- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جاپونيانىڭ سوعىستان كەيىنگى حالىقارالىق تارتىپكە سوقتىققان نەگىزگى ارەكەتتەرى
2015.07.28 13:46
بيىل «پوتسدام جارناماسى» جاريالانعاندىعىنىڭ 70 جىلدىعى. 1945 – جىلى شىلدەنىڭ 26 – كۇنى جۇڭگو، ا ق ش، انگليا جاپونيانى تىزە بۇگۋگە ماجبۇرلەيتىن «پوتسدام جارناماسىن» بىرلىكتە جاريالادى. «پوتسدام جارناماسى» مەن «قاھيرا جارناماسى» سوعىستان كەيىنگى حالىقارالىق ءتارتىپتى قالىپتاستىرۋداعى ماڭىزدى نەگىزدىك قۇجاتقا اينالدى. الايدا دۇنيە جۇزىلىك 2 – سوعىس اياقتاعاننان بەرى، جاپونيانىڭ ەل ىشىندەگى وڭ قانات كۇشتەر سوعىستان كەيىنگى حالىقارالىق تارتىپكە ۇزدىكسىز سوقتىقتى جانە وعان سايىس جاريالادى. ولاردىڭ باستى ارەكەتتەرى مىنا جاقتاردا بەينەلەندى:
{وقۋلىققا وزگەرىس ەنگىزۋ}
«پوتسدام جارناماسىندا» سوعىستان كەيىن جاپونيا ميلليتاريزمىن تۇبىرىنەن جويۋ تالاپ ەتىلدى. جاپونيا ميلليتاريزمىنىڭ قايتا باس كوتەرۋىنەن ساقتانۋ ءۇشىن حالىقارالىق قوعام جاپونيانىڭ وقۋلىقتارىنا شەتەلدەرگە شاپقىنشىلىق جاساعاندىعى جونىندەگى شىن تاريحتىڭ، ءسوزسىز، جازىلۋىن تالاپ ەتتى. الايدا وتكەن عاسىردىڭ 50 – جىلدارىنان باستاپ، جاپونيانىڭ وڭ قانات كۇشتەرى وقۋلىقتارعا وزگەرىس ەنگىزىپ، شاپقىنشىلىق قىلمىسىن بۇركەمەلەدى.
1955 – جىلى ەركىن دەموكراتتار پارتياسىنىڭ بۇرىنعى تۇلعاسى بولعان دەموكراتتار پارتياسىنداعى ءىشىنارا وڭشىل كۇشتەر «ۋايىمعا تولى وقۋلىقتار» اتتى ماقالا جاريالاپ، جاپونيانىڭ ورتا، باستاۋىش مەكتەپ وقۋلىقتارىندا جازىلعان جاپونيانىڭ «سوعىستا جەڭىلگەن كۇندەرى» دەگەن سوزدەردى «سوعىس توقتاتقان كۇندەر» دەپ وزگەرتۋدى دارىپتەدى. وسىدان كەيىن جاپونيانىڭ مادەنيەت مينيسترلىگى بىرنەشە رەت وقۋلىقتاردى تەكسەرىپ بەكىتكەندە، جاپونيا قوزعاعان شاپقىنشىلىق سوعىستى ادەيى بۇركەمەلەدى.
1958 – جىلى مادەنيەت مينيسترلىگى وقۋلىقتاردى تەكسەرىپ بەكىتكەندە جۇڭگوعا شاپقىنشىلىق جاساۋ دەگەندى «ۇلى قۇرلىققا شىعۋ» دەپ وزگەرتتى.
{ەل ارداگەرلەرى عيباداتحاناسىنا سيىنۋ}
«پوتسدام جارناماسىندا» سوعىس قىلمىستىلارىنا ۇكىم شىعارۋ العا قويىلدى. الايدا 1978 – جىلى قازاندا دۇڭتياۋ يىڭجي سياقتى A دارەجەلى 14 سوعىس قىلمىستىسى مەن ەكى مىڭعا جۋىق B دارەجەلى، C دارەجەلى سوعىس قىلمىستىسى «وتان ءۇشىن قۇربان بولعاندار» رەتىندە ەل ارداگەرلەرى قابىرىنا جەرلەندى.
1985 – جىلى تامىزدىڭ 15 – كۇنى جۇڭزىڭگىن، كاڭحۇڭ باسشىلىق ەتكەن بيلىك كەڭسەسىنىڭ كوپ ساندى مۇشەلەرى ۇكىمەت قىزمەتكەرى سالاۋاتىمەن تۇڭعىش رەت ەل ارداگەرلەرى عيباداتحاناسىنا سيىندى. 1996 – جىلى شىلدەنىڭ 29 – كۇنى سول كەزدەگى باس ءۋازىر چياۋبىن لۇڭتايلاڭ دا «بيلىك كەڭەسەسىنىڭ زۇڭليى» سالاۋاتىمەن ەل ارداگەرلەرى عيباداتحاناسىنا سيىندى. شياۋچۋان چۇنيلاڭ دا باس ۋازىرلىك مىندەت وتەگەن كەزىندە جالعاستى التى جىل ەل ارداگەرلەرى عيباداتحاناسىنا تاۋاپ ەتتى. شىنزو ابە بيلىك باسىنا شىققاننان كەيىن، ەل ارداگەرلەرى عيباداتحاناسىنا كوپ رەت تاساتتىق بۇيىمدار قويۋمەن بىرگە، 2013 – جىلى جەلتوقساننىڭ 26 – كۇنى ەل ارداگەرلەرى عيباداتحاناسىنا تاۋاپ ەتتى.
