلەندى
گراچيانو بىلاي دەدى: حورەكتىك دەڭگەيىن جوعارىلاتۋ - باستان-اياق استىق جانە اۋىل شارۋاشىلىق ۇيىمى قىزمەتىنىڭ «وزەكتى ءتۇيىنى» بولىپ كەلەدى. ويتكەنى حورەكتىك جەتكىلىكتى بولۋ - استىق حاۋىپسىزدىگىنىڭ ماڭىزدى قۇرامداس بولەگى، «سانى دا، ساپاسى دا كەمىمەۋى كەرەك». ول تاعى بىلاي دەدى: بۇكىل جەرشارىندا استىق جەتىسپەۋ جاعدايى ازايىپ، سەمىزدەر سانى بارىنشا ارتۋدا، بۇل جاعداي ورتاشا كىرىستى مەملەكەتتەردە ءبىرشاما كورنەكتى بولىپ وتىر.
لي شۋان بىلاي دەدى: مەن پاپۋا -جاڭا گۆينەيا دا كوپتەگەن ادامداردىڭ قالىپسىز سەمىرگەندىگىن كوردىم، مۇنداي سەمىزدىك جەرگىلىكتى ادامداردىڭ ازىقتىق تۇتىنۋىنىڭ ءبىر كەلكىسىز ەكەندىگىن بىلدىرەدى. بۇل حورەكتەنۋ ناشار بولۋ جاعدايىنا كىرىپتار ەتەدى. ول تاعى بىلاي دەدى: وڭتۇستىك تىنىق مۇحيتتاعى ارالدى مەملەكەتتەردەگى ەرەسەك ازاماتتاردىڭ %50 تەن استامى ارتىق سالماق جيناعاندار، «بۇل جاقسىلىقتىڭ نىشانى ەمەس، بۇل سوڭىندا ءتۇرلى ناۋقاسقا شالدىقتىرادى، ايتالىق جۇرەك اۋرۋى مەن قانتتى نەسەپ اۋرۋى سياقتى جۇرەك قان تامىر جۇيەسى جانە اس قورىتۋ سياقتى ناۋقاستارعا شالدىقتىرادى.
تالداۋ جاساۋشى قايراتكەرلەر بىلاي دەپ قارادى: استىق ءوندىرىسى ماسەلەسىن ءبىر جاقتى ەتۋ ارقىلى ەشتەمەدەن الاڭداۋعا بولمايدى دەپ ايتۋعا كەلمەيدى، ويتكەنى استىق حاۋىپسىزدىگى سالاسىندا حورەكتىك ماسەلەسى كورنەكتى بولۋدا. مىنانى مەجەلەۋگە بولادى، بۇدان كەيىنگى ءبىر مەزگىلدە بۇكىل جەرشارى كولەمىندە حورەكتىك جەتىسپەۋ نەمەسە ءبىر كەلكسىز بولۋ قۇبىلىسى ۇزدىكسىز ساقتالادى، بۇعان ۇكىمەتتىڭ بەلسەندى شارا قولدانۋى ايرىقشا قاجەتتى.
كليمات وزگەرىسى جىعىلعان ۇستىنە جۇدىرىق بولدى
جەر شارى كليماتىنىڭ جىلىنۋى دۇنيەدەگى ءارقايسى ەلدەردىڭ استىق حاۋىپسىزدىگىنە اۋىر ىقپال جاسادى، اسىرەسە، كەدەي جان سانى جانە اشارشىلىق كۇيىندەگى جان سانى ءبىرشاما كوپ قاعىر رايوندار مەن مەملەكەتتەرگە جانە دامۋ ۇستىندەگى ارالدى مەملەكەتتەرگە اۋىر ءتيدى.
گراچيانو بىلاي دەدى: كەزەكتە، استىق جانە اۋىل شارۋاشىلىق ۇيىمىنىڭ باستى مىندەتى - دامۋ ۇستىندەگى ەلدەردىڭ، اسىرەسە، شاعىن ارالدى مەملەكەتتەردىڭ كليمات وزگەرىسىنە ۇيلەسۋىنە كومەكتەسۋ.
ول بىلاي دەدى: «ءبىز ءونىمدى ساياسات ارقىلى استىق حاۋىپسىزدىگىن، كليمات وزگەرىسىنە ۇيلەسۋ مەن ونى باسەڭدەتۋدى كۇشەيتەمىز. دەسە دە بۇل شوعىرلى ءوندىرىس تاسىلىنەن باياندى استىق ءوندىرىس تاسىلىنە قاراي بۇرىلىس جاساۋدى قاجەت ەتەدى».
بۇدان تىس، قوعامدىق قامتاماسىزداندىرۋ - وسى كەزەكتى ءماجىلىستىڭ ماڭىزدى تاقىرىبى ەسەپتەلەدى. گراچيانو بىلاي دەدى: قوعامدىق قامتاماسىزداندىرۋ جوباسى الدەقاشان 150 ميلليونعا جۋىق ادامدى كەدەيلىكتەن ارىلتتى. بۇل جوبا بۇگىنگى تاڭداعى اشارشىلىق ماسەلەسىن شەشۋدىڭ ماڭىزدى ءتاسىلى ەسەپتەلەدى. وسى كەزەكتى ماجىلىستە اۋىل-قىستاقتارداعى ايەلدەرگە اقشالاي كومەك بەرۋ جوباسى ارناۋلى تانىستىرىلدى. وسى كومەككە يە بولعان ايەلدەر وتباسىلىق تاعامجاي اشۋىنا، وتباسى اۋىل شارۋاشىلىعىن دامىتۋىنا ءارى بالالارعا قۋاتتى ازىقتىق دايارلاۋىنا بولادى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
