- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جۇڭگو ۋاكىلى ب م ۇ مەن حالىقارالىق قۇرىلىمداردى تەز ارادا ساندىق مالىمەت قويماسىن قۇرىپ، لاڭكەس ەلەمەنتتەردىڭ ەل اتتاپ ارەكەت جاساۋىن تەجەۋگە ۇندەدى
2015.06.19 13:17
جۇڭگونىڭ ب م ۇ - دا تۇراتىن ورىنباسار تۇراقتى ۋاكىلى ۋاڭ مين ماۋسىمنىڭ 16 - كۇنى بىلاي دەدى: ب م ۇ مەن قاتىستى حالىقارالىق قۇرىلىمدار لاڭكەستىككە قارسى ساندىق مالىمەت قورىن جەدەل قۇرىپ، اقپاراتتان ورتاق يگىلىكتەنىپ، شەتەلدەگى لاڭكەستەردىڭ ەل اتتاپ ارەكەت جاساۋىن ءونىمدى تەجەۋى كەرەك.
ب م ۇ - نىڭ حاۋىپسىزدىك القالار كەڭەسى سول كۇنى جاپپاي قىرعىنداعىش قارۋلاردىڭ تارالۋىنان ساقتانۋ كوميتەتى، «ءال - حايدا» ۇيىمىن جازالاۋ كوميتەتى مەن لاڭكەستىككە قارسى تۇرۋ كوميتەتى بىرلەسكەن حابارلاندىرۋ ءماجىلىسىن اشتى. ۋاڭ مين ماجىلىستە بىلاي دەدى: شەتەلدەگى لاڭكەستەردىڭ سوعىسقا ارالاسۋى وڭىرلىك قاقتىعىستى ونان ارى ۋشىقتىرىپ، وڭىرلىك قاقتىعىستى ءبىر جاقتى ەتۋدىڭ قيىندىق دارەجەسىن جوعارىلاتتى. ولار تاعى قاتىستى مەملەكەتتەر مەن وڭىرلەردىڭ حاۋىپسىزدىگى مەن ورنىقتىلىعىنا اۋىر حاۋىپ ءتوندىردى.
ۋاڭ مين بىلاي دەدى: عالامتوردان پايدالانىپ لاڭكەستىك قيمىلمەن شۇعىلدانۋ ارەكەتىنە سوققى بەرۋ - حالىقارالىق لاڭكەستىككە قارسى تۇرۋدىڭ تىڭ مىندەتىنە، سايىسىنا اينالدى. حالىقارالىق قوعام اناعۇرلىم پارمەندى شارا قولدانۋ ارقىلى لاڭكەستىك ۇيىمداردىڭ عالامتور ارقىلى زورلىقتى كۇش لاڭكەستىك مازمۇنىنداعى تەلە كەسكىن جولداۋ، ۇشقارى يدەيانى ۇگىتتەۋ، مۇشە قابىلداۋ، قارجى توپتاۋ سياقتى قيمىلدارمەن شۇعىلدانۋىنا باتىل قارسى تۇرۋى كەرەك.
ۋاڭ مين تاعى بىلاي دەدى: جۇڭگو حالىقارالىق لاڭكەستىككە قارسى كۇرەستە ساياسات، حاۋىپسىزدىك، ەكونوميكا، فينانس، اقپارات جانە يدەيا سالاسىندا ۋنيۆەرسالدى ساياسات جۇرگىزىپ، ۇستىنەن وڭاۋ مەن تۇبىرىنەن وڭاۋدىڭ ەرەكشە قاجەت ەكەندىگىن قۋاتتايدى. حالىقارالىق قوعام ناقتى، ءونىمدى شارالار قولدانىپ، مەملەكەتتەر مەن وڭىرلەردىڭ ەكونوميكا مەن قوعامنىڭ دامۋىن جەبەپ، وڭىرلىك قاقتىعىستاردى ءبىر جاقتى ەتۋىنە جاقىننان جاردەم بەرىپ، ۇقساماعان مادەنيەت، ءدىن، ۇلت اراسىنداعى تەپە - تەڭ پىكىرلەسۋدى دارىپتەپ، لاڭكەستىك ماسەلەلەردىڭ ءتۇپ تامىرىنا بالتا شاۋىپ، تۇبەگەيلى قۇرتۋى كەرەك.
ول بىلاي دەپ اتاپ كورسەتتى: لاڭكەستىك مەيلى قانداي فورمادا، قاي مەزگىلدە، قاي جەردە پايدا بولسىن، قانداي ىستەر مەن ادامدارعا باعىتتالسىن، بارلىعىنا باتىل سوققى بەرۋ كەرەك. قوس ولشەم قويۋعا، ۇلت نەمەسە ءدىن ماسەلەسىمەن شاتاستىرۋعا بولمايدى.
ۋاڭ مين تاعى بىلاي دەپ اتاپ كورسەتتى: كەزەكتە، حالىقارالىق جاپپاي قىرعىنداعىش قارۋلاردىڭ تارالۋىنان ساقتانۋ قىزمەتى تىڭ دا كۇردەلى جاعدايعا ءدوپ كەلۋدە، سوندىقتان دا ءار ەل بەي مەملەكەتتىك قيمىلداردان، اسىرەسە، لاڭكەس ەلەمەنتتەردىڭ جاپپاي قىرعىنداعىش قارۋعا يە بولۋىنان باتىل ساقتانۋى كەرەك.
(شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
