يندونەزيادا 54 ادام وتىرعان ۇشاق قۇلادى

ۇشاقتا جۇڭگو ازاماتتارى جوق

2015.08.17 15:38   كەلۋ قاينارى : حالىق تورابى

　　ATR-42 تۇرپاتتى توتە لەنيالى ۇشاق (ماتەريالدان)

　　شينحۋا اگەنتتىگى، 16 – تامىز، جاكارتا. يندونەزيا قاتىناس مينيسترلىگىنىڭ 16 – تامىز كەشتە حابارلاۋىنشا، سول كۇنى دەرەكسىز كەتكەن تريگانا اۆياتسيا سەرىكتىگىنىڭ جولاۋشىلار ۇشاعى تابىلدى، باپۋا ولكەسىندەگى وقيعانى كوزىمەن كورۋشىلەردىڭ ايتۋىنشا، بۇل جولاۋشىلار ۇشاعى تاۋعا سوعىلىپ قۇلاعان.

　　يندونەزيا قاتىناس مينيسترلىگى اۋە قاتىناسى باس مەڭگەرمەسىنىڭ باستىعى سۋپلاساتتىڭ سول كۇنى كەشتە اقپار جاريالاۋ ماجىلىسىندە ايتۋىنشا، باپۋا ولكەسىندەگى تۇرعىندار تريگانا اۆياتسيا سەرىكتىگىنىڭ دەرەكسىز كەتكەن IL－267 كەزەكتى جولاۋشىلار ۇشاعى وسى ولكەدەگى تاڭگوك تاۋىنا سوعىلعانىن مالىمدەگەن. قازىر قاتىناس مينيسترلىگى بۇل ينفورماتسيانىڭ دۇرىستىعىن تەكسەرۋدە.

　　يندونەزيا تريگانا اۆياتسيا سەرىكتىگىنىڭ IL－267 كەزەكتى جولاۋشىلار ۇشاعى 16 – تامىز كۇنى تۇستەن كەيىن باپۋا ولكەسىنىڭ ورتالىعى چاياپۋلا قالاسىنان كوك جۇزىنە كوتەرىلىپ جارىم ساعات وتكەننەن كەيىن ۇشاق پەن جەر بەتى اراسىندا بايلانىس ۇزىلگەن، جولاۋشىلار ۇشاعىندا جيىنى 49 جولاۋشى مەن 5 ۇشاق قىزمەتكەرى بار.

　　جۇڭگونىڭ يندونەزيا تۇراتىن باس ەلشىلىگىنىڭ يندونەزياداعى قاتىستى جاقتاردان تۇراقتاندىرۋىنشا، دەرەكسىز كەتكەن ۇشاققا جۇڭگو ازاماتتارى وتىرماعان.

　　كەلۋ قاينارى: حالىق تورابى