يندونەزيا دەرەكسىز كەتكەن ۇشاقتىڭ سىنىقتارىن تاپتى

9 ادام «جالعان سالاۋاتپەن» ۇشاققا وتىرعان

2015.08.18 14:34   كەلۋ قاينارى : حالىق تورابى

　　يندونەزيا قاتىناس مينيسترلىگىنىڭ 17 – تامىزدا جاريالاۋىنشا، سول كۇنى ىزدەستىرۋ جۇمىسىنا قاتىناسىپ جاتقان ۇشاق اۋەدە بارلاۋ بارىسىندا ۇشاق سىنىقتارىن بايقاعان، بۇل 16 - تامىزدا دەرەكسىز كەتكەن جولاۋشىلار ۇشاعىنىڭ سىنىقتارى بولۋى مۇمكىن. ىزدەستىرۋگە جاۋاپتى قىزمەتكەرلەر ناقتى جاعدايدى انىقتاۋ ءۇشىن اۋە جانە قۇرلىق جولدارى ارقىلى ۇشاق سىنىقتارى بايقالعان جەرگە اتتاندى.

　　يندونەزيا مەملەكەتتىك ىزدەۋ ورتالىعى مەن جولاۋشىلار ۇشاعىنا يەلىك ەتەتىن سەرىكتىكتىڭ ءمانساپتىلارى ۇشاقتاعى جولاۋشىلاردىڭ تۇگەلدەي يندونەزيا ازاماتتارى ەكەنىن راستادى.

　　تريگانا اۆياتسيا سەرىكتىگى حاۋىپتى جاعدايلارعا توتەپ بەرۋ ورتالىعىنىڭ قىزمەتكەرى بۋديونونىڭ ايتۋىنشا، ۇشاقتاعى بارلىق جولاۋشىلار يندونەزيا ازاماتتارى. اۆياتسيا سەرىكتىگىنىڭ جولاۋشىلار تىزىمدىگىنە 9 ادامنىڭ ەسىمى جازىلعان بولسا دا، ءبىراق ءىس جۇزىندە ولاردىڭ ورنىنا باسقا 9 ادام ۇشاققا وتىرعان. مۇنان سىرت، باپۋا ولكەلىك ۇكىمەت پەن پارلامەنتتىڭ 5 ءمانساپتىسى دا وسى ۇشاقتا بولاتىن، ولار يندونەزيانىڭ تاۋەلسىزدىگىن ەسكە ءتۇسىرۋ قيمىلىنا قاتىناسۋ ءۇشىن وسى ۇشاقپەن وكسيبىلگە بارا جاتقان.

　　باپۋا يندونەزيانىڭ ەڭ شىعىسىنا ورنالاسقان، تاۋلى، نۋ ورماندى جەر. ا ق ش بىرلەسپە اگەنتتىگىنىڭ حابارلاۋىنشا، بۇرىن وسى ارادا قۇلاعان بىرنەشە ۇشاقتىڭ دەرەگى ءالى تابىلماعان.

　　كەلۋ قاينارى: حالىق تورابى