جاپونيا باس ۋازىرلەرىنىڭ دۇنيە جۇزىلىك 2 – سوعىستىڭ سوعىس قىلمىستىلارى ەسەپتەلەتىن ەل ارداگەرلەرى قابىرىنا جاريالى تۇردە تاۋاپ ەتۋى جاپونيانىڭ نەگىزگى زاڭىنداعى بەلگىلەمەگە قايشى بولىپ قانا قالماستان، ونىڭ ۇستىنە جاپونيانىڭ قابىلدايتىندىعى جاريالانعان «پوتسدام جارناماسى» مەن قاتىستى حالىقارالىق ۋادەلەرگە قايشى.
{«بەيبىتشىلىك نەگىزگى زاڭىنا» سايىس جاريالاۋ جانە وعان سوقتىعۋ}
1947 – جىلدان باستاپ اتقارىلعان جاپونيا نەگىزگى زاڭىنىڭ 9 – تارماعىنداعى بەلگىلەمە بويىنشا، جاپونيا سوعىس قوزعاۋدان، قارۋلى كۇشپەن سەس كورسەتۋدەن نەمەسە حالىقارالىق تالاس – تارتىستاردى قارۋلى كۇشپەن شەشۋدەن ماڭگى شەكتەلگەندىكتەن، ول «بەيبىتشىلىك نەگىزگى زاڭى» دەپ اتالعان، ونداعى ماقسات - جاپونيا ميلليتاريزمىن تەجەۋ ءارى سوعىستان كەيىنگى ءتارتىپتى قورعاۋ. الايدا جاپونيانىڭ ەل ىشىندە «بەيبىتشىلىك نەگىزگى زاڭىنا» وزگەرىس ەنگىزۋگە سۇقتانۋ باستان – اياق توقتاپ كورگەن ەمەس.
بوساتىلعان A دارەجەلى سوعىس قىلمىستىسى شىنزو ابەنىڭ ناعاشى اتاسى انشينجيە 1957 – جىلى اقپاندا جاپونيانىڭ باس ءۋارىزى بولىپ تاعايىندالعاننان كەيىن، سول جىلى تامىزدا «نەگىزگى زاڭدى تەكسەرۋ كوميتەتىن» قۇرىپ، «بەيبىتشىلىك نەگىزگى زاڭىنا» وزگەرىس ەنگىزۋگە ازىرلەنەدى. 2003 – جىلى جاپونيا پارلامەنتى «ءىس تۋىلۋعا قاتىستى ءۇش زاڭ جوباسىن» ماقۇلداپ، باس ءۋازىردىڭ حاۋىپتى ساتتە پارلامەنتتىڭ ماقۇلداۋىنسىز الدىن الا شابۋىلداۋعا بۇيرىق بەرە الاتىنىن تۇراقتاندىردى.
2012 – جىلى شىنزو ابە بيلىك باسىنا شىققاننان كەيىن دۇنيە جۇزىلىك 2 – سوعىستان كەيىنگى حالىقارالىق تارتىپكە سايىس جاريالايتىن ءبىر قىدىرۋ ارەكەتتەر قولدانىپ، «بەيبىتشىلىك نەگىزگى زاڭىنا» بۇرىن بولىپ كورىلمەگەن سايىس جاريالادى.
{دياۋيۇي ارالىن يەمدەنىپ الۋ}
«پوتسدام جارناماسىنىڭ» 8 – تارماعىنداعى بەلگىلەمەدە بىلاي دەلىنگەن: «قاھيرا جارناماسىنىڭ شارتتارى، ءسوزسىز، اتقارىلادى، ونىڭ ۇستىنە جاپونيانىڭ يەلىك ۇقىعى ءوز رايونىمەن عانا شەكتەلەدى».
جۋىق جىلداردان بەرى، جاپونيانىڭ دياۋيۇي ارالىنىڭ يەلىك ۇقىعىنا سۇعاناقتىق جاساۋ ارەكەتىنىڭ ۇكىمەتتىڭ ءتۇس الۋى كۇننەن-كۇنگە كورنەكتىلەنە ءتۇستى. 2012 – جىلى قىركۇيەكتە جاپونيا ۇكىمەتى جۇڭگونىڭ دياۋيۇي ارالى مەن وعان قاراستى ارالداردى «مەملەكەت يەلىگىنە» وتكىزگەندىگىن جاريالادى. 2014 – جىلى قاڭتاردا، جاپونيا ۇكىمەتى ءارقايسى باسپا ورىندارىنان دياۋيۇي ارالىن وقۋلىقتارعا جاپونيانىڭ «مەملەكەت يەلىگىندەگى تەرريتورياسى» دەپ جازۋدى تالاپ ەتتى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
