اۆستراليانىڭ حابار – بايلانىس مينيسترى ەركىندىك پارتياسىنىڭ جەتەكشىسى بولىپ تاعايىندالدى

الدا اۆستراليانىڭ پرەمەر – مينيسترى مىندەتىنە تاعايىندالادى

2015.09.15 13:09   كەلۋ قاينارى : حالىق تورابى

　　مالكوم تۇرىنبۇل (سولدا) 14 – قىركۇيەكتە اۆستراليانىڭ كانبەررا قالاسىندا اۆستراليانىڭ سىرتقى ىستەر مينيسترى بيشوپپەن بىرگە تىلشىلەردى قابىلداۋ ماجىلىسىنە قاتىناستى. مالكوم تۇرىنبۇل 14 – قىركۇيەكتە ەركىندىك پارتياسىنىڭ جەتەكشىسىنە داۋىس بەرۋدە جەڭىپ شىقتى، ول الدا ابوتتىڭ ورنىنا اۆستراليانىڭ كەزەكتى پرەمەر – مينيسترى بولىپ تاعايىندالادى. شينحۋا اگەنتتىگى (جاۋ بو فوتوسى)

　　حالىق تورابى، 15 – قىركۇيەك، بەيجيڭ. شينحۋا تورابىنىڭ 14 – قىركۇيەكتە كانبەررادان حابارلاۋىنشا، اۆستراليانىڭ بيلىك باسىنداعى نەگىزگى پارتياسى ــ ەركىندىك پارتياسى 14 – قىركۇيەكتە اتالعان پارتيانىڭ پارلامەنتتەگى مۇشەلەرى اراسىندا داۋىس بەرۋ ارقىلى، حابار – بايلانىس مينيسترى مالكوم تۇرىنبۇلدى پارتيا جەتەكشىسى ەتىپ سايلادى. تۇرىنبۇل الدا اۆستراليانىڭ كەزەكتى پرەمەر – مينيسترى مىندەتىن اتقارادى.

　　تۇرىنبۇل ەركىندىك پارتياسىنىڭ 54 مۇشەسىنىڭ قولداۋىنا يە بولىپ، 44 داۋىسقا يە بولعان قازىرگى پرەمەر – مينيستر توني ابوتتى جەڭىپ شىقتى. پارتيا جەتەكشىسىنىڭ ورىنباسارىنا داۋىس بەرۋ دە ءبىر ۋاقىتتا وتكىزىلىپ، پارتيا جەتەكشىسىنىڭ قازىرگى ورىنباسارى، سىرتقى ىستەر مينيسترى جۋلي بيشوپ 70 داۋىسقا يە بولىپ، 30 داۋىسقا يە بولعان قورعانىس مينيسترى كەۆن اندرۋستى جەڭىپ، پارتيا جەتەكشىسىنىڭ ورىنباسارى مىندەتىنە قايتالاي تاعايىندالدى.

　　كەلۋ قاينارى: حالىق تورابى